default_image

1 year ago

October 20, 2022

युएईको रोमान्चक जितले नेदरल्यान्ड्स सुपर १२ मा

एजेन्सी – युएईले आइसिसी टि२० विश्वकप २०२२ मा नामिबियामाथि सात रनको रोमान्चक जित निकाल्दा नेदरल्यान्ड्स सुपर १२ मा पुगेको छ । समूह ए को निर्णायक खेलमा नामिबिया पराजित हुदा नेदरल्यान्ड्स सुपर १२ मा पुगेको थियो । जितको लागि १ सय ४९ रनको विजयी लक्ष्य पछ्याएको नामिबियाले निर्धारित २० ओभरमा ८ विकेट गुमाउँदै १ सय ४१ […]

46 views

0 Bookmark

एजेन्सी – युएईले आइसिसी टि२० विश्वकप २०२२ मा नामिबियामाथि सात रनको रोमान्चक जित निकाल्दा नेदरल्यान्ड्स सुपर १२ मा पुगेको छ । समूह ए को निर्णायक खेलमा नामिबिया पराजित हुदा नेदरल्यान्ड्स सुपर १२ मा पुगेको थियो ।

जितको लागि १ सय ४९ रनको विजयी लक्ष्य पछ्याएको नामिबियाले निर्धारित २० ओभरमा ८ विकेट गुमाउँदै १ सय ४१ रन मात्र बनाउन सक्यो । नामिबियाको लागि तल्लोक्रमका डेविड विजाले ३६ बलमा ३ चौका र ३ छक्कासहित सर्वाधिक ५५ रन बनाएपनि टोलीको हार टार्न सकेनन् ।

रुबेन ट्रम्पलम्यानले २४ बलमा १ चौका र १ छक्कासहित २४ रनमा अविजित रहे । एक समय ६९–७ को दयनीय अवस्थामा पुगेको नामिबियालाई आठौं विकेटका लागि डेविड विजा र रुवेन ट्रम्पलम्यानले ४४ बलमा ७० रनको सानदार साझेदारी गरेपनि टोलीको हार टार्न सकेनन् ।

अन्तिम १२ बलमा जितको लागि नामिबियालाई २० रन चाहिँएको थियो । १९ औं ओभरमा तीव्र गतिका बलर जहुर खानले मात्र रन खर्चेपछि ६ रन खर्चेपछि अन्तिम ओभरमा १४ रन चाहिँएको थियो । अन्तिम ओभरमा मोहम्मद वासिमले एक विकेट लिँदै ६ रन खर्चेपछि नामिबियाको सुपर १२ खेल्ने सपना समाप्त भएको थियो ।

नामिबियाको सुरुवात निकै खराब रह्यो । तीव्र गतिका बलर जुनैद सिद्दिकको दोस्रो ओभरको पाँचौं बलमा ओपनर स्टेफन ब्राड एज लागेर अहमद राजाबाट ४ रनमा क्याच भए । तेस्रो ओभरको अन्तिम बलमा बासिल हमिदले जान निकोललाई एक रनमा एलबीडब्लू आउट गरे । स्पिनर कार्तिक मयाप्पनले कप्तान जेरार्ड इरास्मसलाई १६ रनमा पेभेभिलिएन फर्काए ।

तीन बल पछि जेजे स्मित तीन रनमा रन आउट भए । जान फ्रिलिंक १४ र जीन ग्रीन २ रनमा आउट भएपछि नामिबिया १२.४ ओभरमा ६९–७ को दयनीय अवस्थामा पुगेको थियो । युएईका जहुर खानले ४ ओभरमा २० रन खर्चेर २ विकेट लिए । जुनैद सिद्दिक, मोहम्मद वासिम र कार्तिक मयाप्पनले एक एक विकेट लिए ।

त्यसअघि भिक्टोरियामा टस जितेर पहिला ब्याटिङको थालेको युएईले निर्धारित २० ओभरमा ३ विकेट गुमाउँदै १ सय ४८ रन बनाएको थियो । युएईका ओपनर मोहम्मद वासिमले ४१ बलमा १ चौका र ३ छक्कासहित सर्वाधिक ५० रन बनाए । कप्तान सिपी रिजवान २९ बलमा ३ चौका र १ छक्कासहित ४३ रन बनाए ।

तल्लोक्रमका बासिल हामिदले १४ बलमा २ चौका र २ छक्कासहित २५ रनमा अविजित रहे । ओपनर वृत्य अरविन्द ३२ बल खेल्दै २ चौकासहित २१ रनमा आउट भए । नामिबियाका डेविड विजा, बेनार्ड स्कोल्टज र बेन शिकोगोंले एक एक विकेट लिए ।
समूह ए मा समान ४ अंक भएपनि श्रीलंका शीर्ष र नेदरल्यान्ड्स दोस्रो स्थानमा रहँदै सुपर १२ मा पुगे ।

श्रीलंकाको नेटरनरेट प्लस ०.६६७ र नेदरल्यान्ड्सको ०.१६२ रह्यो । समान २ अंक भएका नामिबिया तेस्रो र युएई पुछारमा रहँदै बाहिरिए ।

सुपर १२ को समूह ए मा इंग्ल्यान्ड, अष्ट्रेलिया, न्युजिल्यान्ड, अफगानिस्तान, समूह ए को विजेता श्रीलंका र समूह बी को उपविजेता रहनेछन् । सुपर १२ को समूह बी मा भारत, पाकिस्तान, दक्षिण अफ्रिका, बंगलादेश समूह बी को विजेता र समूह ए को उपविजेता नेदरल्यान्ड् रहनेछन् ।

अंक तालिका
समूह बी मा स्कटल्यान्ड १ खेलमा १ मा जित र १ मा हार सहित शीर्ष स्थानमा छ । जिम्बावे १ खेलमा २ अंक सहित दोस्रो स्थानमा छ । वेस्टइन्डिज २ खेलमा १ मा जित र १ मा हार सहित तेस्रो स्थानमा छ । आयरल्यान्ड २ खेलमा १ मा जित र १ मा हार सहित पुछारमा छ । अन्तिम खेलमा वेस्टइन्डिजले आयरल्यान्डसँग खेल्नेछ । स्कटल्यान्डसँग खेल्नेछ । समान २ अंक हुँदा विजयी टोली सुपर १२ मा पुग्नेछन् ।

April 15, 2024

आफ्नै कीर्तिमान सुधार्दै हैदराबाद विजयी

एजेन्सी – इन्डियन प्रिमियर लिग (आईपीएल) जारी संस्करणमा नै इतिहासको सर्वाधिक योगफल बनाएर सनराइजर्स हैदराबादले कीर्तिमान सुधारेको छ । मार्च २७ मा मुम्बई इन्डियन्स विरुद्ध २ सय ७७ रन बनाएको हैदराबादले आज रोयल च्यालेन्जर्स बेंगलुरु विरुद्ध २ सय ८७ रन बनाउन सफल भयो । यो संस्करण अघि रोयल च्यालेन्जर्स बंगलुरुले सन् २०१३ मा बनाएको २ […]

April 15, 2024

कुवेतको दोस्रो जित 

मस्कट (हाम्रो खेलकुद) – ओमानमा जारी एसीसी प्रिमियर कपमा कुवेतले दोस्रो जित दर्ता गरेको छ । पहिलो खेलमा युएई विरुद्ध हार बेहोरेको कुवेतले लगातार दोस्रो जित दर्ता गर्ने क्रममा बहराइन माथि २६ रनको जित निकालेको हो । वर्षाका कारण १५ ओभरमा घटाइएको खेलमा १६२ रनको विशाल लक्ष्य पछ्याएको बहराइनले ६ विकेट गुमाउँदै १३५ रन मात्र […]

April 15, 2024

ओमानको युएईविरुद्ध सहज जित

मस्कट (हाम्रो खेलकुद) – ओमनमा जारी एसिसि प्रिमियर कपमा घरेलु टोलीमा ओमानले लगातार तेस्रो जित दर्ता गरेको छ । लगातार तेस्रो जित हासिल गर्ने क्रममा ओमानले युएई माथि ९ विकेटको सानदार जित निकालेको हो । वर्षाका कारण १५ ओभर प्रति टोलीमा घटाइएको खेलमा युएईले दिएको १४३ रनको लक्ष्य ओमानले १२.४ ओभरमै १ विकेट मात्र गुमाएर […]

Success

Thank you for your time.