default_image

1 year ago

October 27, 2022

पाकिस्तानमाथि जिम्बावेको एक रनको रोमान्चक जित

एजेन्सी – जिम्बावेले आइसिसी टि२० विश्वकपमा पाकिस्तानमाथि एक रनको रोमान्चक जित हात पारेको छ । लगातार दोस्रो हारसँगै पाकिस्तानको सेमिफाइनल खेल्ने सम्भावना कठिन बनेको छ । जितको लागि १ सय ३१ रनको विजयी लक्ष्य पछ्याएको पाकिस्तानले निर्धारित २० ओभरमा ८ विकेट गुमाउँदै १ सय २९ रन बनायो । पाकिस्तानलाई अन्तिम ६ बलमा जितको लागि ११ […]

113 views

0 Bookmark

एजेन्सी – जिम्बावेले आइसिसी टि२० विश्वकपमा पाकिस्तानमाथि एक रनको रोमान्चक जित हात पारेको छ । लगातार दोस्रो हारसँगै पाकिस्तानको सेमिफाइनल खेल्ने सम्भावना कठिन बनेको छ ।

जितको लागि १ सय ३१ रनको विजयी लक्ष्य पछ्याएको पाकिस्तानले निर्धारित २० ओभरमा ८ विकेट गुमाउँदै १ सय २९ रन बनायो ।

पाकिस्तानलाई अन्तिम ६ बलमा जितको लागि ११ रन चाहिँएको थियो । पहिलो बलमा ब्राड इभान्सलाई मोहम्मद नवाजले तीन रन प्रहार गरे । मोहम्मद वासिम जुनियरले दोस्रो बलमा चौका हानेपछि बाँकी चार बलमा चार रन चाहिँएको थियो । तेस्रो बलमा एक रन बटुले । चौथो बल नवाजले डट खाए ।

दुई बलमा तीन रन चाहिँएको थियो । पाँचौं बलमा नवाज मिडअनमा क्रेग एर्विनबाट २२ रनमा क्याच आउट भएपछि खेल थप रोमान्चक बनेको थियो । नवाजले १८ बलमा १ चौका र १ छक्का हाने । अन्तिम बलमा तीन रन चाहिँएको थियो । शाहिन शाह अफ्रिदी दुई रन लिने क्रममा रन आउट भएपछि जिम्बावे विजयी भएको हो ।

पाकिस्तानका शन मसुदले ३८ बलमा ३ चौकासहित सर्वाधिक ४४ रन बनाए । पाकिस्तानका दुबै ओपनर तथा प्रमुख ब्याटर मोहम्मद रिजवान र बाबर आजम दोस्रो खेलमा पनि चल्न सकेनन् । तीव्र गतिका बलर ब्राड इभान्सको चौथो ओभरको तेस्रो बलमा बाबर एज लागेर स्लिपमा रर्यान बर्लबाट क्याच आउट भए । बाबरले सात बलमा खाता खोलेका थिए ।

तीव्र गतिका बलर ब्लेसिङ मुर्जाबानीले पाँचौं ओभरको चौथो बलमा रिजवानलाई १४ रनमा बोल्ड गरे । रिजवानले १६ बलमा १ चौका र १ छक्का हाने ।

ल्यूक जाेंगवेको बलमा एज लागेर इफ्तिखार अहमद ५ रनमा आउट भए । चौथो विकेटका लागि शादब खान र शन मसुदले ३६ बलमा ५२ रनको साझेदारी गरेका थिए । त्यसपछि सिकन्दर राजाले तीन विकेट लिँदै पाकिस्तानलाई समस्यामा पारे ।

राजाको १४ औं ओभरको चौथो बलमा शादब खान लङअफमा सेन विलियम्सबाट क्याच आउट भए । शादबले १४ बलमा १ छक्कासहित १७ रनमा आउट भए । शादब लगातार दुई छक्काको धुनमा आउट भए । लगत्तै अर्को बलमा हैदर अली एलबीडब्लू आउट हुँदै गोल्डेन डक पेभिलिएन फर्किए ।

राजाले १६ औं ओभरको पहिलो बलमा मसूदलाई स्टम्पिङ गराउँदै ९४-६ को अवस्थामा पुर्याए । जिम्बावेका सिकन्दर राजाले ४ ओभरमा २५ रन खर्चेर ३ विकेट लिए । ब्राड इभान्सले ४ ओभरमा २५ रन खर्चेर २ विकेट लिए ।

त्यसअघि पर्थ स्टेडियममा टस जितेर पहिला ब्याटिङ थालेको जिम्बावे २० ओभरमा ८ विकेट गुमाउँदै १ सय ३० रन बनायो । जिम्बावेका सेन विलियम्सले २८ बलमा ३ चौकासहित सर्वाधिक ३१ रन बनाए । एक समय जिम्बावे १३।४ ओभरमा ९५–३ को बलियो अवस्थामा थियो ।

तर बाँकी ६ बलमा कुनै रन जोड्न नसक्दा मध्यक्रमका प्रमुख चार ब्याटर गुमाएपछि संकटमा परेको थियो । स्पिनर शादब खानको १४ औं ओभरको पाँचौं बलमा स्वीप खेल्ने धुनमा सेन विलियम्स बोल्ड हुन पुगे । लगत्तै अर्को बलमा बाबर आजमले फष्ट सिलिपमा रेजिस चकभाको क्याच एक हातले उत्कृष्ट क्याच लिँदै पेभिलिएन फर्काए ।

तीव्र गतिका बलर मोहम्मद वासिम जुनियरले १५ औं ओभरको सुरुवाती दुई बल डट राखे । राजा दबाबमा तेस्रो बलमा डीप स्क्वायर लेगमा हरिस रौफबाट ९ रनमा क्याच आउट भए । उनले १६ बलमा १ चौका हाने ।

लगत्तै अर्को बलमा ल्यूक जोंगवेलाई जुनियरले बोल्ड गर्दै ह्याट्रिक नजिक पुगेका थिए । त्यसपछि भने लगातार दुई वाइड फ्याँलेका थिए । मध्यक्रममा चार विकेट गुमाउँदा कुनै पनि रन जोड्न सकेन ।

जिम्बावेले सुरुवात भने राम्रो गरेको थियो । वेस्ली मधेवेरे र कप्तान क्रेग एर्विनले पहिलो विकेटका लागि ५ ओभरमा ४२ रन जोड्दै राम्रो सुरुवात दिलाए । हरिस रौफको बलमा एर्विन मोहम्मद वासिमबाट १९ रनमा क्याच भए ।

उनले १९ बलमा २ चौका प्रहार गरे । मधेवेरे १३ बलमा ३ चौकासहित १७ रनमा आउट भए । रयान बर्ल १० र ब्राड इभान्सले १९ रन बनाए ।

पाकिस्तानका तीव्र गतिका बलर मोहम्मद वासिम जुनियरले ४ ओभरमा २४ रन खर्चेर सर्वाधिक ४ विकेट लिए । शादब खानले ४ ओभरमा २३ रन खर्चेर ३ विकेट लिए । हरिस रौफले ४ ओभरमा १ मेडनसहित १२ रन खर्चेर १ विकेट लिए ।

पाकिस्तान पहिलो खेलमा भारतसँग ४ विकेटले पराजित भएको थियो । पाकिस्तानले अव आइतबार नेदरल्यान्ड्ससँग खेल्नेछ । त्यसपछि विहीबार दक्षिण अफ्रिका र आइतबार बंगलादेशसँग खेल्नेछ ।

पाकिस्तान सेमिफाइनलमा पुग्न यी सबै खेल जित्नु पर्छ । दक्षिण अफ्रिकाले भारतसँग पनि हार्नुपर्छ । जिम्बावेले पहिलो खेल दक्षिण अफ्रिकासँग वर्षाको कारण अंक बाँडेको थियो । जिम्बावेले अव आइतबार बंगलादेशसँग खेल्नेछ । बुधबार नेदरल्यान्ड्स र आइतबार भारतसँग खेल्नेछ ।

अंक तालिका :

सुपर १२ को समूह ए मा न्युजिल्यान्ड २ खेलमा ३ अंकका साथ शीर्ष स्थानमा छ । श्रीलंका, इंग्ल्यान्ड, आयरल्यान्ड र अष्ट्रेलियाले एक खेलमा जित र एक खेलमा हारका साथ २-२ अंक जोडेका छन् । नेटरनरेटको कारण श्रीलंका दोस्रो, इंग्ल्यान्ड तेस्रो, आयरल्यान्ड चौथो र अष्ट्रेलिया पाँचौं स्थानमा छन् । अफगानिस्तान २ खेलमा १ अंकका साथ पुछारमा छ ।

सुपर १२ को समूह बी मा भारत २ खेलमा ४ अंकका साथ शीर्ष स्थानमा छ । दक्षिण अफ्रिका २ खेलमा १ मा जित र १ मा अंक बाड्दै ३ अंकका साथ दोस्रो स्थानमा छ ।

जिम्बावे २ खेलमा १ मा जित र १ मा अंक बाँड्दै ३ अंकका साथ तेस्रो स्थानमा छ । बंगलादेश २ खेलमा १ मा जित र १ मा हारसहित चौथो स्थानमा छ । पाकिस्तान र नेदरल्यान्ड्स अंक विहीन हुँदै पुछारमा छन् ।

April 15, 2024

मुम्बईमाथि चेन्नईको जित

एजेन्सी – चेन्नई सुपर किंग्सले इन्डियन प्रिमियर लिग (आइपिएल) मा आइतबार मुम्बई इन्डियन्समाथि सानदार जित निकालेको छ । चेन्नईले मुम्बईलाई २० रनले हराएको हो । २ सय ७ रनको लक्ष्यको पछ्याएको मुम्बईले नटआउट रोहित शर्माको शतकका बावजुद २० ओभरमा ६ विकेटको क्षतिमा १ सय ८६ रन मात्र बनाउन सक्यो । रोहित र इशान शर्माले पहिलो […]

April 14, 2024

हङकङ साउदी अरबविरुद्ध स्तब्ध

मस्कट (हाम्रो खेलकुद) – ओमानमा जारी एसिसि प्रिमियर कपमा हङकङ साउदी अरेबिया विरुद्ध स्तब्ध भएको छ । समूह ए अन्तर्गत अल अमेरातमा भएको खेलमा हंगकंगलाई साउदीले ५५ रनको हार चखाएको हो । साउदीले दिएको २ सय ३ रनको विशाल लक्ष्य पछ्याएको हङकङ १८.५ ओभरमा १ सय ४७ रनमा समेटियो । हङकङका लागि कप्तान निजाकत खानले […]

April 14, 2024

अकिबको ह्याट्रिकमा ओमानले कम्बोडियालाई हरायो

मस्कट (हाम्रो खेलकुद) – अलराउन्डर अकिब इल्यासले ह्याट्रिक लिएपछि एसीसी मेन्स प्रिमियर कप २०२४ अन्तर्गत समूह बी को खेलमा आयोजक ओमानले कम्बोडियालाई ६३ रनले पराजित गरेको छ । अल अमेरत मैदानमा आइतबार वर्षाले खेलको सुरुवात प्रभावित भएपछि ११ ओभरमा घटाइएको थियो । कम्बोडियाले टस जितेर ओमानलाई पहिलो ब्याटिङको निम्तो दिने निर्णय सफल भने भएन । […]

Success

Thank you for your time.