2 years ago
October 30, 2022
काठमाडौं (हाम्रो खेलकुद) – कप्तान दीपेन्द्रसिंह ऐरीको सानदार शतकमा नेपाल पुलिस क्लबले प्रधानमन्त्री कप एकदिवसीय राष्ट्रिय प्रतियोगितामा बागमती प्रदेशलाई २ सय ९० रनको विशाल लक्ष्य दिएको छ ।
मुलपानी क्रिकेट मैदानमा टस हारेर पहिला ब्याटिङ थालेको पुलिसले निर्धारित ५० ओभरमा ५ विकेट गुमाउँदै २ सय ८९ रन बनायो । पुलिसका कप्तान दीपेन्द्रले ८२ बलमा ११ चौका र ४ छक्कासहित १ सय ८ रनको सानदार शतकीय इनिङ खेले ।
दीपेन्द्रले ७७ बलमा आफ्नो शतक पूरा गरेका थिए । दीपेन्द्रलाई तीव्र गतिका बलर नन्दन यादवले ४८ औं ओभरको दोस्रो बलमा बोल्ड आउट गरे । त्यसअघिको बलमा दीपेन्द्रले उनलाई छक्का हानेका थिए ।
चौथो विकेटका लागि दीपेन्द्र र आरिफ शेखले १ सय ३६ रनको सानदार शतकीय साझेदारीका साथ विशाल योगफलमा पुर्याए । आरिफले ६८ बलमा १ चौका र १ छक्कासहित ३६ रन बनाए ।
ओपनर सुनिल धमला २३ बलमा ५ चौका र १ छक्कासहित ३७ रन जोड्दै राम्रो सुरुवात दिलाए । कुशल भुर्तेल ७२ बलमा ४ चौकासहित ३७ रनमा आउट भए ।
दीलिप नाथ १२ र पवन सरार्फ १५ रनमा अविजित रहे । बागमतीका नन्दन यादवले १० ओभरमा ७३ रन खर्चेर २ विकेट लिए । रामनरेश गिरीले १० ओभरमा ६३ रन खर्चेर १ विकेट लिए ।
स्पिनर सूर्य तामाङले १० ओभरमा ४ मेडनसहित १४ रन खर्चेर १ विकेट लिए । सोनु देवकोटाले ९ ओभरमा ७४ रन खर्चेर १ विकेट लिए ।
May 19, 2024
एजेन्सी – चेन्नाई सुपर किंग्सलाई पराजित गर्दै रोयल च्यालेनजर्स (आरसिबि) इंडियन प्रिमियर लिग (आईपिएल) प्लेअफमा पुग्न सफल भएको छ । लिग चरणको आफ्नो अन्तिम खेलमा चेन्नाई माथि २७ रनको जित दर्ता गर्दै आरसिबि प्लेअफका लागि छनोट भएको हो । पहिलो ८ खेलमा १ खेल मात्र जितेको आरसिबिले त्यसपछिका लगातार ६ खेल जित्दै चौथो स्थानमा रहन […]
May 18, 2024
काठमाडौं (हाम्रो खेलकुद) – विश्वकप तयारीका लागि सेन्ट भिन्सेन्ट एण्ड द ग्रेनाडिन्स पुगेको नेपाली टोलीले विनवार्ड्स भोलक्यानोज विरुद्धको तेस्रो तथा अन्तिम अभ्यास खेलमा टस हारेको छ । घरेलु टोलीका कप्तानले टस जितेर ब्याटिङ गर्ने निर्णय गरेपछि नेपालले पहिला फिल्डिङ गर्ने भएको छ । नेपालले टोलीमा तीन परिवर्तन गरेको छ । पछिल्लो खेल खेलेका ललित राजवंशी, दीपेन्द्र […]
May 18, 2024
काठमाडौं (हाम्रो खेलकुद) – उपाधि विजेता नेपाल एपिएफ क्लबकी कप्तान तथा अल-राउण्डर सिता राना मगर ललितपुर मेयर्स टि-२० च्याम्पियनसिप २०२४ को उत्कृष्ट खेलाडी घोषित भएकी छन् । एपिएफले चौथो पटक उपाधि प्रतियोगितामा सिता अल-राउण्ड प्रदर्शनका साथ उत्कृष्ट खेलाडी घोषित भएकी हुन् । सिताले प्रतियोगितामा ५ खेलमा १४२ रन प्रहार गर्नुका साथै ४ विकेट समेत लिन […]
