2 years ago
November 1, 2022
काठमाडौं (हाम्रो खेलकुद) – नेपाली महिला क्रिकेट टोलीकी अनुभवी ब्याटर नेरी थापाको अर्धशतकमा क्यान ११ ले मेरिलेबोन क्रिकेट क्लबलाई २ विकेटले पराजित गरेको छ । योसँगै सिरिज उपाधि पनि नेपाली महिला क्रिकेट टोली सम्मिलित क्यान ११ ले जितेको छ
जितको लागि १ सय ५५ रनको विजयी लक्ष्य पछ्याएको क्यान ११ ले ३९ ओभरमा ८ विकेट गुमाउँदै पूरा गर्यो । नेपाली महिला क्रिकेट टोलीका खेलाडी सम्मिलित क्यान ११ लाई जिताउन नेरी थापाले ९८ बलमा ५ चौकासहित सर्वाधिक ५५ रन बनाइन् । अन्य ब्याटरले भने राम्रो गर्न सकेनन् ।
ओपनर काजल श्रेष्ठ ८, कविता कुँवर १८, सम्झना खड्का ११, इन्दु बर्मा ४, रुविना क्षेत्री १६, सीतारानामगर ३, रोमा थापा १० र कविता जोशीले ४ रन बनाइन् ।
एमसिसीको लागि अमान्डा पोटेगरले ८ ओभरमा १ मेडनसहित ३१ रन खर्चेर ३ विकेट लिइन् । इसाबेल गुर्नीले दुई विकेट लिइन् । त्यसअघि पोखरा रंगशालामा टस जितेर पहिला ब्याटिङ थालेको एमसिसीले निर्धारित ४० ओभरमा ६ विकेट गुमाउँदै १ सय ५५ रन बनायो ।
एमसिसीको लागि इंग्ल्यान्डकी पूर्व स्टार खेलाडी क्लेयर टेलरले ९८ बलमा ३ चौकासहित सर्वाधिक ५५ रन बनाइन् । जेनी २५, मिया रोजर्स १८ र आमान्डाले २६ रन बनाइन् ।
एमसिसीले नेपालमा ६ खेलको सिरिज खेलेको थियो । जसमा आइसिसी यू१९सँग एक, मिक्सड ११ सँग दुई र क्यान ११ सँग तीन खेल खेलेको थियो । आइसिसी यू१९ बाहेक अन्य सबै खेलमा एमसिसी पराजित हुन पुग्यो ।
July 26, 2024
एजेन्सी – आयोजक श्रीलंका एसिसी महिला एसिया कपको उपाधि नजिक पुगेको छ । शुक्रबार भएको दोस्रो सेमिफाइनलमा पाकिस्तानलाई ३ विकेटले पराजित गर्दै घरेलु टोली फाइनलमा पुगेको हो । पाकिस्तानले दिएको १ सय ४१ रनको लक्ष्य श्रीलंकाले ७ विकेट गुमाइ १९.५ ओभरमा पूरा गर्यो । कप्तान चमारी अथापथ्थुले ४८ बलमा ९ चौका र २ छक्काको सहयोगमा […]
July 26, 2024
एजेन्सी – भारत एसिसी महिला एसिया कपको उपाधि नजिक पुगेको छ। श्रीलंकामा जारी एसिया कपको शुक्रबार भएको पहिलो सेमिफाइनलमा बंगालदेशलाई १० विकेटले पराजित गर्दै भारत फाइनलमा पुगेको हो। ८१ रनको लक्ष्य भारतले कुनै विकेट नगुमाइ ११ ओभरमा पूरा गर्यो। स्मृति मन्धनाले नटआउट ५५ रन र शफली बर्माले नटआउट २६ रन बनाइन् । स्मृतिले ३९ बलमा […]
July 26, 2024
एजेन्सी – नेपाली लेग स्पिनर सन्दीप लामिछाने सम्मिलित भ्यानकुभर नाइट्स टि ट्वान्टी क्यान्डा क्रिकेट लिगमा पराजित भएको छ । टोरन्टो नेसनल्ससँग भ्यानकुभर नाइट्स ८ विकेटले पराजित भएको हो। भ्यानकुभरले दिएको १ सय ११ रनको लक्ष्य टोरन्टोले १४.४ ओभरमा २ विकेट गुमाउँदै पूरा गर्यो। टोरन्टोका कप्तान कोलिन मुनरोले ३९ बलमा ३ छक्का र त्यत्तिनै चौकाको मद्दतमा सर्वाधिक […]