एजेन्सी – आइसिसी टि२० विश्वकपमा आज बंगलादेश र नेदरल्यान्ड्सबीच प्रतिस्पर्धा हुँदैछ । खेल नेपाली समय अनुसार बिहान ९ : ४५ मा होबार्टमा सुरुहुनेछ ।

सुपर १२ मा दुबै टोली विजयी सुरुवात गर्ने सोचमा हुनेछन् । नेदरल्यान्ड्स समूह ए को उपविजेता हुँदै सुप १२ खेलेको हो । बंगलादेश नेदरल्यान्ड्सलाई हराउँदै विश्वकपमा सानदार सुरुवात गर्न चाहन्छ । पछिल्लो समय बंगलादेशको प्रदर्शन राम्रो छैन ।

बंगलादेश विश्वकपमा राम्रो प्रदर्शन गर्न चाहन्छ । लिटन दास, कप्तान सकिब अल हसन, अफिफ हसैन र सौम्य सरकार प्रमुख ब्याटर हुन् । तीव्र गतिका बलर मुश्ताफिजर रहमान मुख्य हतियार हन् ।

मुश्ताफिजुर घातक बन्न सक्छन् । कप्तान सकिबबाट बंगलादेश ठूलो इनिङ चाहन्छ । स्पिनर मेहदी हसन, सकिब र नासुम अहमद हुनेछन् ।

यता नेदरल्यान्ड्स बास डि लिडे, म्याक्स ओडआउड र विक्रमजित सिंह प्रमुख ब्याटर हुन् । बास डि लिडेले सानदार प्रदर्शन गर्दै आएका छन् । म्याक्स ओडआउड ठूलो इनिङ खेल्न सक्छन् । फ्रर्द क्लासेन, बास डि लिडे र पाउल भान मिर्केन प्रमुख बलर हुन् ।

भारत र नेदरल्यान्ड्सबीच टि२० आईमा कुल तीन खेल भएका छन् । जसमा बंगलादेश दुई र नेदरल्यान्ड्स एक खेलमा विजयी भएका छन् । आजको दोस्रो खेलमा जिम्बावे र दक्षिण अफ्रिकाबीच हुनेछ । खेल नेपाली समय अनुसार दिउँसो १ः ४५ खेलमा हुनेछ ।

सुपर १२ को समूह ए मा अष्ट्रेलिया, न्युजिल्यान्ड, इंग्ल्यान्ड, अफगानिस्तान, श्रीलंका र आयरल्यान्ड छन् । सुपर १२ को समूह बी मा भारत, पाकिस्तान, दक्षिण अफ्रिका, बंगलादेश, नेदरल्यान्ड्स र जिम्बावे छन् । हरेक समूहबाट शीर्ष दुई दुई टोली सेमिफाइनलमा पुग्नेछन् ।