default_image

1 year ago

October 30, 2022

भारतले दक्षिण अफ्रिकासँग हार्नुको पाँच कारण

एजेन्सी – आइसिसी टि२० विश्वकपमा भारत दक्षिण अफ्रिकासँग पाँच विकेटले पराजित हुन पुग्यो । जितको लागि १ सय ३४ रनको विजयी लक्ष्य पछ्याएको दक्षिण अफ्रिकाले १९.४ ओभरमा ५ विकेट गुमाउँदै पूरा गर्यो । दक्षिण अफ्रिका जितमा एडेन माक्ररमले ४१ बलमा ६ चौका र १ छक्कासहित ५२ रन बनाए । डेविड मिलरले ४६ बलमा ४ चौका […]

81 views

0 Bookmark

एजेन्सी – आइसिसी टि२० विश्वकपमा भारत दक्षिण अफ्रिकासँग पाँच विकेटले पराजित हुन पुग्यो । जितको लागि १ सय ३४ रनको विजयी लक्ष्य पछ्याएको दक्षिण अफ्रिकाले १९.४ ओभरमा ५ विकेट गुमाउँदै पूरा गर्यो ।

दक्षिण अफ्रिका जितमा एडेन माक्ररमले ४१ बलमा ६ चौका र १ छक्कासहित ५२ रन बनाए । डेविड मिलरले ४६ बलमा ४ चौका र ३ छक्कासहित सर्वाधिक ५९ रनमा अविजित रहँदै खेल सकाए । भारतका तीव्र गतिका बलर अर्शदीप सिंहले ४ ओभरमा २५ रन खर्चेर २ विकेट लिए ।

त्यसअघि पर्थमा टस जितेर पहिला ब्याटिङ थालेको भारतले निर्धारित २० ओभरमा ९ विकेट गुमाउँदै १ सय ३३ रन बनायो । भारतका सूर्यकुमार यादवले ४० बलमा ६ चौका र ३ छक्कासहित सर्वाधिक ६८ रन बनाए ।

भारतका ८ खेलाडीले दोहोरो अंकमा रन बनाउन सकेनन् । दक्षिण अफ्रिकाका लुन्गि एनगिडीले ४ ओभरमा २९ रन खर्चेर ४ विकेट लिए । वेन पार्नेलले ४ ओभरमा १ मेडनसहित १५ रन खर्चेर ३ विकेट लिए ।

टस भारतले जितेको थियो । तर खेल दक्षिण अफ्रिकाले जित्यो । भारतले पहिला ब्याटिङ गर्ने निर्णय आफैंलाई भारी पर्यो । भारतले दक्षिण अफ्रिकासँग हार्नुको पाँच कारण यस प्रकार छन् ।

५.एनगिडीको सानदार बलिङ

भारतलाई हराउन तीव्र गतिका बलर लुन्गि एनगिडीले सानदार बलिङ गरे । एनगिडीको बलिङ सामू सूर्य बाहेक अन्य भारतीय ब्याटर निरिह जस्तै बने । एनगिडीले पाँचौं ओभरमा रोहित र राहुल दुबैलाई आउट गर्दै दक्षिण अफ्रिकालाई सानदार सुरुवात दिलाए ।

एनगिडीले कोहलीलाई पनि आउट गरे । रोहित, राहुल र कोहली भारतका प्रमुख ब्याटर हुन् । प्रमुख तीन ब्याटर पहिलो साता ओभर भित्रमा आउट हुन्छन् भने कुनैपनि टोली दबाबमा पर्दछ । त्यो दबाबको फाइदा अन्य बलरले राम्रो उठाए । नवौं ओभरको तेस्रो बलमा एनगिडीले हार्दिकलाई पनि आउट गरे ।

पाँच मध्य चार ब्याटर एकै बलरको बलिङमा सुरुवातमै आउट भएपछि कुनै पनि टोली दबाबमा पर्छ र ठूलो योगफल बनाउन सक्दैन । भारतलाई हराउन एनगिडीले ४ ओभरमा २९ रन खर्चेर ४ विकेट लिए ।

एनगिडीले सानदार सुरुवात दिलाएको हुँदा अन्य वेन पार्नेल र एनरिच नोर्कियाले पनि राम्रो फाइदा उठाए । एनगिडीको बलिङ भारतको हारको एक प्रमुख कारण बन्न पुग्यो ।

४. ११ औैं ओभरमा मोमेन्ट फेरिनु

ड्रिङ्स ब्रेक दक्षिण अफ्रिकाको लागि फाइदा बन्यो । सामान्य लक्ष्य पाएपनि भारतका अर्शदीप सिंहले क्विन्टन डि ककलाई एक र राईली रोसोउलाई शून्यमा आउट गर्दै सानदार सुरुवात दिलाए ।

दक्षिण अफ्रिकाले पहिलो १० ओभरमा ३ विकेट गुमाउँदै ४० रन बनाएको थियो । जितको लागि ६० बलमा ९४ रनको आवश्यक परेको थियो । पर्थको पिचमा अन्तिम १० ओभरमा झण्डै एक सय रन बनाउन सहज हुँदैन ।

यो समय दुबै टोलीलाई एउटा मोमेन्ट चाहिँएको थियो । भारतलाई मिलर र माक्ररमको विकेट चाहिँएको थियो । दक्षिण अफ्रिका एउटा ठूलो ओभरको पर्खाईमा थियो । जसले पुरै खेलको मोमेन्ट फेर्न सक्थ्यो । ११ औं ओभर दक्षिण अफ्रिकाले चाँहे जस्तो भयो । हार्दिक पान्ड्यालाई ११ औं ओभरमा १६ रन प्रहार गरेपछि दुबै ब्याटरले आफ्नो खेल्ने गती परिवर्तन गरेका थिए ।

१० ओभर सम्म मिलरले १५ बलमा मात्रै ५ र माक्ररम २५ बलमा २३ रनमा खेलेका थिए । तर ११ ओभरपछि दुबै ब्याटरले खेल्ने गति फेरे । बाँकी ४ ओभरमा ४५ रन जोड्दै खेल पुरै आफ्नो पक्षमा पारेका थिए । ११ औं ओभर हारको टर्निङ प्वाइन्टमा पर्दछ ।

३. मिलर र माक्ररमको साझेदारी तोड्न नसक्नु

भारतको हारको मुख्य कारण नै मिलर र माक्ररमको साझेदारी तोड्न नसक्नु हो । एक समय दक्षिण अफ्रिका ५.४ ओभरमा २४–३ को अवस्थामा थियो । त्यसपछि ब्याटरको रुपमा मिलर, माक्ररम र ट्रिस्टन स्टब्स थिए । स्टब्स युवा हिटर हुन् । विश्वकप, भारतीय बलिङ आक्रामण र दबाबमा सम्हालिन कठिन पर्ने थियो ।

माक्ररम र मिलर आउट हुँदा दक्षिण अफ्रिकालाई उक्त लक्ष्य भारी पर्न सक्थ्यो । तर मिलर र माक्ररमले आफ्नो लय र अनुभवको फाइदा उठाउँदै चौथो विकेटका लागि ६० बलमा ७६ रनको साझेदारी गर्दै जितको आधार तय गरे ।

त्यो समय दक्षिण अफ्रिकालाई एउटा राम्रो साझेदारी चाहिँएको थियो । त्यो माक्ररम र मिलरले पूरा गरे । त्यो साझेदारी समयमै तोड्न सकेको भए दबाब झन् बढ्ने थियो । नयाँ ब्याटरलाई खेल्न सहज हुने थिएन । स्टब्सपछि ब्याटर नहुँदा भारतले जित्न सक्थ्यो ।

२. कमजोर फिल्डिङ

भारतको हारको अर्को कारण कमजोर फिल्डिङ पर्दछ । क्रिकेटमा एउटा सानो गल्तीले पुरै जित र हार फेरिने गर्दछ । भारतले फिल्डिङमा केहि राम्रो अवसर गुमायो । भारतको फिल्डिङ कमजोर रह्यो ।

स्पिनर रविचन्द्रन आश्विनको १२ औं ओभरको पाँचौं बलमा माक्ररमको ३५ रनमा विराट कोहलीले डिप मिडविकेटमा सहज क्याच छाड्न पुगेका थिए । जुन भारतको हारको एउटा टर्निङ प्वाइन्ट थियो ।

त्यसअघिको ओभरमा रन आउट गर्ने अवसर आएपनि सूर्य चुकेका थिए । १३ औं ओभरको पाँचौं बलमा कप्तान रोहित शर्मा रन आउट गर्नबाट चुकेका थिए । कमजोर फिल्डिङ हारको कारण बन्यो ।

१.खराब ब्याटिङ

दक्षिण अफ्रिकाविरुद्ध भारतका ८ खेलाडीले दोहोरो अंकमा रन बनाउन सकेनन् । कुनैपनि टोलीले टस जितेर पहिला ब्याटिङ गर्ने निर्णय सधैं बलियो योगफल बनाउन लिन्छ । तर भारतीय ब्याटरको प्रदर्शन अपेक्षा अनुसार रहेन ।

सूर्यकुमार यादवले सर्वाधिक ६८ रन बनाए । लोकेश राहुल ९, रोहित शर्मा १५, विराट कोहली १२, दीपक हुडा शून्य, हार्दिक पान्ड्या २ र दीनेश कार्तिक ६ रन बनाए ।

एउटा मात्र ब्याटर चलेर ठूलो योगफल बन्न सक्दैन । आजको खेलमा भारतीय ब्याटरको खराब प्रदर्शन हारको मुख्य कारण हो । भारत ८ ब्याटिङ विकल्पका साथ मैदान उत्रेको थियो । जसमा ६ प्रमुख ब्याटर थिए । ६ मध्य तीन खेलाडी चलेको मात्रै भए पनि फरक नतिजा आउन सक्थ्यो । तर प्रमुख ब्याटरले नै खराब प्रदर्शन गरे । जुन हारको कारण बन्यो ।

April 19, 2024

नाटकीय खेलमा मुम्बईको जित

एजेन्सी –आशुतोष शर्माको सानदार ब्याटिङका बाबजुद पञ्जाब किंग्स मुम्बई इण्डियन्ससँग बिहीबार इण्डियन प्रिमियर लिग (आइपिएल) मा नाटकीय शैलीमा ९ रनले पराजित भएको छ । पञ्जाबको लागि आठौं क्रमका ब्याटर आशुतोष शर्माले ६१ रन बनाएपनि जितको लागि प्रयाप्त भएन । मुम्बइको जितमा सूर्य कुमारले अर्धशतकीय पारी खेले । मुम्बईका जसप्रित बुमराह र जेराल्ड कोएट्जेको बलिङ महत्वपुर्ण […]

April 18, 2024

गण्डकीलाई पहिलो सफलता

काठमाडौं (हाम्रो खेलकुद) – विपिन खत्रीको उत्कृष्ट बलिङमा मधेश प्रदेशलाई ८ विकेटले हराउँदै गण्डकी प्रदेशले वीर गणेशमान सिंह राष्ट्रिय टी-ट्वान्टी च्याम्पिनसिपमापहिलो जित दर्ता गरेको छ। लगातार २ हारपछि पहिलो जित निकाल्ने क्रममा गण्डकीका अर्जुन कुमालले नटआउट ४९ रन बनाए।माथिल्लो मुलपानी मैदानमा जितको लागि १ सय ३ रनको लक्ष्य गण्डकीले १६.३ ओभरमा २ विकेटको नोक्सानीमा पुरा […]

April 18, 2024

कर्णालीमाथि लुम्बीनीको सहज जित

काठमाडौं (हाम्रो खेलकुद) – वीर गणेशमान सिंह राष्ट्रिय टी-ट्वान्टी च्याम्पिनसिप बिहीबार भएको कम योगफलको खेलमा लुम्बिनी प्रदेशले कर्णाली प्रदेशलाई ७ विकेटले सहजै हराएको छ। लुम्बिनीको जितमा कप्तान देव खनालले अर्धशतक बनाए। लुम्बीनीको यो दोस्रो जित हो। ८२ रनको सहज लक्ष्य लुम्बिनीले १२.२ ओभरमा मात्र ३ विकेटको नोक्सानीमा पुरा गर्यो। कप्तान देवले उत्कृष्ट ब्याटिङ गरे। उनले […]

Success

Thank you for your time.