default_image

1 year ago

October 25, 2022

आइसिसी एमसिसीसँग पराजित

एजेन्सी– ओपनर तीर्थ सतिशको उत्कृष्ट प्रदर्शनको बाबजुद विश्व चर्चित मेरिलेबोन क्रिकेट क्लबले टि२० खेलमा आइसिसी यू–१९ महिला टोलीलाई १६ रनले पराजित गरेको छ । एमसिसीको यो नेपाल भ्रमणमा पहिलो जित हो । जितको लागि १ सय ७६ रनको विजयी लक्ष्य पछ्याएको आइसिसी यू–१९ टोलीले निर्धारित २० ओभरमा ४ विकेट गुमाउँदै १ सय ५९ रन बनायो […]

133 views

0 Bookmark

एजेन्सी– ओपनर तीर्थ सतिशको उत्कृष्ट प्रदर्शनको बाबजुद विश्व चर्चित मेरिलेबोन क्रिकेट क्लबले टि२० खेलमा आइसिसी यू–१९ महिला टोलीलाई १६ रनले पराजित गरेको छ । एमसिसीको यो नेपाल भ्रमणमा पहिलो जित हो ।

जितको लागि १ सय ७६ रनको विजयी लक्ष्य पछ्याएको आइसिसी यू–१९ टोलीले निर्धारित २० ओभरमा ४ विकेट गुमाउँदै १ सय ५९ रन बनायो ।

आइसिसी यू–१९ महिलाको लागि तीर्थ सतिशले ५० बलमा १४ चौकासहित सर्वाधिक ८० रनको अविजित इनिङ खेलेपनि टोलीको हार टार्न सकिनन् । युएईकी ओपनर तीर्थले ठूलो इनिङ खेलेपनि झिनो हारको अन्तर भने टार्न सकिनन् । हारको बाबजुद तीर्थ नै खेलको प्लेयर अफ द म्याच चुनिन् ।

ओपनर साची धडवाल १५ बलमा ३ चौकासहित १७ रन बनाउँदै आउट भइन् । त्यो समय आइसिसीले ४.५ ओभरमा ३८ रन जोडेको थियो । दोस्रो विकेटका लागि एलिना खान र सतिशले ४७ रनको साझेदारी गरेका थिए ।

एलिना खान २२ बलमा २ चौकासहित १९ रन बनाउँदै क्याच आउट भइन् । तेस्रो विकेटका लागि युएईका दुई ब्याटर वैष्णवी महेश र थीर्थले ६५ रनको साझेदारी गरेका थिए ।

सृष्टी जैसीले ४ बलमा १ चौकासहित ५ रन बनाइन् । सामइराले ६ बलमा १ चौकासहित ६ रनमा आउट भइन् । एमसिसीको लागि रिया रावल, इसाबेल गुर्नी, राहेल पोटर र जोलेन फोस्टरले एक एक विकेट लिइन् ।

त्यसअघि टियु क्रिकेट मैदानमा टस जितेर पहिला ब्याटिङ रोजेको एमसिसीले निर्धारित २० ओभरमा ३ विकेट गुमाउँदै १ सय ७५ रन बनाएको थियो । एमसिसीको लागि ओपनर क्लेयर टेलरले ६६ बलमा १५ चौकासहित सर्वाधिक ९७ रनमा बोल्ड भइन् ।

उनी १९ औं ओभरको पाँचौं बलमा समाइरा धारनिधर्कको बलमा बोल्ड भएपछि शतकबाट मात्रै तीन रनले चुकेकी थिइन् । टेलर विश्व महिला क्रिकेट टोलीकै एक सर्वाधिक सफल ब्याटर हुन् । ४७ वर्षीय उनले १५ टेस्ट, १ सय २६ महिला ओडिआई र २७ महिला टि२० आई खेल खेलेकी छिन् ।

पहिलो विकेटका लागि टेलर र मिया रोजर्सले ७१ रनको साझेदारी गर्दै राम्रो सुरुवात दिलाए । दोस्रो विकेटका लागि टेलर र अमान्डा पोटगीटरले ८९ रनको साझेदारी गरेका थिए अमान्डा २६ बलमा ३ चौका र २ छक्कासहित ४० रनमा आउट भइन् ।

मिया रोजर्सले २५ बलमा १ चौकासहित १६ र राहेल पोटरले ४ रन बनाईन् । आइसिसी यू-१९ को लागि कृतिका मरासिनीले ४ ओभरमा २६ रन खर्चेर १ विकेट लिइन् । वैष्णवी महेश र समाइराले एक एक विकेट लिए ।

आइसिसीले यू१९ विश्वकप छनोटमा एसिया छेत्रबाट उत्कृष्ट प्रदर्शन गर्ने विभिन्न देशक १३ खेलाडी समेटेर टोली बनाएको छ । जुन टोलीले तीन खेल खेल्नेछ । नेपालबाट कृतिका, सृष्टी जैशी र आश्मा पुलामी मगर छन् ।

आइसिसीले भोली मिक्स्ड ११ सँग खेल्नेछ । भाइ टिकाको अर्को दिन आइसिसीले नेपाल इमर्जिङ टिम्ससँग खेल्नेछ । एमसिसी पहिलो खेलमा नेपालको मिक्स्ड एघार महिला टोलीसँग १ सय ७ रनको फराकिलो अन्तरले पराजित भएको थियो ।

एमसिसीले अव पोखरामा खेल्नेछ । एमसिसीले शुक्रबार पोखरामा क्यान ११ सँग खेल्नेछ । आइतबार एमसिसीले मिक्स्ड ११ र मंगलबार क्यान ११ सँग खेल्नेछ । क्यान ११ सँगको दुबै खेल ४०-४० ओभरको हुनेछ । मिक्स्डसँग २० ओभरको खेल्नेछ ।

April 20, 2024

नेपाललाई हराउँदै हङकङ इमर्जिङ एसिया कपमा छनोट

मस्कट (हाम्रो खेलकुद) – हङकङ ओमनमा जारी एसीसी प्रिमियर कपमा तेस्रो स्थान हासिल गर्दै इमर्जिङ टिम्स एसिया कपमा छनोट भएको छ । तेस्रो स्थानको लागि शनिबार भएको खेलमा नेपाल माथि ४ विकेटको जित निकाल्दै इमर्जीङ टिम्स एसिया कपमा छनोट भएको हो । नेपालले दिएको १ सय ४० रनको लक्ष्य पछ्याएको हङकङले लक्ष्य १९.३ ओभरमा ६ […]

April 20, 2024

दीपेन्द्रको ब्याटिङमा नेपालको प्रतिस्पर्धात्मक योगफल

मस्कट (हाम्रो खेलकुद) – एसिसि प्रिमियर कप अन्तर्गत हङकङ विरुद्ध तेस्रो स्थानको खेलमा नेपालले प्रतिस्पर्धात्मक योगफल खडा गरेको छ । पछिल्लो खेलमा खराब ब्याटिङ प्रदर्शन गरेको नेपालले आज निर्धारित २० ओभरमा ८ विकेट गुमाउँदै १३९ रन बनाएको हो ।  टस जितेर पहिला ब्याटिङ रोजेको नेपालका लागि दीपेन्द्र सिंह ऐरीले २९ बलमा ४ चौका र ३ […]

April 20, 2024

लुम्बिनी तेस्रो जितसहित शीर्षस्थानमा कायम

काठमाडौं (हाम्रो खेलकुद) – वीर गणेशमान सिंह राष्ट्रिय टी-ट्वान्टी च्याम्पिनसिपमा शनिबार लुम्बिनी प्रदेशले कोशी प्रदेशलाई ५० रनले हराएको छ। लुम्बिनीको यो तेस्रो जित हो र ६ अंक सहित अंक तालिकाको शीर्षस्थानमा रहेको छ। लुम्बिनीको जितमा कप्तान देव खनालले ४५ रन बनाए। जितको लागि १ सय ३९ रनको मध्यम लक्ष्य पछाएको कोशी प्रदेश १९.४ ओभरमा मात्र […]

Success

Thank you for your time.