default_image

1 year ago

November 1, 2022

अस्पताल जानुपर्ने विपिनले जब मैदान पसेर तहल्का मच्चाए

भूपेन्द्र जि.सी., काठमाडौं खेलाडीका लागि आफ्नो व्यक्तिगत प्रदर्शन भन्दा टिमको नतिजा महत्त्वपूर्ण हुन्छ । त्यसैले हरेक खेलाडी टिमका लागि आफूलाई जोखिममै राखेर पनि जिताउन खोज्छन् । कतिपय अवस्थामा घाइते नै हुँदा पनि टोलीका लागि खेलेका उदाहरण विश्व खेलकुदमा छन् । त्यसै उदाहरणको सुचीमा गण्डकी प्रदेशका कप्तान‌ विपिन खत्रीले आफूलाई उभ्याएका छन् । प्रधानमन्त्री कप एकदिवसीय […]

145 views

0 Bookmark

भूपेन्द्र जि.सी., काठमाडौं

खेलाडीका लागि आफ्नो व्यक्तिगत प्रदर्शन भन्दा टिमको नतिजा महत्त्वपूर्ण हुन्छ । त्यसैले हरेक खेलाडी टिमका लागि आफूलाई जोखिममै राखेर पनि जिताउन खोज्छन् । कतिपय अवस्थामा घाइते नै हुँदा पनि टोलीका लागि खेलेका उदाहरण विश्व खेलकुदमा छन् । त्यसै उदाहरणको सुचीमा गण्डकी प्रदेशका कप्तान‌ विपिन खत्रीले आफूलाई उभ्याएका छन् ।

प्रधानमन्त्री कप एकदिवसीय राष्ट्रिय प्रतियोगिताका दौरान विपिनले सुदूरपश्चिमविरुद्ध चोटका बाबजुद साहसिक निर्णय लिँदै टोलीलाई ६९ रनको सानदार जित दिलाए । गण्डकीलाई जिताउन ‘गेम चेन्जर’ बनेका विपिन घाइते भएर हस्पिटल जानुको सट्टा मैदान सानदार प्रदर्शनका साथ तहल्का पिट्न सफल भए ।

घाइते भएपछि एम्बुलेन्स लिन आएपनि विपिनले सानदार बलिङ प्रदर्शनमा सुदूरका ब्याटरलाई घुमाउँदै उत्कृष्ट पूनरागमन जित दिलाए । विपिनलाई अस्पताल लग्न एम्बुलेन्सनै टियु मैदानमा तयार थियो । तर विपिन अस्पताल होईन मैदान फर्किन चाहे ।

१३ औं ओभरमा मिलन बोहराले हानेको प्रहारलाई चौका बचाउने धुनमा डाइभ हान्दा उनको दायाँ तिघ्रामा चोट लागेको थियो । उनी केहि समय मैदानमै लडे । त्यसपछि अन्य खेलाडीको सहयोगमा मैदान बाहिर आए ।

पिएम कपमा फ्रन्टलाइन अस्पतालका चिकित्सक मेडिकल टिमको रुपमा छन् । उनलाई मेडिकल टोली उपचार गर्यो । उनको अनुहारमा चोटको पिडा र दुःख स्पष्ट देखिन्थ्यो । त्यसैले चिकित्सक रोशनी बास्ताकोटीले उनको खुट्टाको एक्सरे गराउन एम्बुलेन्समा अस्पताल जान सुझाव दिइन् । धेरैको शंका चोट गम्भीर होेला भन्ने थियो ।

टियु एण्डतर्फ रहेको मेडिकल बक्समा केहि समय उपचारपछि विपिन ड्रेसिङ रुममा प्रशिक्षक रिजन प्रजुसँग निराश मुद्रामा बसेका थिए । यसो हेर्दा एम्बुलेन्सको पर्खाइ अनुमान गर्न सकिन्थ्यो । अनुमान विपिन अव हस्पिटल जान्छन् र यो खेल गुमाउँछन् भन्ने थियो । तर त्यो अनुमान विपरित विपिन मैदानमा उत्रिए ।

विपिन नहुँदा गण्डकीलाई ठूलो घाटा लाग्ने पक्का थियो । किनभने टोलीमा कप्तानसँगै प्रमुख बलरको अभाव हुन्थ्यो । तर विपिनले अस्पताल होईन मैदान गएर तहल्का पिटे । उनकै सानदार प्रदर्शनमा गण्डकी विजयी भयो । विपिनको स्पिनमा गती हुँदा खेल्न कठिन पर्छ । ब्याटिङमा विपिन हिटरको रुपमा चिनिन्छन् । उनी गण्डकीको स्टार खेलाडीमै पर्दछन् ।

विपिन डगआउटमा केहि समय विश्रामपछि मैदान छिरे । मैदान छिर्दा पनि उनी फिट थिएनन् । खुट्टा राम्रोसँग टेक्न सकेका थिएनन् । खुट्टाले राम्रोसँग टेक्न कठिन परेको थियो । तर उनी टोलीको जित बाहेक त्यो समय अन्य केहि सोचेनन् । आफ्नो स्पिनमा सुदूरको ब्याटिङ घुमाउन सफल भए । चोटपछि सुरुवाती दुई ओभर उनको राम्रो हुन सकेन । तर पनि आफ्नो विश्वासलाई कायम राखे ।

२३ औं ओभरको पहिलो बलमा गजेन्द्र बोहरालाई कमल परियारबाट ३५ रनमा क्याच गराउँदै ९८ रनको साझेदारी तोडेका थिए । गजेन्द्र आउट हुनुअघि सुदूर २२ ओभरमा १०१-१ को अवस्थामा थियो । गजेन्द्रको विकेट गण्डकीको लागि टर्निङ प्वाइन्ट बन्यो ।

स्पिनर सुवास भण्डारीले २४ औं ओभरको तेस्रो बलमा लङअफमा मिलन बोहरालाई क्याच गराए । सेट भएका दुवै ब्याटर आउट भएपछि गण्डकीको स्पिन आक्रामण पुन: हावी बन्यो । गण्डकीका स्पिनर सुवास भण्डारी, कमल परियार र विपिन खत्रीको जोडीले पछिल्लो समय घरेलु क्रिकेटमा राम्रो प्रभाव जमाउँदै आएका छन् ।

त्यसपछि विपिनले वसन्त खत्री, दीपक टमाटा र नारायण जोशीलाई आउट गर्दै उत्कृष्ट पूनरागमन गरे । २९ औं ओभरको तेस्रो बलमा दीपक टमाटालाई एलबीडब्लू आउट गरे । एक बलपछि फिनिसर नारायण जोशी बोल्ड हुन पुगे । त्यसपछि गण्डकी खेलमा पुरै हाबी भयो । उनकै उत्कृष्ट प्रदर्शनमा जितको लागि २ सय ९ रनको विजयी लक्ष्य पछ्याएको सुदूर ३२.४ ओभरमा १ सय ३९ रनमा अल आउट भयो । विपिनले १० ओभरमा ४३ रन खर्चेर ४ विकेट लिए ।

विपिन आफ्नो चोटको भन्दा पनि बाहिर बसेर हेर्न गाह्रो भएको बताउँछन् । ‘घाइते भएपछि बाहिर बसेर हेर्न गाह्रो हुने रहेछ । आफू खेलिरहेको हुँदा बाहिर आउन गाह्रो भएको थियो । बाउन्ड्री गइरहेको थियो । एक समय त खेल गएजस्तो अनुभव भएको थियो । आफूलाई कतिबेला जाउँ भन्ने भएको थियो । म कप्तान हुँदा यहाँबाट खेल फर्काउनु पर्छ र सक्छु भन्ने आत्माविश्वास थियो’, विपिनले खेलपछि भने ।

त्यसैमा थपे, ‘यहाँबाट जे सोचेर गएको थिए त्यहीँ हुँदा खुशी लाग्यो ।’

यता मेडिकल टिमले फ्रन्टलाइन अस्पतालबाट उनको लागि एम्बुलेन्स नै तयार पारिसकेको थियो । किनभने उनको खुट्टा र पिडा हेर्दा गम्भीर चोटको आशंका गरिएको थियो । तर उनी जसरी पनि खेल्न खोजे । उनले एक्सरे खेलपछि गराउने निर्णय लिए । हल्का टेक्न मिलेपछि जोखिम लिएर मैदान छिरे ।

‘ सुरुमा मलाई ल अब खुट्टा भाँचिएको हो कि भन्ने डर थियो । खुट्टा सुनिएको थियो । मेडिकललाई सोध्दा हल्का सुनिएको मात्रै हो । मलाई मैदानभित्र जाउँ-जाउँ भएको थियो । तर वहाँहरुले आज नखेली विश्राम गर्न भन्नुभयो । नभाचिएको भए म खेल्न सक्छु भन्ने सोचेर गएँ’, उनले भने ।

विपिनले खेलपछि एक्सरे गरेर हेर्ने बताए । गण्डकीको मंगलबार विश्राम हुँदा त्यो दिन गर्ने सोचमा छन् । त्यसपछि मात्रै उनले बाँकी खेल सोच्ने छन् । सुदूरपश्चिमसँग खेलेपछि चोट गम्भीर नभएको अनुमान गरेका छन् ।

चोटपछि जुन प्रदर्शन भयो त्यो विपिन आफैंले कल्पना गरेका थिएनन् । ‘चोटपछि यस्तो प्रदर्शन होला भनेर सोचेको त थिएन । तर मैले दुई वटा विकेट लिएपनि खेल फर्काउन सक्छु भन्ने थियो । त्यहि सोचले गएको थिएँ । यसरी खेल नै परिवर्तन गर्छु भनेर सोचेको थिइनँ’, उनले भने । मैदान भित्र मात्र होईन खेलपछि उनले राम्रोसँग टेक्न सकेका थिएनन् ।

यता मैदानमा रहेकी चिकित्सक रोशनी बास्ताकोटीले एक्कासी सुनिएको हुँदा केहि डराएको बताइन् । ‘मैदान बाहिर आउँदा एक्कासी सुनिएको थियो । दुखाई पनि थियो । हामीले मुभ र स्प्रे लगाइदियौं । आइस पनि गर्यौं । एकछिन विश्राम गराएका थियौं । खुट्टा हेर्दा भाँचिएको छैन लागेको थियो । सुनिएको र दुखाई धेरै भएको हुँदा एक्सरे गरेर हेरौं भनेर एम्बुलेन्स बोलाएका थियौं, रोशनीले हाम्रो खेलकुदसँग भनिन् ।

विपिन त्यो एम्बुलेन्समा गएनन् । खेलपछि रोशनसहितको मेडिकल टोली त्यसैमा फर्कियो । विपिन घाइते हुँदा गण्डकीको ड्रेसिङ रुममै निराश भएको प्रशिक्षक रिजन प्रजु बताउँछन् ।

‘विपिन हाम्रो टोलीको प्रमुख खेलाडी र कप्तान हुन् । उनी घाइते हुँदा ड्रेसिङ रुममै एक किसिमको निराशा आइसकेको थियो । यो भन्दा अघि प्रधानमन्त्री कपमा विपिन घाइते हुँदा एपिएफसँग जित नजिक हार्न पुगेका थियौं’, प्रजुले भने ।

त्यसैमा थपे, ‘विपिनको उपचार भइरहेको थियो । विपिनले चार विकेट लिएर खेलनै परिवर्तन गर्यो । विपिन मैदान गएपछि हामी पनि ढुक्क थियौं । नभन्दै विपिनले खेल जिताएरै छाडे ।’

विपिनलाई सोधेर नै मैदानमा पठाएको रिजन बताउँछन् । ‘तिमी सक्छौं कि सक्दैनौं हामीले सोधेका थियौं । किनभने खेलाडीको करिअरमा जोखिम लिने कुरा हुँदैन । यो पछि धेरै प्रतियोगिताहरु र त्यो भन्दा बढी करिअर छ । हड्डीमा समस्या छैन भने मासुमा हुँदा एकछिन हेर्यौ । विपिनले सक्छु भनेपछि हामीले चिकित्सकको सुझावमै पठाएका हौं’, उनले भने ।

गण्डकीले अब पर्सी बुधबार कर्णालीसँग खेल्नेछ । त्यसैले मंगलबार उनले एक्सरे गरेर हेर्नेछन् । तर सुदूरपश्चिमविरुद्ध विपिनले जुन साहस र आँटका साथ प्रदर्शन गरे त्यसलाई सबैले सम्मान गर्नुपर्छ । क्रिकेटमा टिम भावना, कप्तानी निर्णय र एक खेलाडीको प्रदर्शनले कति प्रभाव पार्छ राम्रो उदाहरण पनि हो ।

विपिन आफैंका लागि भने यो जोखिमभरिपूर्ण निर्णय थियो । उनको करिअर भन्दा ठूलो पक्कै यो प्रतियोगिता भने होईन । अर्को महिना नेपाल टि२० लिग छ । यसैपनि नेपालमा राम्रो उपचार र पर्याप्त पैसा नहुँदा चोट धेरै खेलाडीको करिअरको पुर्ण विराम बनेको छ । भावनासँगै खेलाडीले आफ्नो करिअरलाई पनि त्यतिनै ध्यान भने राख्नुपर्ने हुन्छ । विपिनले गरेको साहस र त्यसपछिको प्रतिफलको भने तारिफ जति गरेपनि कमै हुन्छ ।

April 20, 2024

दिल्लीमाथि हैदरावादको सानदार जित

एजेन्सी – विष्फोटक ब्याटिङ प्रदर्शन सहित सनराईजर्स हैदरावादले इंडियन प्रिमियर लिग (आइपिएल) मा शनिबार दिल्ली क्यापिटल्स माथि फराकिलो जित दर्ता गरेको छ । हैदरावादले दिल्लीमाथि उसैको मैदानमा ६७ रनको सानदार जित निकालेको हो। टस हारेर पहिला ब्याटिङको निम्तो पाएको हैदरावादले उत्कृष्ट ब्याटिङ सहित २० ओभरमा ७ विकेट गुमाउँदै २ सय ६६ रनको विशाल योगफल खडा […]

April 20, 2024

नेपाललाई हराउँदै हङकङ इमर्जिङ एसिया कपमा छनोट

मस्कट (हाम्रो खेलकुद) – हङकङ ओमनमा जारी एसीसी प्रिमियर कपमा तेस्रो स्थान हासिल गर्दै इमर्जिङ टिम्स एसिया कपमा छनोट भएको छ । तेस्रो स्थानको लागि शनिबार भएको खेलमा नेपाल माथि ४ विकेटको जित निकाल्दै इमर्जीङ टिम्स एसिया कपमा छनोट भएको हो । नेपालले दिएको १ सय ४० रनको लक्ष्य पछ्याएको हङकङले लक्ष्य १९.३ ओभरमा ६ […]

April 20, 2024

दीपेन्द्रको ब्याटिङमा नेपालको प्रतिस्पर्धात्मक योगफल

मस्कट (हाम्रो खेलकुद) – एसिसि प्रिमियर कप अन्तर्गत हङकङ विरुद्ध तेस्रो स्थानको खेलमा नेपालले प्रतिस्पर्धात्मक योगफल खडा गरेको छ । पछिल्लो खेलमा खराब ब्याटिङ प्रदर्शन गरेको नेपालले आज निर्धारित २० ओभरमा ८ विकेट गुमाउँदै १३९ रन बनाएको हो ।  टस जितेर पहिला ब्याटिङ रोजेको नेपालका लागि दीपेन्द्र सिंह ऐरीले २९ बलमा ४ चौका र ३ […]

Success

Thank you for your time.