default_image

1 year ago

October 26, 2022

इंग्ल्यान्डको आक्रामक ब्याटिङको अपेक्षा

एजेन्सी – इंग्ल्यान्डले आइसिसी टि२० विश्वकपमा आज छिमेकी टोली आयरल्यान्डसँग खेल्दैछ । खेल नेपाली समय अनुसार बिहान ९ : ४५ मा मेलबर्न क्रिकेट ग्राउन्डमा सुरुहुनेछ । इंग्ल्यान्ड लगातार दोस्रो जितको खोजीमा हुनेछ । आयरल्यान्ड इंग्ल्यान्डलाई स्तब्ध पार्दै पहिलो जित निकाल्न चाहन्छ । इंग्ल्यान्डले अफगानिस्तानलाई पहिलो खेलमा ५ विकेटले हराएको थियो । आयरल्यान्ड श्रीलंकासँग ९ विकेटले […]

76 views

0 Bookmark

एजेन्सी – इंग्ल्यान्डले आइसिसी टि२० विश्वकपमा आज छिमेकी टोली आयरल्यान्डसँग खेल्दैछ । खेल नेपाली समय अनुसार बिहान ९ : ४५ मा मेलबर्न क्रिकेट ग्राउन्डमा सुरुहुनेछ ।

इंग्ल्यान्ड लगातार दोस्रो जितको खोजीमा हुनेछ । आयरल्यान्ड इंग्ल्यान्डलाई स्तब्ध पार्दै पहिलो जित निकाल्न चाहन्छ । इंग्ल्यान्डले अफगानिस्तानलाई पहिलो खेलमा ५ विकेटले हराएको थियो । आयरल्यान्ड श्रीलंकासँग ९ विकेटले पराजित भएको थियो ।

अफगानिस्तानले प्रस्तुत गरेको १ सय १३ रनको विजयी लक्ष्य इंग्ल्यान्डले १८.१ ओभरमा ५ विकेट गुमाउँदै पूरा गरेको थियो । पहिलो खेलमा संघर्षपूर्ण ब्याटिङ गरेपनि विष्फोटक ब्याटरले भरिपूर्ण इंग्ल्यान्ड छिमेकी टोली आयरल्यान्डविरुद्ध आक्रामक शैलीमा मैदान उत्रने अपेक्षा गरिएको छ ।

कप्तान जस बटलर र एलेक्स हेल्स ओपनर हुन् । यी दुबै ओपनरबाट विष्फोटक सुरुवात चाहन्छ । बटलर घातक बन्न सक्ने ब्याटर हुन् । त्यसपछि डेविड मलान, बेन स्टोक्स, ह्यारी ब्रुक, लियाम लिभिङस्टोन र मोईन अली हुनेछन् । मलानबाट जिम्मेवारीका साथ ठूलो इनिङ चाहन्छ ।

अन्य चार ब्याटर विष्फोटक इनिङको लागि चिनिन्छन् । साम करन र क्रिस वोक्सको कारण ब्याटिङमा गहिराई छ । स्पिनर आदिल राशिद र तीव्र गतिका बलर मार्क वुड बाहेक अन्य सबै खेलाडी राम्रो ब्याटिङका लागि चिनिन्छन् ।

यता तीव्र गतिका बलरमा मार्क वुड, क्रिस वोक्स र साम करन हुनेछन् । साम करनले अफगानिस्तानविरुद्ध पाँच विकेट लिएका थिए । टि२० आईमा इंग्ल्यान्डबाट पाँच विकेट लिने पहिलो खेलाडी बनेका थिए । मार्क वुडको गतिको चाल पाउन कठिन पर्न सक्छ ।

यता आयरल्यान्डका ओपनर पउल स्टर्लिङ राम्रो लयमा छन् । वेस्टइन्डिजलाई हराउँदै सुपर १२ मा स्थान बनाउन उनले उत्कृष्ट ब्याटिङ गरेका थिए । पउल र कप्तान एन्ड्रयू बालबिर्नीको सुरुवातमा आयरल्यान्डको योगफल निर्धारण हुने देखिन्छ । ह्यारी टेक्टर, लोर्कर टकर र कर्टिक क्याम्फर मध्यक्रमका ब्याटर हुन् ।

टेक्टर र क्याम्फर इंग्ल्यान्डलाई सरप्राइज दिनसक्छन् । तर तल्लोक्रम भने आयरल्यान्डको कमजोरीको रुपमा छ । तीव्र गतिका बलरमा जोशुवा लिटिल र मार्क आदिर हुनेछन् । टि२० आईमा दोस्रो पटक आयरल्यान्ड र इंग्ल्यान्ड खेल्न लागेका हुन् । सन् २०१० मा खेलेपनि वर्षाको कारण रद्द भएको थियो ।

आजको दोस्रो खेलमा अफगानिस्तान र न्युजिल्यान्डबीच खेल हुनेछ । खेल नेपाली समय अनुसार दिउँसो १ ः ४५ मा मेलबर्नमा हुनेछ ।

नेटरनरेटमा पनि ध्यान

इंग्ल्यान्डले जितसँगै नेटरनरेटमा पनि ध्यान दिनुपर्ने हुन्छ । सुपर १२ को समूह ए मा न्युजिल्यान्ड १ खेलमा २ अंकका साथ शीर्ष स्थानमा छ । न्युजिल्यान्डको नेटरनरेट प्लस ४.४५० छ । दोस्रो स्थानमा रहेको इंग्ल्यान्डको २ अंकका साथ नेटरनरेट प्लस ०.६२० छ ।

२ खेलमा १ मा जित र १ मा हार सहित अष्ट्रेलिया चौथो स्थानमा छ । अष्ट्रेलियाको नेटरनरेट माइनस १.५५५ छ । यी तीन मध्य दुई टोली सेमिफाइनलका प्रमुख दाबेदार हुन् । त्यसैले नेटरनरेटमा पनि ध्यान दिनुपर्ने हुन्छ । श्रीलंका २ खेलमा १ मा जित र १ मा हार सहित तेस्रो स्थानमा छ । अफगानिस्तान र आयरल्यान्ड क्रमश पाँचौं र पुछारमा छन् ।

यता सुपर १२ को समूह बी मा बंगलादेश शीर्ष र भारत दोस्रो स्थानमा छ । दुबै टोलीको समान २ अंक भएपनि नेटरनरेटमा बंगलादेश अघि छ । दक्षिण अफ्रिका र जिम्बावे एक एक अंकका साथ तेस्रो र चौथो स्थानमा छन् । यी दुई देशबीचको खेल वर्षाको कारण रद्ध भएको थियो । पाकिस्तान र नेदरल्यान्ड्स भने अंक विहीन छन् ।

April 14, 2024

अकिबको ह्याट्रिकमा ओमानले कम्बोडियालाई हरायो

मस्कट (हाम्रो खेलकुद) – अलराउन्डर अकिब इल्यासले ह्याट्रिक लिएपछि एसीसी मेन्स प्रिमियर कप २०२४ अन्तर्गत समूह बी को खेलमा आयोजक ओमानले कम्बोडियालाई ६३ रनले पराजित गरेको छ । अल अमेरत मैदानमा आइतबार वर्षाले खेलको सुरुवात प्रभावित भएपछि ११ ओभरमा घटाइएको थियो । कम्बोडियाले टस जितेर ओमानलाई पहिलो ब्याटिङको निम्तो दिने निर्णय सफल भने भएन । […]

April 14, 2024

राजस्थानसँग पन्जाबको हार

एजेन्सी – सामूहिक प्रदर्शन गर्दै राजस्थान रोयल्सले इन्डियन प्रिमियर लिग (आइपिएल) मा शनिबार जित निकालेको छ । राजस्थानले पन्जाब किङ्सलाई ३ विकेटले हराएको छ । एक सय ४८ रनको लक्ष्य पछएको राजस्थानले १९.५ ओभरमा ७ विकेटको क्षेतिमा १ सय ५२ रन जोड्दै जित दर्ता गरेको हो ।टोलीका लागि यसस्वी जैसवालले २८ बलमा सर्वाधिक ३९ रन, […]

April 14, 2024

टि ट्वान्टी विश्वकप– अमेरिकामा जर्सी प्रि अर्डर गर्न सकिने

टेक्सस (हाम्रो खेलकुद) – अमेरिका र वेष्ट इन्डिजमा संयुक्त रुपमा हुने आइसीसी टि ट्वान्टी विश्वकपका लागि नेपाल क्रिकेट संघ (क्यान) ले केहि दिन गत साता काठमाडौंमा नेपाली टोलीले लगाउने जर्सी सार्वजनिक गरेको थियो । जुनको १ देखि २९ सम्म हुने टि ट्वान्टीमा नेपाली टोलीले लगाउने जर्सीको अमेरिकी विक्रि अधिकार केल्मी नेपालले एक्जोबी यूएसएलाई दिएको छ […]

Success

Thank you for your time.