धादिङ (हाम्रो खेलकुद) – धुनीबेसी नगरपालिका र त्रिपुरासुन्दरी गाउँपाललिका धादिङ क्रिकेट लिगको फाइनलमा पुगेका छन् । आइतबार पहिलो सेमिफाइनलमा त्रिपुरासुन्दरी गाउँपालिकाले बेनीघाटलाई पाँच विकेटले हराउँदै फाइनलमा स्थान बनाएको छ । त्यस्तै दोस्रो सेमिफाइनलमा धुनबेसी नीलकण्ठलाई १३ रनले हराउँदै फाइनलमा स्थान बनाएको हो ।

चन्द्रोदय खेल मैदानमा टस जितेर पहिला ब्याटिङ थालेको त्रिपुरासुन्दरीले २० ओभरमा ९ विकेट गुमाउँदै १ सय ४ रन बनायो । राम्रो सुरुवात गर्दै ३१ रन जोड्न पहिलो विकेटकोरुपमा कप्तान अमृत थापालाई गुमाएको त्रिपुरासुन्दरीले निरन्तर विकेट गुमायो । कप्तान अमृतले १२ बलमा १३ रन बनाए । सहिल भण्डारीले ३३ बलमा २१ रन जोडे । श्री उपध्य र उदय थापाले ११ रन बनाए ।

बेनीघाट रोराङ गाउँपालिकाका अमृत लम्सालले ४ ओभरमा १७ रन खर्चिएर दुई विकेट लिए। आशिष आचार्यले ४ ओभरमा १० रन खर्चिएर २ विकेट लिए। श्याम त्रिपाठी, अन्जल सिलवाल र रबीन त्रिपाठीले सम्मान एक विकेट लिए ।

जितको लागि १ सय ५ रनको विजयी लक्ष्य पछ्याएको बेनीघाट २० ओभरमा ९ विकेट गुमाएर ९९ रन बनायो । जितको लागि बेनीघाटलाई अन्तिम १८ बलमा १९ रन आवश्यक थियो ।

१७ औं ओभरको कप्तान अमृत थापाले दुई विकेट लिग्दा त्रिपुरासुन्दरी नाटकीय जित तर्फ अग्रसर भएको थियो । बेनीघाटलाई अन्तिम ओभरमा एक विकेट मात्र बाँकी रहदा जितका लागि १० रन आवश्यक थियो। अन्तिम ३ बलमा ८ रन आवश्यक थियो। १९.५ बलमा केवल एक रन आयो भने अन्तिम बल डट रहदा बेनीघाट ५ रनले पराजित भएको थियो ।

बेनीघाटले निर्धारित २० ओभरमा ९ विकेट गुमाएर ९९ रन मात्र जोड्यो। बेनीघाटका श्याम त्रिपाठीले २१ बलमा २० रन बनाए। अन्जलले २० , आशिष मियाले १५ र अमृत लम्सालले १३ रन बनाए।

त्रिपुरासुन्दरीको अमृत थापाले ४ ओभरमा १६ रन खर्चिएर ३ विकेट लिए। बिशालले २, राम बहादुर राना र उदय थापाले सम्मान एक विकेट लिए ।

चन्द्रोदय खेल मैदानमा टस जितेर धुनीबेसी नगरपालिकाले निर्धारित २० ओभरमा ८ विकेट गुमाएर १ सय ४० रन बनायो। पहिलो विकेटका लागि धुनीबेसीका ओपनर कुशल रुपाखेती र सुनिल बानियाबीच ६६ रनको साझेदारी भएको थियो । ७.२ ओभरमा कौशललाई अनिल ढकालले बोल्ड गरे ।

कौशलले २१ बलमा १ चौका र ६ छक्काको मद्दतमा ४४ रन प्रहार गरे । सुनिल बाँनियाले २४ बलमा १६ रन जोडे। त्सपछि भने अन्य ब्यटर क्रिजमा जमेर खेल्ने सकेनन्। समिर तिमल्सिनाले १८ र प्रनित भट्टले १२ रन बनाए।

नीलकण्ठका सुजित श्रेष्ठले ४ ओभरमा १२ रन खर्चेर ३ विकेट लिए। अनिल ढकालले २ , सन्तोष घिमिरे र अनिश अधिकारीले १(१ विकेट लिए। जितको लागि १ सय ४० रनको लक्ष्य लिएर मैदान आएको नीलकण्ठलाई अन्तिम १२ बलमा २७ रन आवश्यक रहेको थियो । १९ औं ओभरमा धुनीबेसीका कौशल रुपाखेतीले केवल ५ रन खर्चिए ।

अन्तिम ओभरमा नीलकण्ठका कप्तान सन्तोष घिमिरेले सुदीप पाठकको ओभरमा ८ रन जोडे पनि जितको लागि प्राप्त भएन । नीलकण्ठका कप्तान सुदीपले ४६ बलमा ४ चौका र ५ छक्काको मद्दतमा ६० रन प्रहार गरे । सुजित श्रेष्ठले १३ बलमा १५ रन बनाए । नीलकण्ठले २० ओभरमा ४ विकेट गुमाएर १ सय २७ रन बनायो ।

धुनीबेसीका सुनिल बाँनियाले ४ ओभरमा १९ रन खर्चिएर २ विकेट लिए। कौशल रुपाखेतीले र अमृत थापाले १ विकेट लिए। खेलको म्यान अफ द म्याच कौशल रुपाखेती भए।