एजेन्सी – भारतीय क्रिकेट टोलीका ओपनर इशान किशनले झारखण्डबाट शैद मुश्ताक अलि ट्रफीमा उडिसाविरुद्द शतक हानेका छन् ।

इशानको शतकमा झारखण्ड ७१ रनले विजयी भयो
। लखनउमा टस हारेर पहिला ब्याटिङको निम्तो पाएको झारखण्डले निर्धारित २० ओभरमा ५ विकेट गुमाउँदै १ सय ८८ रन बनायो । झारखण्डका इशान किशनले ६४ बलमा ५ चौका र ७ छक्कासहित १ सय २ रनको शतकिय इनिङ खेले ।
कप्तान विराट सिँह १८, कुमार सुरज ३२ र अनुकूल रोयले १५ रन जोडे ।
उडिसायका तरानी साले ४ ओभरमा ३४ रन खर्चेर ३ विकेट लिए ।
जितको लागि १ सय ८९ रनको विजयी लक्ष सामना गरेको उडिसा १९.२ ओभरमा १ सय १७ रनमा अल आउट भयो ।

उडिसाको लागि ओपनर शानत्नु मिस्रले ५० बलमा ५ चौका र २ छक्का सहित सर्वाधिक ५४ रन बनाए । अन्यले भने राम्रो प्रदर्शन गर्न सकेनन् । झारखण्डको लागि शहवाज नदिमले ४ ओभरमा २१ रन खर्चेर तीन विकेट लिए । अनुकुल रोय र विवेकान्द तिवारीले दुई दुई विकेट लिए ।

भारतका ३८ टोलीबीच प्रतिस्पर्धा हुने यस प्रतियोगिताको प्रदर्शनबाट आइपिएल देखि भारतीय टोलीमा खेलाडी छनोट हुने गर्दछ । आइपिएलमा यो प्रतियोगिता प्रदर्शनलाई नै फ्रेन्चाइज टोली आधार बन्ने गर्दछन् । बिसिसिआईले आइपिएपछि आयोजना गर्ने दोस्रो ठूलो टि२० प्रतियोगिता हो । एकदिवसिय लिष्ट ए मान्यता प्रतियोगिता विजय हजारे र प्रथम श्रेणी मान्यता प्राप्त खेलमा रणजी ट्रफी हुने गर्दछ ।