एजेन्सी – सुरुवाती दुई खेलमा पराजित भएपछि आइसिसी टि२० विश्वकपमा पाकिस्तान सेमिफाइनलमा पुग्न भारतमा निर्भर हुनुपर्ने भएको छ । भारत र पाकिस्तान दुबै देशले आज खेल खेल्दैछन् । पाकिस्तानले दिउँसो १२ः ४५ मा नेदरल्यान्ड्ससँग खेल्नेछ । भारतले आज दिउँसो ४ः ४५ मा दक्षिण अफ्रिकासँग खेल्नेछ ।

पाकिस्तान पहिलो खेलमा भारतसँग चार विकेटले पराजित भएको थियो । जिम्बावेसँग एक रनले स्तब्ध भएको थियो । पाकिस्तानले अव दक्षिण अफ्रिका, बंगलादेश र नेदरल्यान्ड्ससँग खेल्न बाँकी छ । पाकिस्तान सबै खेलमा विजयी हुँदा ६ अंक हुनेछ । तर आफ्नो जितले मात्रै सेमिफाइनलमा पुग्न सक्दैन । भारतको नतिजा र नेटरनरेटमा निर्भर हुनुपर्ने भएको छ ।

सुपर १२ को समूह बी मा भारत, पाकिस्तान र दक्षिण अफ्रिका सेमिफाइनलका प्रमुख दाबेदार हुन् । भारत सुरुवाती दुई खेलमा विजयी हुँदै ४ अंकका साथ शीर्षस्थानमा छ । भारत सबै खेलमा विजयी हुँदा १० अंक हुन्छ । दक्षिण अफ्रिका २ खेलमा १ मा जित र १ मा रद्ध हुँदै ३ अंक जोड्दै दोस्रो स्थानमा छ । दक्षिण अफ्रिकाले भारत, पाकिस्तानसँग हार्दा र नेदरल्यान्ड्सलाई हराउँदा ५ अंक मात्र हुनेछ ।

त्यसैले पाकिस्तान सेमिफाइनलमा पुग्न भारतले दक्षिण अफ्रिकालाई हराउनै पर्ने समिकरण छ । किनभने दक्षिण अफ्रिकाले आज भारतलाई हराउँदा पाकिस्तानसँग हार्दा पनि सेमिफाइनल खेल्ने सम्भावना बलियो बन्नेछ । दक्षिण अफ्रिकाको भारतलाई हराउँदा ५ अंक हुन्छ ।

त्यसपछि पाकिस्तान र नेदरल्यान्ड्सँग खेल्नेछ । पाकिस्तानसँग हारेपनि नेदरल्यान्ड्सलाई हराउने पक्कापक्का पक्की छ । वर्षाको कारण एक खेल रद्ध हुँदा पनि नेटरनरेटको कारण सेमिफाइनल खेल्ने उच्च सम्भावना छ । दक्षिण अफ्रिकाको नेटरनरेट प्लस ५.२०० छ ।

त्यसैले ६ अंकका साथ सेमिफाइनल खेल्ने सम्भावना कायमै राख्न त्यसैले भारतले दक्षिण अफ्रिकालाई हराउनु पर्छ । भारतले दक्षिण अफ्रिका मात्र होईन बंगलादेश र जिम्बावेलाई पनि हराउनु पर्छ । यदि पाकिस्तान र भारत बाँकी तीन तीन खेलमा विजयी हुँदा अन्य टोली ६ अंक भन्दामाथि जान सक्दैनन् ।

६ अंक जिम्बावेको सम्भावना छ । बंगलादेशले जिम्बावेलाई हराउँदा पाकिस्तानलाई थप सहज हुनेछ । जिम्बावेले बंगलादेशसँग खेलि रहँदा नेदरल्यान्ड्स र भारतसँग खेल्न बाँकी छ । त्यसैले भारतको हातमा पाकिस्तानको भविष्य अडिएको देखिन्छ ।