default_image

1 year ago

October 22, 2022

अष्ट्रेलियामाथि न्युजिल्यान्डको सानदार जित

एजेन्सी – न्युजिल्यान्डले आइसिसी टि२० विश्वकपमा साविक विजेता तथा घरेलु टोली अष्ट्रेलियामाथि ८९ रनको सानदार जित हात पारेको छ । ब्याटिङ र बलिङ दुबैमा सानदार प्रदर्शनका साथ न्युजिल्यान्डले उत्कृष्ट विजयी सुरुवात गरेको हो । जितको लागि २ सय १ रनको विशाल विजयी लक्ष्य पछ्याएको अष्ट्रेलियाले १७.१ ओभरमा १ सय ११ रनमा अल आउट भयो । […]

246 views

0 Bookmark

एजेन्सी – न्युजिल्यान्डले आइसिसी टि२० विश्वकपमा साविक विजेता तथा घरेलु टोली अष्ट्रेलियामाथि ८९ रनको सानदार जित हात पारेको छ । ब्याटिङ र बलिङ दुबैमा सानदार प्रदर्शनका साथ न्युजिल्यान्डले उत्कृष्ट विजयी सुरुवात गरेको हो ।

जितको लागि २ सय १ रनको विशाल विजयी लक्ष्य पछ्याएको अष्ट्रेलियाले १७.१ ओभरमा १ सय ११ रनमा अल आउट भयो । अष्ट्रेलियाका ग्लेन म्याक्सवेलले २० बलमा ३ चौका र १ छक्कासहित सर्वाधिक २८ रनमा आउट भए ।

अष्ट्रेलियाको सुरुवात नै खराब रह्यो । दोस्रो ओभरको पहिलो बलमा टिम साउथीको बलमा डेविड वार्नरलाई ५ रनमा बोल्ड गरे । स्पिनर मिचेल सान्टनारको चौथो ओभरको अन्तिम बलमा कप्तान आरोन फिन्च १३ रनमा केन विलियम्सनबाट क्याच आउट भए ।

कभरमा सट खेल्न खोज्दा फिन्च एक्स्ट्रा कभरमा क्याच हुन पुगे । त्यसपछि साउथीको बलमा ठूलो सट खेलेपनि हाइ जादा डिप मिडविकेटमा जेम्श निसमले १६ रनमा उत्कृष्ट क्याच लिए । मार्शले १२ बलमा २ चौका र १ छक्का प्रहार गरे ।

सान्टनारको नवौं ओभरको दोस्रो बलमा मार्कस स्टोइनिसको क्याच ग्लेन फिलिप्सले सानदार रुपमा लिएपछि समाएपछि जितको सम्भावना टाढिएको थियो । स्टोइनिस १४ बलमा खेल्दै ७ रन बनाए ।

टिम डेविड ११ र म्याथ्यु वेड २ रनमा क्याच भएपछि अष्ट्रेलिया ८२–६ को अवस्थामा पुगेको थियो । ग्लेन म्याक्सवेल स्वीप खेल्ने धुनमा ईश सोधीको बलमा २८ रनमा बोल्ड भए । प्याट कमिन्स २१, मिचेल स्टार्क ४ र एडम जाम्पा शून्यमा आउट भए ।

न्युजिल्यान्डका टिम साउथीले २.१ ओभरमा ६ रन खर्चेर ३ विकेट लिए । मिचेल सान्टनारले ४ ओभरमा ३१ रन खर्चेर ३ विकेट लिए । ट्रेन्ट बोल्टले ४ ओभरमा २४ रन खर्चेर २ विकेट लिए । लोकी फर्गुसन र ईश सोधीले एक एक विकेट लिए ।

त्यसअघि सिड्नीमा टस हारेर पहिला ब्याटिङको निम्तो पाएको न्युजिल्यान्डले निर्धारित २० ओभरमा ३ विकेट गुमाउँदै २ सय १ रन बनाएको थियो । न्युजिल्यान्डका ओपनर डेभन कन्वेले ५८ बलमा ७ चौका र २ छक्कासहित सर्वाधिक ९२ रनमा अविजित रहे ।

न्युजिल्यान्डलाई ओपनर फिन एलेनले सानदार सुरुवात दिलाए । पावर प्लेको भरपूर्ण फाइदा उठाउँदै उनले १६ बलमा ५ चौका र ३ छक्कासहित ४२ रनको विष्फोटक इनिङ खेले । एलेन तीव्र गतिका बलर जोश हेजलवुडको बलमा अघि बढेर सट खेल्ने धुनमा योर्करमा बोल्ड हुन पुगे । त्यो समय ४.१ ओभरमा ५६–१ को अवस्था पुगेको थियो । पहिलो पावर प्लेमा ६५–१ को अवस्थामा थियो ।

त्यसपछि केन विलियम्सन र कन्वेले ५३ बलमा ६९ रनको साझेदारी गर्दै इनिङलाई अघि बढाए । विलियम्सन एडम जाम्पाको बलमा २३ रनमा एलबीडब्लू आउट भए । २३ बल खेलेका विलियम्सनले १ चौका र १ छक्का हाने । विलियम्सन स्वीप खेल्ने धुनमा मिस भएका थिए ।

ग्लेन फिलिप्स १० बल खेल्दै १२ रनमा आउट भए । जेम्श निसम १३ बलमा २ छक्कासहित २६ रनमा अविजित रहे । चौथो विकेटका लागि निसम र कन्वेले २४ बलमा ४८ रनको साझेदारी गरे ।

अष्ट्रेलियाका जोश हेजलवुडले प्याट कमिन्सले ४ ओभरमा ४६ रन खर्चे । जोश हेजलवुडले ४ ओभरमा ४१ रन खर्चेर २ विकेट लिए । मिचेल स्टार्कले ४ ओभरमा ३६ रन खर्चिए । एडम जाम्पाले ४ ओभरमा ३९ रन खर्चेर १ विकेट लिए ।

न्युजिल्यान्डले अव अक्टोबर २६ मा अफगानिस्तानसँग खेल्नेछ । अष्ट्रेलियाकाले २५ अक्टोबरमा श्रीलंकासँग खेल्नेछ । सुपर १२ को समूह ए मा अष्ट्रेलिया, न्युजिल्यान्ड, इंग्ल्यान्ड, अफगानिस्तान, श्रीलंका र आयरल्यान्ड छन् ।

सुपर १२ को समूह बी मा भारत, पाकिस्तान, दक्षिण अफ्रिका, बंगलादेश, नेदरल्यान्ड्स र जिम्बावे छन् । हरेक समूहबाट शीर्ष दुई दुई टोली सेमिफाइनलमा पुग्नेछन् ।

April 14, 2024

अकिबको ह्याट्रिकमा ओमानले कम्बोडियालाई हरायो

मस्कट (हाम्रो खेलकुद) – अलराउन्डर अकिब इल्यासले ह्याट्रिक लिएपछि एसीसी मेन्स प्रिमियर कप २०२४ अन्तर्गत समूह बी को खेलमा आयोजक ओमानले कम्बोडियालाई ६३ रनले पराजित गरेको छ । अल अमेरत मैदानमा आइतबार वर्षाले खेलको सुरुवात प्रभावित भएपछि ११ ओभरमा घटाइएको थियो । कम्बोडियाले टस जितेर ओमानलाई पहिलो ब्याटिङको निम्तो दिने निर्णय सफल भने भएन । […]

April 14, 2024

राजस्थानसँग पन्जाबको हार

एजेन्सी – सामूहिक प्रदर्शन गर्दै राजस्थान रोयल्सले इन्डियन प्रिमियर लिग (आइपिएल) मा शनिबार जित निकालेको छ । राजस्थानले पन्जाब किङ्सलाई ३ विकेटले हराएको छ । एक सय ४८ रनको लक्ष्य पछएको राजस्थानले १९.५ ओभरमा ७ विकेटको क्षेतिमा १ सय ५२ रन जोड्दै जित दर्ता गरेको हो ।टोलीका लागि यसस्वी जैसवालले २८ बलमा सर्वाधिक ३९ रन, […]

April 14, 2024

टि ट्वान्टी विश्वकप– अमेरिकामा जर्सी प्रि अर्डर गर्न सकिने

टेक्सस (हाम्रो खेलकुद) – अमेरिका र वेष्ट इन्डिजमा संयुक्त रुपमा हुने आइसीसी टि ट्वान्टी विश्वकपका लागि नेपाल क्रिकेट संघ (क्यान) ले केहि दिन गत साता काठमाडौंमा नेपाली टोलीले लगाउने जर्सी सार्वजनिक गरेको थियो । जुनको १ देखि २९ सम्म हुने टि ट्वान्टीमा नेपाली टोलीले लगाउने जर्सीको अमेरिकी विक्रि अधिकार केल्मी नेपालले एक्जोबी यूएसएलाई दिएको छ […]

Success

Thank you for your time.