काठमाडौं (हाम्रो खेलकुद) – युवा ओपनर अर्जुन कुमालको अर्धशतकमा गण्डकी प्रदेशले प्रधानमन्त्री कप एकदिवसीय राष्ट्रिय प्रतियोगितामा सुदूरपश्चिम प्रदेशलाई २ सय ९ रनको प्रतिस्पर्धात्मक लक्ष्य दिएको छ ।

टियु क्रिकेट मैदानमा टस जितेर पहिला ब्याटिङ थालेको गण्डकीले निर्धारित ५० ओभरमा ८ विकेट गुमाउँदै २ सय ८ रन बनायो । गण्डकीका युवा ओपनर अर्जुन कुमालले १ सय ५ बलमा १० चौकासहित सर्वाधिक ६३ रन बनाए । अर्का ओपनर समिर कंडेलले ७१ बलमा ४ चौकासहित२६ रन बनाए ।

पहिलो विकेटका लागि अर्जुन र समिरले २३.१ ओभरमा ६८ रनको साझेदारी गरेका थिए । त्यसपछि विधान श्रेष्ठ र अभिषेक बस्नेत २५–२५ रनमा आउट भए । विधानले ३४ बलमा ५ चौका र अभिषेकले ३४ बलमा २ चौका प्रहार गरे । सन्दीप क्षेत्री २२ बलमा १ चौका र २ छक्कासहित १९ रनमा आउट भए । कमल परियार र विपिन खत्रीले १३–१३ रन बनाए ।

सुदूरपश्चिम प्रदेशले १० ओभरमा १ मेडनसहित २३ रन खर्चेर २ विकेट लिए । नारायण जोशीले १० ओभरमा २ मेडनसहित ३३ रन खर्चेर २ विकेट लिए । कैलाश ऐरले ८ ओभरमा ४० रन खर्चेर २ विकेट लिए । नरेन्द्र साउदले एक विकेट लिए ।