2 years ago
October 28, 2022
काठमाडौं (हाम्रो खेलकुद) – कप्तान रुविना क्षेत्री बेलबासेले ह्याट्रिकसहित लगातार चार विकेट लिएपछि नेपाली महिला क्रिकेट सम्मिलित क्यान ११ ले मेरिलेबोन क्रिकेट क्लब (एमसिसी) लाई १९ रनले पराजित गरेको छ ।
पोखरा रंगशालामा जितको लागि १ सय रनको विजयी लक्ष्य पछ्याएको एमसिसी १९.५ ओभरमा ८० रनमा अल आउट भयो । एमसिसीको लागि एलिसा हुबर्ड २८ बलमा २ चौकासहित सर्वाधिक २० रनमा अविजित रहिन् ।
अबी व्हाइब्रोले ३४ बलमा २ चौकासहित १९, जेनी किल्जिंगर १४ र अमान्दा पोटटिगरले १४ रन बनाइन् । रुविनाले २० औं ओभरको दोस्रो, तेस्रो, चौथो र पाँचौं बलमा लगातार चार विकेट लिएकी थिइन् । उनले अमान्दा, रवी रावल, सारा क्रे र ईशाबेल गुर्नेलाई बोल्ड गरेकी थिइन् । चारै खेलाडी बोल्ड भएका थिए ।
रुविनाले २.५ ओभरमा १० रन खर्चेर ५ विकेट लिइन् । कविता कुँवरले ४ ओभरमा १ मेडनसहित ९ रन खर्चेर २ विकेट लिइन् । नेरी थापाले ४ ओभरमा ९ रन खर्चेर २ विकेट लिइन् । सीता रानामगरले एक विकेट लिइन् ।
त्यसअघि टस जितेर पहिला ब्याटिङ थालेको क्यान–११ ले निर्धारित २० ओभरमा ९ विकेट गुमाउँदै ९९ रन बनायो । नेरी थापाले ३१ बलमा २ चौकासहित सर्वाधिक १८ रन बनाइन् । सुमन खतिवडा १७ बलमा २ चौकासहित १६ र कविता कुँवरले ११ बलमा २ चौकासहित १७ रन जोडिन् ।
ओपनर काजल श्रेष्ठ २, सीता रानामगर १०, सम्झना खड्का १७ र रुविना एक रनमा आउट भइन् । एमसिसीको लागि राहेल पोटरले ४ ओभरमा १ मेडनसहित १४ रन खर्चेर ३ विकेट लिइन् । रवी रावल र अमान्डाले दुई दुई विकेट लिए ।
एमसिसी पहिलो खेलमा नेपालको मिक्स्ड ११ सँग १ सय ७ रनले पराजित भएको थियो । दोस्रो खेलमा एमसिसीले आइसिसी यू१९ टोलीलाई १६ रनले हराएको थियो । आइतबार एमसिसीले मिक्स्ड ११ र मंगलबार क्यान ११ सँग खेल्नेछ ।
July 26, 2024
एजेन्सी – आयोजक श्रीलंका एसिसी महिला एसिया कपको उपाधि नजिक पुगेको छ । शुक्रबार भएको दोस्रो सेमिफाइनलमा पाकिस्तानलाई ३ विकेटले पराजित गर्दै घरेलु टोली फाइनलमा पुगेको हो । पाकिस्तानले दिएको १ सय ४१ रनको लक्ष्य श्रीलंकाले ७ विकेट गुमाइ १९.५ ओभरमा पूरा गर्यो । कप्तान चमारी अथापथ्थुले ४८ बलमा ९ चौका र २ छक्काको सहयोगमा […]
July 26, 2024
एजेन्सी – भारत एसिसी महिला एसिया कपको उपाधि नजिक पुगेको छ। श्रीलंकामा जारी एसिया कपको शुक्रबार भएको पहिलो सेमिफाइनलमा बंगालदेशलाई १० विकेटले पराजित गर्दै भारत फाइनलमा पुगेको हो। ८१ रनको लक्ष्य भारतले कुनै विकेट नगुमाइ ११ ओभरमा पूरा गर्यो। स्मृति मन्धनाले नटआउट ५५ रन र शफली बर्माले नटआउट २६ रन बनाइन् । स्मृतिले ३९ बलमा […]
July 26, 2024
एजेन्सी – नेपाली लेग स्पिनर सन्दीप लामिछाने सम्मिलित भ्यानकुभर नाइट्स टि ट्वान्टी क्यान्डा क्रिकेट लिगमा पराजित भएको छ । टोरन्टो नेसनल्ससँग भ्यानकुभर नाइट्स ८ विकेटले पराजित भएको हो। भ्यानकुभरले दिएको १ सय ११ रनको लक्ष्य टोरन्टोले १४.४ ओभरमा २ विकेट गुमाउँदै पूरा गर्यो। टोरन्टोका कप्तान कोलिन मुनरोले ३९ बलमा ३ छक्का र त्यत्तिनै चौकाको मद्दतमा सर्वाधिक […]