default_image

1 year ago

November 2, 2022

गण्डकीको लगातार दोस्रो जित

काठमाडौं (हाम्रो खेलकुद) – गण्डकी प्रदेशले प्रधानमन्त्री कप एकदिवसीय राष्ट्रिय प्रतियोगितामा कर्णाली प्रदेशलाई ३२ रनले हराउँदै लगातार दोस्रो जित हात पारेको छ । टियु क्रिकेट मैदानमा टस हारेर ब्याटिङको निम्तो पाएको गण्डकीले निर्धारित ५० ओभरमा ९ विकेट गुमाउँदै २ सय ८ रन बनायो । गण्डकीका अभिषेक बस्नेतले ४५ बलमा ८ चौका र १ छक्कासहित सर्वाधिक […]

184 views

0 Bookmark

काठमाडौं (हाम्रो खेलकुद) – गण्डकी प्रदेशले प्रधानमन्त्री कप एकदिवसीय राष्ट्रिय प्रतियोगितामा कर्णाली प्रदेशलाई ३२ रनले हराउँदै लगातार दोस्रो जित हात पारेको छ ।

टियु क्रिकेट मैदानमा टस हारेर ब्याटिङको निम्तो पाएको गण्डकीले निर्धारित ५० ओभरमा ९ विकेट गुमाउँदै २ सय ८ रन बनायो । गण्डकीका अभिषेक बस्नेतले ४५ बलमा ८ चौका र १ छक्कासहित सर्वाधिक ५१ रन बनाउँदै प्लेयर अफ द म्याच चुनिए । ओपनर अर्जुन कुमाल ८८ बलमा ४ चौकासहित ४९ रनमा आउट भए ।

विधान श्रेष्ठले १ सय ४ बलमा ६ चौकासहित ४६, समिर कंडेल ४, सन्दीप क्षेत्री ८, विपिन खत्री ३ र सुवास भण्डारीले १४ रन बनाए ।

कर्णालीका तीव्र गतिका बलर अनुज चनाराले ९ ओभरमा ५१ रन खर्चेर ४ विकेट लिए । प्रकाश जैशीले ९ ओभरमा ३७ रन खर्चेर ३ विकेट लिए । दीनेश अधिकारीले दुई विकेट लिए ।

जितको लागि २ सय ९ रनको विजयी लक्ष्य पछ्याएको कर्णाली ४७ ओभरमा १ सय ७६ रनमा अल आउट भयो । कर्णालीको लागि हिमान्शु शाहीले १ सय १६ बलमा ८ चौकासहित सर्वाधिक ६९ रनमा अविजित रहे । कप्तान रविन्द्रजंग शाहीले ८४ बलमा ५ चौकासहित ४२ रन बनाए । अन्य कुनैपनि ब्याटरले राम्रो प्रदर्शन गर्न सकेनन् ।

गण्डकीका सुवास भण्डारीले १० ओभरमा २ मेडनसहित २४ रन खर्चेर ३ विकेट लिए । चन्द्र पौडेलले १० ओभरमा ५४ रन खर्चेर ३ विकेट लिए । विपिन खत्रीले १० ओभरमा ४ मेडनसहित २६ रन खर्चेर २ विकेट लिए । कमल परियार र अभिषेक बस्नेतले एक एक विकेट लिए ।

गण्डकीले पहिलो खेलमा सुदूरपश्चिम प्रदेशलाई ६९ रनले हराएको थियो । गण्डकीले अव शुक्रबार एपिएफ र आइतबार आर्मीसँग मुलपानीमा खेल्नेछ । समूह ए मा एपिएफ २ खेलमा २ मा जितका साथ शीर्ष स्थानमा छ । समान खेल र नतिजाका साथ ४ अंक भएपनि नेटरनरेटको कारण गण्डकी दोस्रो स्थानमा छ ।

April 20, 2024

दिल्लीमाथि हैदरावादको सानदार जित

एजेन्सी – विष्फोटक ब्याटिङ प्रदर्शन सहित सनराईजर्स हैदरावादले इंडियन प्रिमियर लिग (आइपिएल) मा शनिबार दिल्ली क्यापिटल्स माथि फराकिलो जित दर्ता गरेको छ । हैदरावादले दिल्लीमाथि उसैको मैदानमा ६७ रनको सानदार जित निकालेको हो। टस हारेर पहिला ब्याटिङको निम्तो पाएको हैदरावादले उत्कृष्ट ब्याटिङ सहित २० ओभरमा ७ विकेट गुमाउँदै २ सय ६६ रनको विशाल योगफल खडा […]

April 20, 2024

नेपाललाई हराउँदै हङकङ इमर्जिङ एसिया कपमा छनोट

मस्कट (हाम्रो खेलकुद) – हङकङ ओमनमा जारी एसीसी प्रिमियर कपमा तेस्रो स्थान हासिल गर्दै इमर्जिङ टिम्स एसिया कपमा छनोट भएको छ । तेस्रो स्थानको लागि शनिबार भएको खेलमा नेपाल माथि ४ विकेटको जित निकाल्दै इमर्जीङ टिम्स एसिया कपमा छनोट भएको हो । नेपालले दिएको १ सय ४० रनको लक्ष्य पछ्याएको हङकङले लक्ष्य १९.३ ओभरमा ६ […]

April 20, 2024

दीपेन्द्रको ब्याटिङमा नेपालको प्रतिस्पर्धात्मक योगफल

मस्कट (हाम्रो खेलकुद) – एसिसि प्रिमियर कप अन्तर्गत हङकङ विरुद्ध तेस्रो स्थानको खेलमा नेपालले प्रतिस्पर्धात्मक योगफल खडा गरेको छ । पछिल्लो खेलमा खराब ब्याटिङ प्रदर्शन गरेको नेपालले आज निर्धारित २० ओभरमा ८ विकेट गुमाउँदै १३९ रन बनाएको हो ।  टस जितेर पहिला ब्याटिङ रोजेको नेपालका लागि दीपेन्द्र सिंह ऐरीले २९ बलमा ४ चौका र ३ […]

Success

Thank you for your time.