default_image

1 year ago

November 2, 2022

आलोचकलाई अंकितको शतकीय जवाफ

काठमाडौं (हाम्रो खेलकुद) – शतक कुनैपनि खेलाडीको लागि विशेष हुन्छ । जुनसुकै टोली, खेल वा प्रतियोगिता होस्, कुनैपनि ब्याटर क्रिजमा प्रवेश गर्दा ठूलो इनिङ र टोलीको भूमिका निर्वाह गर्न उत्रिएका हुन्छन् । अझ ओपनरको लक्ष्य र भूमिका लामो इनिङ खेल्नु हुन्छ । जुन निकै कमले पूरा गर्दछन् । राष्ट्रिय प्रतियोगिताको शतकको महत्व भिन्न हुन्छ । […]

109 views

0 Bookmark

काठमाडौं (हाम्रो खेलकुद) – शतक कुनैपनि खेलाडीको लागि विशेष हुन्छ । जुनसुकै टोली, खेल वा प्रतियोगिता होस्, कुनैपनि ब्याटर क्रिजमा प्रवेश गर्दा ठूलो इनिङ र टोलीको भूमिका निर्वाह गर्न उत्रिएका हुन्छन् । अझ ओपनरको लक्ष्य र भूमिका लामो इनिङ खेल्नु हुन्छ । जुन निकै कमले पूरा गर्दछन् ।

राष्ट्रिय प्रतियोगिताको शतकको महत्व भिन्न हुन्छ । त्यसमा पनि पहिलो त सधै विशेष नै । प्रदेश एकका युवा ओपनर अंकित सुवेदीले प्रधानमन्त्री कप एकदिवसिय राष्ट्रिय प्रतियोगितामा बागमती प्रदेशविरुद्ध शतकीय इनिङ खेले ।

बागमती प्रदेशलाई ६९ रनले हराउन अंकितले १ सय ३४ बलमा १२ चौका र १ छक्कासहित १ सय १० रनको परिपक्व इनिङ खेले । त्यो इनिङलाई कप्तान सिद्धान्त लोहनीले साथ दिँदै ४० बलमा ३ चौका र ८ छक्का हान्दै ७१ रनको विष्फोटक इनिङ खेले । यी ब्याटरको उत्कृष्ट इनिङमा बागमतीविरुद्ध प्रदेश एकले ३ सय ४ रन बनाएको थियो ।

बागमती प्रदेश घरेलु क्रिकेटमा राम्रो टोली हो । ज्ञानेन्द्र मल्लको कप्तानीमा रहेको बागमतीमा तीव्र गतिका बलर प्रतिश जि.सी र नन्दन यादव जस्ता स्तरिय तीव्र गतिका बलर छन् । स्पिनरमा सूर्य तामाङ र तिलकराज भण्डारी जस्ता खेलाडी छन् । जुन नेपाली टोलीका भविष्यको रुपमा हेरिँदै आएको छ ।

स्तरिय बलर भएको बागमतीविरुद्ध अंकितले आफ्नो राष्ट्रिय प्रतियोगितामा पहिलो शतक हाने । स्पिनर ईशान पाण्डेलाई प्वाइन्टमा सट हान्दै उनले १ सय २२ बलमा शतक पूरा गरेका थिए । शतकपछि दौडिएर दुई हात उठाउँदै सेलेब्रेसन गरे । त्यसपछि उनले आफ्नो हेल्मेट खोले र आकाशतिर हेरे ।
लगत्तै भुँईमा बसे र भावुक बने ।

आँशु लुकाउन उनले दुई हातले आँखा छोपे । दौडिदै आएर कप्तान सिद्धान्तले उनलाई सम्झाए । केहि समयपछि उनले आफ्नो हात पेभेलिएनतर्फ देखाउँदै पुन सेलेब्रेसन गरे । त्यो समय उनी निकै भावुक थिए । शतकमा त खुसी हुनुपर्ने हो । तर आफ्नो सबै आलोचना सम्झदै भावुक बने । म त्यसै टोलीमा परेको होइन भन्ने प्रमाणित गरे । जुन खुशी आँशुमा परिणत भयो ।

प्रदेश एकबाट लगातार खेल्दै आएपनि क्षमत अनुसार प्रदर्शन गर्न सकेका थिएनन् । त्यसैले उनी आफैले यो प्रतियोगितामा राम्रो नगरे करिअरनै सकिने सोचमा थिए । उनलाई गल्ती गर्ने ठाउँ थिएन ।

जिल्लामा आलोचना यति सम्म भएको थियो कि प्रदेश होईन जिल्लाकै टिममै राख्न हुन्न भन्नेसम्म आवाज लगातार उठेको थियो । त्यहि आवाजको इख लिँदै उनले शतक हाने र ब्याटबाट राम्रो जवाफ दिए । अब तत्काल त्यो आलोचना उनले सुन्नुपर्ने छैन ।

‘पहिलो शतक प्रहार गर्दा धेरै राम्रो लागेको छ । त्यसमा पनि टिमको जित हो । धेरैपछि सिनियरमा हामीले जित हात पार्यौं । यसअघि राम्रो खेल्दा खेल्दै पनि जित्न सकेका थिएनौं । टिमको जितमा मेरो शतक काम लाग्यो । हारेको भए त शतक काम लाग्ने थिएन । त्यसैले खुसी लागेको छ’, शतकपछि अंकितले भने ।

अंकित आफ्नो बारे नराम्रो कुरा आएको बताउँछन् । जसको कारण प्रदर्शन गर्दै प्रमाणित गर्नुपर्ने दबाबमा थिए । ‘मेरो बारे एकदमै नराम्रो कुराहरु आएको थियो । कसरी किन पर्यो भनेर । राम्रो गरेर आउँदा पनि त्यस्तो कुरा आएको थियो । त्यसैले केहि दबाबमा थिए । हिजो पनि राम्रो भएको थियो । आज विकेट पनि राम्रो थियो । ५० हानेपछि शतक हानेर मैले प्रमाणित गर्नु पर्छ नै एउटा सोच थियो । त्यसैले एकदमै खुसी लागेको छ’, उनले भने ।

अंकित जिल्लाकै टिममा राख्न हुन्न भन्ने सम्म आवाज उठेको हुँदा धेरै भावुक भएको बताउँछन् । ‘उता घरतिर जिल्लामै नराख्ने जस्तो कुरा आएको बेला साथ दिनुभयो । जिल्ला अध्यक्ष, सदस्य, लाक्पा दाइ, सबै दाइले साथ दिनु भयो । प्रदेशमा पनि ठिकै प्रदर्शन गर्दा फिटनेशमा अलिकति समस्या आएको थियो । प्रदेश एक व्यवस्थापक र छनोटकर्ताले मलाई विश्वास गर्नुभयो । त्यो विश्वासमा आज प्रमाणित गरे । मैले सेलेब्रेसन आफ्नो लागि भन्दा पनि प्रमाणित गरे भनेर भावुक हुन पुगे’, उनले भने ।

अंकित प्रदेश एकका एक आशा लाग्दा क्रिकेटर हुन् । झापामा उनले लगातार कडा मिहिनेत गर्दै आएका छन् । तर प्रदर्शन राम्रो हुन सकेको थिएन । राम्रो गरेपनि २०–३० मै रोकिनु परेको थियो । यू१९ बन्द प्रशिक्षण हुँदै यू१९ नेपाली टोलीमा परेपनि कागजपत्र समस्याले खेल्न नपाएका क्रिकेटरमा पर्दछन् । गतवर्ष यू१९ खेल्दा उमेरमा प्रश्न उठ्दै आलोचित हुनु पर्यो ।

अंकित अब पनि प्रदर्शन गर्न नसके करिअरनै सकिने सोच आएको बताउँछन् । ‘मलाई अलिकति इनिङ अघि बढाउन समस्या आएको थियो । पछिल्लो एक महिनामा आफूले आफूलाई अब पनि गरिन भने मेरो करिअर सकिन्छ । मैले मौका पाउदैन र टिममा प्रर्दैन भन्ने जस्तो सोच आएको थियो । भगवानलाई विश्वास गरेर मिहिनेत गरे । आगमी दुई खेल जितेर सेमिफाइनल पुग्न मेरो योगदान रहोस्’, उनले भने ।

सिद्धान्त आएपछि उनलाई झन् सहज भयो । अंकित आफूलाई अझ खुलेर खेल्न पाए । सिद्धान्त ३५ औं ओभरको चौथो बलमा सोनु अन्सारी आउट भएपछि मैदान छिरेका थिए । त्यो समय अंकित ९९ बलमा ७६ रनमा खेलेका थिए । सिद्धान्त र अंकितले छैटौं विकेटका लागि मात्रै ६९ बलमा १ सय २ रनको विष्फोटक साझेदारी गर्दै विशाल योगफलको आधार तय गरे । सँगै क्रिकेट खेल्ने यी दुई खेलाडीको जोडि पुन जम्यो । त्यसको मुख्य कारण एकअर्काले खेल राम्रोसँग बुझ्नु हो ।

‘सिद्धान्त दाइ आउनु अघि सोनु अन्सारी दाइले पनि राम्रो खेल्नु भयो । सिद्धान्त आएपछि त मलाई शतकको लागि निकै सहज भयो । हैन भने त दबाब हुन सक्थ्यो । सिद्धान्त र मेरो तीन चार वटा शतकीय साझेदारी भइसकेको छ । मलाई रनिङ बिटविन द विकेट देखि अन्य पक्षमा धेरै सहज भयो । आज म जति शतकको लागि खुसी छु । दाइको प्रदर्शनमा त्यतिनै खुसी छु’, अंकितले भने ।

हिटर सोनु अन्सारीले १७ बलमा १ चौका र २ छक्कासहित १९ रन जोडेका थिए । अंकित यो प्रदर्शन यहिँ सकिने र अर्को दिनबाट नयाँ सुरुवात गर्नुपर्ने बताउँछन् ।

‘यो प्रदर्शनले आत्माविश्वास आउँछ । तर बढी आत्माविश्वासी हुन भएन । अर्को हुने खेलमा पनि शून्य देखि सुरु हुने हो । शतकमा खुसी लाग्छ । तर फेरि नयाँ सुरुवात गर्नुपर्छ’, उनले भने ।

यता सिद्धान्त धेरैपछि आफ्नो प्रदेशबाट शतक बन्दा खुसी लागेको बताए । ‘अंकितले एकदमै राम्रो खेल्यो । हाम्रो प्रदेशबाट धेरैपछि शतक बनेको हो । शतक कोहीबाट पनि आएको थिएन, सिद्धान्तले भने ।

‘म र अंकित भनेको धेरै समयदेखि सँगै खेल्दै आएका छौं । जब मैले पहिलो पटक शतक हानेको थिए त्यो बेला अंकित मसँग थियो । आज अंकितले पहिलो शतक हान्दा म छु । हाम्रो साझेदारी प्राय राम्रो हुन्छ । एक अर्कामा विश्वास हुँदा आँखाको ईशारामा रन जोड्न सक्छौं । अंकितले सिंगल डबल गर्दै राम्रो खेलेको थियो । प्रदेश एकका लागि यो एक उत्कृष्ट इनिङ थियो । एकदमै खुसी लागेको छ । आगमी दिनमा पनि यस्तै गर्दै जाअ‍ोस्’, सिद्धान्तले भने ।

अंकितले भनेजस्तै उनको यो इनिङ सकिएको छ । प्रदेश एकले अब मधेश र लुम्बिनीसँग खेल्न बाँकी छ । सेमिफाइनलमा पुग्न दुवै खेलमा जित्नुपर्ने हुन्छ । एक खेलमा पराजित हुँदा अन्य टोलीमा भर पर्नुपर्छ । यसको लागि सिद्धान्त र अंकितले यो लयलाई निरन्तरता दिनुपर्छ । यहाँ राम्रो गर्न सकेमात्र नेपाल टि२० लिग जस्ता ठूला अवसरमा पुग्ने अवसर जुर्छ ।

नेपाली टोलीबाट खेलिसकेका सिद्धान्त नेपाली टि२० लिगमा अनुबन्धित छन् । सिद्धान्तलाई नेपाली टिममा फर्किन लगातार यस्तो प्रदर्शन गर्नुपर्ने हुन्छ । अंकितलाई नेपाल टि२० लिग हुँदै अन्य ठूला अवसर पर्याप्त गर्न आगमी दिनमा यो भन्दा अझ उत्कृष्ट प्रदर्शन गर्नुपर्छ ।

एउटा इनिङ मात्रै होईन लगातार त्यो किसिमको प्रदर्शन अव आवश्यक जस्तै बनेको देखिन्छ । अनि मात्र उनलाई अन्य अवसर खुल्नेछन् । थोरै घरेलु अवसरमा आफूलाई प्रमाणित गर्न अब भने चुक्नु हुँदैन ।

April 19, 2024

नाटकीय खेलमा मुम्बईको जित

एजेन्सी –आशुतोष शर्माको सानदार ब्याटिङका बाबजुद पञ्जाब किंग्स मुम्बई इण्डियन्ससँग बिहीबार इण्डियन प्रिमियर लिग (आइपिएल) मा नाटकीय शैलीमा ९ रनले पराजित भएको छ । पञ्जाबको लागि आठौं क्रमका ब्याटर आशुतोष शर्माले ६१ रन बनाएपनि जितको लागि प्रयाप्त भएन । मुम्बइको जितमा सूर्य कुमारले अर्धशतकीय पारी खेले । मुम्बईका जसप्रित बुमराह र जेराल्ड कोएट्जेको बलिङ महत्वपुर्ण […]

April 18, 2024

गण्डकीलाई पहिलो सफलता

काठमाडौं (हाम्रो खेलकुद) – विपिन खत्रीको उत्कृष्ट बलिङमा मधेश प्रदेशलाई ८ विकेटले हराउँदै गण्डकी प्रदेशले वीर गणेशमान सिंह राष्ट्रिय टी-ट्वान्टी च्याम्पिनसिपमापहिलो जित दर्ता गरेको छ। लगातार २ हारपछि पहिलो जित निकाल्ने क्रममा गण्डकीका अर्जुन कुमालले नटआउट ४९ रन बनाए।माथिल्लो मुलपानी मैदानमा जितको लागि १ सय ३ रनको लक्ष्य गण्डकीले १६.३ ओभरमा २ विकेटको नोक्सानीमा पुरा […]

April 18, 2024

कर्णालीमाथि लुम्बीनीको सहज जित

काठमाडौं (हाम्रो खेलकुद) – वीर गणेशमान सिंह राष्ट्रिय टी-ट्वान्टी च्याम्पिनसिप बिहीबार भएको कम योगफलको खेलमा लुम्बिनी प्रदेशले कर्णाली प्रदेशलाई ७ विकेटले सहजै हराएको छ। लुम्बिनीको जितमा कप्तान देव खनालले अर्धशतक बनाए। लुम्बीनीको यो दोस्रो जित हो। ८२ रनको सहज लक्ष्य लुम्बिनीले १२.२ ओभरमा मात्र ३ विकेटको नोक्सानीमा पुरा गर्यो। कप्तान देवले उत्कृष्ट ब्याटिङ गरे। उनले […]

Success

Thank you for your time.