एजेन्सी – भारतले आइसिसी टि२० विश्वकपमा आज बंगलादेशसँग खेल्दैछ । खेल नेपाली समय अनुसार दिउँसो १ : ४५ मा एडिलेड ओेभलमा सुरुहुनेछ । भारतलाई शीर्ष दुईमा रहँदै सेमिफाइनल खेल्न यो खेल जित्नै पर्ने दबाब छ ।

भारतले पहिलो खेलमा पाकिस्तानलाई चार विकेट र नेदरल्यान्ड्सलाई ५६ रनले हराएको थियो । तर दक्षिण अफ्रिकासँग ५ विकेटले पराजित भएको थियो । भारतले अव बंगलादेश र जिम्बावेसँग खेल्न बाँकी छ ।

भारतले दुबै खेल जितेमा सहजै सेमिफाइनलमा पुग्नेछ । तर एक खेलमा पराजित हुँदा अन्य टोलीको नतिजामा ध्यान दिनुपर्ने हुन्छ । भारत ३ खेलमा २ मा जित र १ मा हारसहित दोस्रो स्थानमा छ ।

भारत आजको खेलमा पराजित हुँदा पाकिस्तानको पनि सेमिफाइनल खेल्ने सम्भावना बढ्नेछ । भारत आज पराजित हुँदा ६ अंकमा सेमिफाइनल खेल्नुपर्ने हुन्छ । पाकिस्तानले अन्तिम दुई खेल दक्षिण अफ्रिका र बंगलादेशसँग खेल्न चाहन्छ ।

त्यसैले भारत बंगलादेशमाथि सहज जित निकाल्न चाहन्छ । यता बंगलादेशपनि सेमिफाइनल खेल्ने आशामा छ । बंगलादेशले पहिलो खेलमा नेदरल्यान्ड्सलाई ९ रनले हराएको थियो । दक्षिण अफ्रिकासँग १ सय ४ रनले पराजित भएको थियो ।

जिम्बावेमाथि ३ रनको रोमान्चक जित हात पारेको थियो । बंगलादेशले अव भारत र पाकिस्तानसँग खेल्न बाँकी छ । दुबै खेलमा विजयी हुँदा सेमिफाइनल खेल्नेछ । त्यसैले बंगलादेश अप्रत्याशित नतिजा निकाल्न चाहन्छ । बंगलादेश ३ खेलमा २ मा जित र १ मा हारसहित तेस्रो स्थानमा छ ।

भारतका ओपनर लोकेश राहुल राम्रो लयमा छैनन् । उनको स्थानमा ऋषभ पन्तलाई खेलाउन माग उठ्दै आएको छ । दक्षिण अफ्रिकाविरुद्ध दीनेश कार्तिक घाइते भएका थिए । उनी फिट नहुँदा पन्त खेल्नेछन् ।

त्यस्तै भारतले रविचन्द्रन आश्विनको स्थानमा युजभेन्द्र चहललाई मौका दिनसक्छ । सूर्यकुमार यादव र विराट कोहली राम्रो लयमा छन् । यी दुई ब्याटर बंगलादेशलाई घातक बन्न सक्छन् । रोहित र हार्दिक पान्ड्याबाट राम्रो प्रदर्शन चाहन्छ ।

भारतका तीव्र गतिका अर्शदीपसिंहले लगातार उत्कृष्ट प्रदर्शन गर्दै आएका छन् । नयाँ बलमा बंगलादेशका ब्याटरलाई निराश बनाउन सक्छन् । उता मोहम्मद शामी र भुवनेश्वर कुमारले साथ दिनुपर्ने हुन्छ ।

यता बंगलादेशका तीव्र गतिका बलर तस्किन अहमद राम्रो लयमा छन् । उनी भारतीय ब्याटरलाई निराश बनाउन सक्छन् । कप्तान सकिब अल हसन, नाज्मुल हसन सान्टो र अफिफ हुसैनले राम्रो ब्याटिङ गर्दै आएका छन् । मध्यक्रम बंगलादेशको समस्याको रुपमा छ । महत्वपूर्ण खेलमा लिटन दास र सौम्य सरकारबाट महत्वपूर्ण प्रदर्शन चाहन्छ ।

हेड टु हेड :

भारत र बंगलादेशबीच ११ टि२० आई खेल भएका छन् । जसमा भारत १० र बंगलादेश एक खेलमा विजयी भएका छन् ।

अंक तालिका

सुपर १२ को समूह ए मा न्युजिल्यान्ड ४ खेलमा २ मा जित, १ मा हार र एक खेलमा अंक बाड्दै ५ अंकका साथ शीर्षस्थानमा छ । इंग्ल्यान्ड ४ खेलमा २ मा जित, १ मा हार र १ खेलमा अंक बाँड्दै ५ अंकका साथ दोस्रो स्थानमा छ ।

अष्ट्रेलिया ४ खेलमा २ मा जित, १ मा हार र १ खेलमा अंक बाँड्दै ५ अंकका साथ तेस्रो स्थानमा छ । यी तीन टोलीको नेटरनरेट क्रमश : प्लस २.२२३, प्लस ०.५४७ र माइनस ०.३०४ छ ।

श्रीलंका ४ खेलमा २ मा जित र २ मा हारसहित ४ अंकका साथ चौथो स्थानमा छ । आयरल्यान्ड ४ खेलमा २ मा हार र १ मा जितसहित ३ अंकका साथ पाँचौं स्थानमा छ । अफगानिस्तान ४ खेलमा २ मा जित र २ मा हासहित पुछारमा रहँदै बाहिरि सकेको छ ।

सुपर १२ को समूह बी मा ३ खेलमा २ मा जित र १ मा हारसहित ५ अंकका साथ शीर्षस्थानमा छ । भारत र बंगलादेशको समान ४–४ अंक भएपनि नेटरनरेटको कारण दोस्रो र तेस्रो स्थानमा छन् ।

जिम्बावे ३ खेलमा १ मा जित, १ मा हार र १ खेलमा अंक बाँड्दै चौथो स्थानमा छ । पाकिस्तान ३ खेलमा २ अंकका साथ पाँचौं र नेदरल्यान्ड्स अकं विहीन हुँदै बाहिरिएको छ ।