2 years ago
October 25, 2022
एजेन्सी – श्रीलंकाले आइसिसी टि२० विश्वकपमा घरेलु टोली अष्ट्रेलियालाई १ सय ५८ रनको मध्यम लक्ष्य दिएको छ ।
पर्थमा टस हारेर पहिला ब्याटिङको निम्तो पाएको श्रीलंकाले निर्धारित २० ओभरमा ६ विकेट गुमाउँदै १ सय ५७ रन बनायो ।
श्रीलंकाका ओपनर पाथुम निसांकाले ४५ बलमा २ चौकासहित सर्वाधिक ४० रन बनाए । चरिथ असलंकाले २५ बलमा ३ चौका र २ छक्कासहित ३८ रन जोडे ।
ओपनर कुशल मेन्डिस पाँच रनमै आउट भए । तीव्र गतिका बलर प्याट कमिन्सको दोस्रो ओभरको पाँचौं बलमा एज लागेर कुशल मिचेल मार्शबाट क्याच आउट भए । दोस्रो विकेटका लागि धनन्जय डि सिल्भा र निसांकाले ६९ रनको साझेदारी गरेका थिए ।
एश्टर्न अगरको बलमा डि सिल्भा लङअफमा डेविड वार्नरबाट उत्कृष्ट क्याच आउट भए । सिल्भाले २३ बलमा ३ चौका प्रहार गरे । १४ औं ओभरको तेस्रो बलमा निसांका रन आउट हुन पुगे । लगातार विकेट गुमाउनेक्रममा भानुका राजपक्षे ७ र कप्तान दाशुन शनका ५ रनमा आउट भए ।
चामिका करुणारत्नेले ७ बलमा २ चौकासहित १४ रन बनाए । अष्ट्रेलियाका जोश हेजलवुड, प्याट कमिन्स, मिचेल स्टार्क, एश्टन अगर र ग्लेन म्याक्सवेलले एक एक विकेट लिए ।
अष्ट्रेलिया पहिलो खेलमा न्युजिल्यान्डसँग ८९ रनले पराजित भएको थियो । अष्ट्रेलियालाई जितको दबाब छ । श्रीलंकाले आयरल्यान्डलाई ९ विकेटले हराएको थियो ।
July 26, 2024
एजेन्सी – आयोजक श्रीलंका एसिसी महिला एसिया कपको उपाधि नजिक पुगेको छ । शुक्रबार भएको दोस्रो सेमिफाइनलमा पाकिस्तानलाई ३ विकेटले पराजित गर्दै घरेलु टोली फाइनलमा पुगेको हो । पाकिस्तानले दिएको १ सय ४१ रनको लक्ष्य श्रीलंकाले ७ विकेट गुमाइ १९.५ ओभरमा पूरा गर्यो । कप्तान चमारी अथापथ्थुले ४८ बलमा ९ चौका र २ छक्काको सहयोगमा […]
July 26, 2024
एजेन्सी – भारत एसिसी महिला एसिया कपको उपाधि नजिक पुगेको छ। श्रीलंकामा जारी एसिया कपको शुक्रबार भएको पहिलो सेमिफाइनलमा बंगालदेशलाई १० विकेटले पराजित गर्दै भारत फाइनलमा पुगेको हो। ८१ रनको लक्ष्य भारतले कुनै विकेट नगुमाइ ११ ओभरमा पूरा गर्यो। स्मृति मन्धनाले नटआउट ५५ रन र शफली बर्माले नटआउट २६ रन बनाइन् । स्मृतिले ३९ बलमा […]
July 26, 2024
एजेन्सी – नेपाली लेग स्पिनर सन्दीप लामिछाने सम्मिलित भ्यानकुभर नाइट्स टि ट्वान्टी क्यान्डा क्रिकेट लिगमा पराजित भएको छ । टोरन्टो नेसनल्ससँग भ्यानकुभर नाइट्स ८ विकेटले पराजित भएको हो। भ्यानकुभरले दिएको १ सय ११ रनको लक्ष्य टोरन्टोले १४.४ ओभरमा २ विकेट गुमाउँदै पूरा गर्यो। टोरन्टोका कप्तान कोलिन मुनरोले ३९ बलमा ३ छक्का र त्यत्तिनै चौकाको मद्दतमा सर्वाधिक […]