2 years ago
October 22, 2022
धादिङ (हाम्रो खेलकुद) – समूह चरणको अन्तिम नाटकीय खेलमा निलकण्ठ नगरपालिकाले गल्छी गाउँपालिकालाई तीन विकेटले हराएसँगै धादिङ क्रिकेट लिगको सेमिफाइनल समिकरण पूरा भएको छ । सेमिफाइनलको निर्णायक अन्तिम खेल रोचक र नाटकीय रह्यो । बेनीघाटमा रहेको चन्द्रोदय खेल मैदानमा टस जितेर टस हारेर पहिला ब्याटिङको निम्तो पाएको गल्छीले निर्धारित २० ओभरमा ६ विकेट गुमाउँदै ९१ […]
धादिङ (हाम्रो खेलकुद) – समूह चरणको अन्तिम नाटकीय खेलमा निलकण्ठ नगरपालिकाले गल्छी गाउँपालिकालाई तीन विकेटले हराएसँगै धादिङ क्रिकेट लिगको सेमिफाइनल समिकरण पूरा भएको छ । सेमिफाइनलको निर्णायक अन्तिम खेल रोचक र नाटकीय रह्यो ।
बेनीघाटमा रहेको चन्द्रोदय खेल मैदानमा टस जितेर टस हारेर पहिला ब्याटिङको निम्तो पाएको गल्छीले निर्धारित २० ओभरमा ६ विकेट गुमाउँदै ९१ रन बनायो । सुरुवातमै लगातार विकेट गुमाएपछि त्यसपछि सम्हाल्नि कठिन परेको थियो । गल्छीका सुजन अधिकारीले ३० ,रामहरी सापकोटाले १५ र आमन श्रेष्ठले १८ रन जो । अन्य ब्यटरको प्रदर्शन भने सम्झन लायक रहेन ।
नीलकण्ठ नगरपालिकाका राजिब श्रेष्ठले ४ ओभरमा १ मेडन रख्दै मात्र ९ रन खर्चिएर ४ विकेट लिए । सन्तोष घिमिरे र अनिश अधिकारीले एक एक विकेट लिए ।
जितको लागि ९२ रनको मध्यम लक्ष्य पछ्याएको नीलकण्ठले १९.४ ओभरमा ७ विकेट गुमाएर पूरा गर्यो । एक समय सहज जित नजिक पुगेको थियो । अन्तिम १८ बलमा मात्रै ६ रन बनाउनु पर्दा हातमा तीन विकेट थियो ।
तर बाँकी १२ बलमा मात्रै दुई रन जोडेपछि एक समय नाटकीय हार तर्फ अघि बढेको थियो । गल्छीका बलरले मिडियम पेशमा लगातार डट राखेका थिए ।
अन्तिम ६ बलमा जितको लागि ४ रन चाहिँएको थियो । सन्तोष घिमिरे क्रिजमा थिए । विक्रम खड्को सुरुवाती तीन बलमा रन बटुल्न नसकेपछि हारतर्फ अघि बढेको थियो । चौथो बलमा मिडअनमा फिल्डरले मिस गरेपछि चौका हुँदै खेल सकिएको थियो ।
नीलकण्ठको निशान गुरुङले १४, दीपक सुबेदीले १६, अनिल ढकाल ११, सन्तोष घिमिरे ९,सुजित शर्मा ५, रुपेश राज राउतले ४ रन बनाए । गल्छीका रामहरि सापकोटाले ४ ओभरमा १३ रन खर्चिएर तीन विकेट लिए । प्रविन खतिवडाले दुई विकेट लिए ।
त्यस्तै पहिलो खेलमा आज रोराङ गाउँपालिकाले सिद्धलेक गाउँपालिकालाई ४६ रनले हराउदै सहूह बी बाट सेमीफाइनलमा स्थान बनाएको थियो । बेनीघाट रोराङ गाउँपालिकाले निर्धारित २० ओभरमा ६ विकेट गुमाएर १ सय ३० रन बनायो । बेनीघाटका बिजय सिलवालले १७ बलमा ३ चौका र २ छक्काको मद्दतले २६ रन बनाए । श्याम त्रिपाठीले २० र अन्जल सिलवालले २२ रन जोडे।
सिद्धलेकका आरम्भ तिमल्सिनाले ४ ओभरमा २० रन खर्चिएर दुई विकेट लिए । दिवश कडेल , मनिष अर्याल र प्रदिप गिरीले सम्मान एक एक विकेट लिए ।
जितको लागि १ सय ३१ रनको मध्यम विजयी लक्ष्य पछ्याएको सिद्धलेकले निर्धारित २० ओभरमा ९ विकेट गुमाउँदै ८४ रन बनायो । सिद्धलेकका सचिन श्रेष्ठले ३३ बलमा दुर्इ चौका र एक छक्कासहित २६ रन जोडे । उमेश सेधाईले २३ बलमा १७ रन बनाए।
बेनीघाटका रविन त्रिपाठीले ४ ओभरमा २२ रन खर्चिएर पाँच विकेट लिँदै जित पक्का गराए । अमृत लम्सालले दुई, अन्जल सिलवाल र आशिष आचार्यले एक एक विकेट लिए । समूह एबाट सेमिफाइनलमा त्रिपुरासुन्दरी गाउँपालिका र धुनीबेसी नगरपालिका प्रवेश गरेका छन् । समूह बीबाट नीलकण्ठ र बेनीघाट रोराङ गाउँपालिका प्रवेश गरेका छन्।
May 4, 2024
काठमाडौँ (हाम्रो खेलकुद) – वेस्ट इन्डिज ‘ए’ विरुद्धको टि-२० श्रृंखलाको अन्तिम खेलमा नेपाल विजयी भएको छ । एक खेल अगावै सिरिज गुमाएको नेपाल अन्तिम खेलमा भने ६ विकेटले विजयी भएको हो । नेपालले पाएको १७३ रनको लक्ष्य नेपालले ४ विकेट गुमाएर ७ बल बाँकी छँदै पुरा गर्यो । नेपालको जितमा अनिल साहले ४५ बलमा ५८ […]
May 4, 2024
काठमाडौँ (हाम्रो खेलकुद) – वेस्ट इन्डिज ‘ए’ विरुद्धको टि-२० श्रृंखलाको अन्तिम खेलमा नेपालले बलियो लक्ष्य पाएको छ । टियु क्रिकेट मैदानमा टस जितेर पहिला ब्याटिङ गर्ने निर्णय लिएको वेस्ट इन्डिज ‘ए’ ले निर्धारित २० ओभरमा ७ विकेट गुमाउँदै १ सय ७२ रन बनायो । वेस्ट इन्डिज ‘ए’ का लागि एलिक अथान्जेले २९ बलमा १ चौका […]
May 4, 2024
काठमाडौं (हाम्रो खेलकुद) – वेस्ट इन्डिज ‘ए’ विरुद्ध जारी टि २० सिरिजको पाँचौं खेलमा पनि नेपालले टस हारेको छ । वेस्ट इन्डिज ‘ए’ का कप्तान रोस्टन चेजले टस जितेर पहिलो ब्याटिङ गर्ने निर्णय लिएपछि नेपालले फिल्डिङ गर्ने भएको छ । नेपालले सिरिजको सबै खेलमा पहिला फिल्डिङ गर्ने भएको छ । नेपालले आज पछिल्लो खेलमा हार […]