default_image

1 year ago

November 1, 2022

न्युजिल्यान्डमाथि उत्कृष्ट जितसँगै इंग्ल्यान्ड सेमिफाइनल नजिक

एजेन्सी – इंग्ल्यान्डले आइसिसी टि२० विश्वकपमा न्युजिल्यान्डलाई २० रनले हराउँदै सेमिफाइनल नजिक पुगेको छ । सुपर १२ को समूह ए मा दोस्रो जितका साथ इंग्ल्यान्डले सेमिफाइनल सम्भावना बलियो बनाएको हो । जितको लागि १ सय ८० रनको विजयी लक्ष्य पछ्याएको न्युजिल्यान्डले निर्धारित २० ओभरमा ६ विकेट गुमाउँदै १ सय ५९ रन बनायो । न्युजिल्यान्डको लागि […]

95 views

0 Bookmark

एजेन्सी – इंग्ल्यान्डले आइसिसी टि२० विश्वकपमा न्युजिल्यान्डलाई २० रनले हराउँदै सेमिफाइनल नजिक पुगेको छ । सुपर १२ को समूह ए मा दोस्रो जितका साथ इंग्ल्यान्डले सेमिफाइनल सम्भावना बलियो बनाएको हो ।

जितको लागि १ सय ८० रनको विजयी लक्ष्य पछ्याएको न्युजिल्यान्डले निर्धारित २० ओभरमा ६ विकेट गुमाउँदै १ सय ५९ रन बनायो । न्युजिल्यान्डको लागि प्लेन फिलिप्सले ३६ बलमा ४ चौका र ३ छक्कासहित सर्वाधिक ६२ रनको योगदान दिए । फिलिप्सको ब्यक्तिगत १४ रनमा मोईन अलीले सहज क्याच छाडेका थिए । जुन क्याच ठूलो भारी पर्न सक्थ्यो ।

साम करनले १८ औं ओभरको तेस्रो बलमा वैकल्पिक फिल्डिर क्रिस जोर्डनबाट क्याच गराएपछि जित कठिन बनेको थियो । कप्तान केन विलियम्सनले ४० बलमा ३ चौकासहित ४० रन बनाए । तेस्रो विकेटका लागि केन विलियम्सन र ग्लेन फिलिप्सले ९१ रनको उत्कृष्ट साझेदारी गर्दै एक समय जितको सम्भावना देखाएका थिए । तर बेन स्टोक्सले आदिल राशिदबाट विलियम्सनलाई क्याच गराउँदै खेलमा फर्काए ।

फिन एलेन १६, डेभन कन्वे ३, मिचेल सान्टनार १६ र ईश सोधीले ६ रन बनाए । इंग्ल्यान्डका क्रिस वोक्सले ४ ओभरमा ३३ रन खर्चेर २ विकेट लिए । साम करनले ४ ओभरमा २६ रन खर्चेर २ विकेट लिए । मार्क वुड र क्रिस वोक्सले एक एक विकेट लिए ।

ब्रिस्बेनमा टस जितेर पहिला ब्याटिङ रोजेको इंग्ल्यान्डले निर्धारित २० ओभरमा ६ विकेट गुमाउँदै १ सय ७९ रन बनायो । इंग्ल्यान्डका जस बटलरले ४७ बलमा ७ चौका र २ छक्कासहित सर्वाधिक ७३ रनमा रन आउट भए । त्यसअघि बटलरले दुई जीवनदान पाएका थिए ।

लोकी फर्गुसनको १३ औं ओभरको तेस्रो बलमा पुल सट खेलेका बटलरलाई ४० रनमा डर्याल मिचेलले डिप स्क्वायर लेगमा सहज क्याच छाड्न पुगेका थिए । त्यसअघि छैटौं ओभरमा केन विलियम्सनले १२ रनमा जीवनदान दिएका थिए ।

ओपनर एलेक्स हेल्स र जस बटलरले पहिलो विकेटका लागि १०.२ ओभरमा ८१ रनको साझेदारी गर्दै राम्रो सुरुवात गरेका थिए । हेल्स ४० बलमा ७ चौका र १ छक्कासहित ५२ रनमा आउट भए । हेल्स स्पिनर मिचेल सान्टनारका अफ साइडमा बलमा मिस हुँदा स्टम्पिङ आउट भए ।

लियाम लिभिङस्टोन २० रनमा बोल्ड भए । उनी स्कुप सट खेल्ने धुनमा लोकी फर्गुसनको बलमा बोल्ड हुँदै १४ बलमा १ चौका र १ छक्का हाने । ह्यारी ब्रुक ७, बेन स्टोक्स ८, मोईन अली ५, साम करन ६ र डेविड मलानले ३ रन बनाए ।

न्युजिल्यान्डका लोकी फर्गुसनले ४ ओभरमा ४५ रन खर्चेर २ विकेट लिए । टिम साउथी, मिचेल सान्टनार र ईश सोधीले एक एक विकेट लिए । इंग्ल्यान्डले अन्तिम खेल शनिबार श्रीलंकासँग खेल्नेछ । उक्त खेलमा फराकिलो अन्तरले विजयाी हुँदा सोझै सेमिफाइनलमा पुग्नेछ ।

त्यस्तै न्युजिल्यान्डले शुक्रबार आयरल्यान्डसँग खेल्नेछ । शुक्रबार नै अष्ट्रेलियाले अफगानिस्तासँग खेल्नेछ । न्युजिल्यान्ड र अष्ट्रेलिया मध्य एक टोली पराजित हुँदा इंग्ल्यान्ड अन्तिम जितले सोझै सेमिफाइनलमा पुग्नेछ । तर इंग्ल्यान्ड, अष्ट्रेलिया र न्युजिल्यान्ड सबै विजयी हुँदा शीर्ष दुई टोली नेटरनरेटमा निर्भर हुनेछ ।

अंक तालिका

April 14, 2024

अकिबको ह्याट्रिकमा ओमानले कम्बोडियालाई हरायो

मस्कट (हाम्रो खेलकुद) – अलराउन्डर अकिब इल्यासले ह्याट्रिक लिएपछि एसीसी मेन्स प्रिमियर कप २०२४ अन्तर्गत समूह बी को खेलमा आयोजक ओमानले कम्बोडियालाई ६३ रनले पराजित गरेको छ । अल अमेरत मैदानमा आइतबार वर्षाले खेलको सुरुवात प्रभावित भएपछि ११ ओभरमा घटाइएको थियो । कम्बोडियाले टस जितेर ओमानलाई पहिलो ब्याटिङको निम्तो दिने निर्णय सफल भने भएन । […]

April 14, 2024

राजस्थानसँग पन्जाबको हार

एजेन्सी – सामूहिक प्रदर्शन गर्दै राजस्थान रोयल्सले इन्डियन प्रिमियर लिग (आइपिएल) मा शनिबार जित निकालेको छ । राजस्थानले पन्जाब किङ्सलाई ३ विकेटले हराएको छ । एक सय ४८ रनको लक्ष्य पछएको राजस्थानले १९.५ ओभरमा ७ विकेटको क्षेतिमा १ सय ५२ रन जोड्दै जित दर्ता गरेको हो ।टोलीका लागि यसस्वी जैसवालले २८ बलमा सर्वाधिक ३९ रन, […]

April 14, 2024

टि ट्वान्टी विश्वकप– अमेरिकामा जर्सी प्रि अर्डर गर्न सकिने

टेक्सस (हाम्रो खेलकुद) – अमेरिका र वेष्ट इन्डिजमा संयुक्त रुपमा हुने आइसीसी टि ट्वान्टी विश्वकपका लागि नेपाल क्रिकेट संघ (क्यान) ले केहि दिन गत साता काठमाडौंमा नेपाली टोलीले लगाउने जर्सी सार्वजनिक गरेको थियो । जुनको १ देखि २९ सम्म हुने टि ट्वान्टीमा नेपाली टोलीले लगाउने जर्सीको अमेरिकी विक्रि अधिकार केल्मी नेपालले एक्जोबी यूएसएलाई दिएको छ […]

Success

Thank you for your time.