एजेन्सी – आइसिसी टि२० विश्वकपमा शुक्रबार पहिलो खेलमा अफगानिस्तान र आयरल्यान्डबीचको खेल वर्षाको कारण रद्ध भएको छ । खेल नेपाली समय अनुसार बिहान ९: ४५ मा मेलबर्न क्रिकेट ग्राउन्डमा सुरु हुनु पर्ने थियो ।

तर वर्षाको कारण टस पनि हुन नसक्दा १-१ अंक बाँडेका छन् । जारी विश्वकपमा वर्षाको कारण खेल रद्ध हुँदै अंक बाँडेको यो तेस्रो खेल हो । जिम्बावे र दक्षिण अफ्रिकाबीचको खेल रद्ध भएको थियो । त्यस्तै न्युजिल्यान्ड र अफगानिस्तानबीच खेल पनि रद्ध भएको थियो । वर्षाको कारण नै उपाधिको प्रमुख दाबेदार इंग्ल्यान्ड आयरल्यान्डसँग डकवर्थ लेविस पद्धतिको आधारमा पाँच रनले पराजित भएको थियो ।

आजको दोस्रो खेलमा अष्ट्रेलिया र इंग्ल्यान्डबीच दिउँसो १ : ४५ मा मेलबर्नमा सुरु हुनेछ । दुबै टोलीलाई जितको दबाब छ ।

अंक तालिका

सुपर १२ को समूह ए मा न्युजिल्यान्ड २ खेलमा १ मा जितसहित ३ अंकका साथ शीर्ष स्थानमा छ । न्युजिल्यान्डको नेटरनरेट प्लस ५.४५० छ ।

आयरल्यान्ड ३ खेलमा १ मा जित, १ मा हार र १ खेलमा अंक बाँड्दै दोस्रो स्थानमा छ । श्रीलंका २ खेलमा १ मा जित र १ मा हार सहित तेस्रो स्थानमा छ । इंग्ल्यान्ड २ खेलमा १ मा जित र १ मा हार सहित चौथो स्थानमा छ ।

अफगानिस्तान ३ खेलमा १ मा हार र दुई खेलमा अंक बाड्दै पाँचौं स्थानमा छ । अष्ट्रेलिया २ खेलमा १ मा जित र १ मा हारसहित पुछारमा स्थानमा छ ।

सुपर १२ को समूह बी मा भारत २ खेलमा ४ अंकका साथ शीर्ष स्थानमा छ । दक्षिण अफ्रिका २ खेलमा १ मा जित र १ मा अंक बाड्दै ३ अंकका साथ दोस्रो स्थानमा छ ।

जिम्बावे २ खेलमा १ मा जित र १ मा अंक बाँड्दै ३ अंकका साथ तेस्रो स्थानमा छ । बंगलादेश २ खेलमा १ मा जित र १ मा हारसहित चौथो स्थानमा छ । पाकिस्तान र नेदरल्यान्ड्स अंक विहीन हुँदै पुछारमा छन् ।