3 years ago
November 4, 2022
काठमाडौं (हाम्रो खेलकुद) – तीव्र गतिका बलर जितेन्द्र मुखिया र ओपनर अर्जुन साउदको उत्कृष्ट प्रदर्शनमा त्रिभुवन आर्मी क्लबले प्रधानमन्त्री कप एकदिवसीय राष्ट्रिय प्रतियोगितामा सुदूरपश्चिम प्रदेशमाथि १ सय ६९ रनको सानदार जित हात पारेको छ ।
जितको लागि २ सय ८३ रनको बलियो विजयी लक्ष्य पछ्याएको सुदूरपश्चिम २९.४ ओभरमा १ सय १३ रनमा अल आउट भयो । सुदूरका बसन्त खत्रीले ३७ बलमा २ चौका र १ छक्कासहित सर्वाधिक २५ रन बनाए । गजेन्द्र बोहरा शून्य, गजेन्द्र भण्डारी १७ र टेक रावल १५ रनमा आउट भए ।
भण्डारीले १८ बलमा ३ चौका र रावलले २३ बलमा १ चौका हाने । कप्तान राजु रिजाल २, विरेन्द्र नाथ शून्य, मिलन बोहरा १२ र बसन्त कार्कीले १४ रन बनाए । बसन्त कार्कीले १९ बलमा ३ चौका प्रहार गरे । नारायण जोशीले ४२ बलमा १ चौकासहित १९ रन बनाए ।
आर्मीका जितेन्द्र मुखियाले ६.४ ओभरमा १ मेडनसहित २३ रन खर्चेर ३ विकेट लिए । विक्रम सोब र साहब आलमले दुई दुई विकेट लिए । सोनु तामाङमाले १ ओभरमा १ मेडन राख्दै १ विकेट लिए । साहब आलमको नाममा एक विकेट रह्यो ।
त्यसअघि टियु क्रिकेट मैदानमा टस जितेर पहिला ब्याटिङ थालेको आर्मीले निर्धारित ५० ओभरमा ८ विकेट गुमाउँदै २ सय ८२ रन बनायो । आर्मीका ओपनर अर्जुन साउदले ७३ बलमा ६ चौका र २ छक्कासहित सर्वाधिक ७३ रन बनाए । रोहित पौडेलले ५३ बलमा ४ चौकासहित ५२ रन बनाए ।
तीव्र गतिका बलर हेमन्त धामीले पाँचौं ओभरको अन्तिम बलमा ओपनर हरि चौहानलाई ९ रनमा विरेन्द्रनाथबाट क्याच गराए । हरि एज लागेर फष्ट स्लिपमा क्याच आउट भएका थिए । दोस्रो विकेटका लागि भीम सार्की र अर्जुनले ९६ रनको साझेदारी गरेका थिए । भीम ६२ बलमा ३ चौकासहित ३४ रनमा मिलन बोहराको बलमा कट एण्ड बोल्ड आउट भए ।
अर्जुन गजेन्द्र बोहराको बलमा थर्ड म्यानमा सट खेल्न खोजेपनि प्वाइन्टमा गजेन्द्र भण्डारीबाट क्याच आउट भए । विनोद भण्डारी ३८ बलमा ३ चौकासहित २८ रनमा आउट भए । गजेन्द्रको बलमा ठूलो सट खेलेका विनोदलाई लङअफमा गजेन्द्र भण्डारीले लामौ दौडिएर उत्कृष्ट क्याच लिएका थिए ।
तल्लोक्रमका कुशल मल्लले २६ बलमा ५ छक्कासहित ४३ रन बनाए । सोनु तामाङ १२ बलमा २ चौकासहित १६ रनमा आउट भए । विक्रम सोब १५ र सुशन भारीले ५ रन भए । सुदूरका हेमन्त धामी, नारायण जोशी र गजेन्द्र बोहराले दुई दुई विकेट लिए । शेर मल्ल र मिलन बोहराले एक एक विकेट लिए
आर्मी पहिलो खेलमा एपिएफसँग ५६ रनले पराजित भएको थियो । आर्मीले अव आइतबार गण्डकीसँग मुलपानीमा खेल्नेछ । सुदूरको यो लगातार तेस्रो हार हो । यो हारसँगै सुदूर समूह ए बाट बाहिरिएको छ । सुदूरपहिलो खेलमा गण्डकीसँग ६९ रन र एपिएफसँग १० विकेटले पराजित भएको थियो । सुदूरले आफ्नो अन्तिम खेल सोमबार कर्णालीसँग मुलपानीमा खेल्नेछ ।
December 16, 2025
भुपेन्द्र जि.सी. नेपाल प्रिमियर लिग (एनपिएल) मा लिगबाटै बाहिरिने अवस्थामा पुगेको लुम्बिनी लायन्सलाई अप्रत्याशित पुनरागमनका साथ च्याम्पियन बनाउन स्पिनर शेर मल्लले गजबको प्रदर्शन गरे । एनपिएलमा १७ विकेट लिर्दै उदीयमान खेलाडी चुनिएका शेर विराटनगर किंग्सका कप्तान सन्दीप लामिछाने र सुदूरपश्चिम रोयल्सका तीव्र गतिका बलर अभिनाश बोहरासँग संयुक्त रुपमा सर्वाधिक विकेट लिने खेलाडी बने । पहिलो […]
December 16, 2025
काठमाडौं (हाम्रो खेलकुद)- लिग चरणमा संघर्ष गर्दै अघि बढेको लुम्बिनी लायन्सलाई सुरुमा नेपाल प्रिमियर लिग (एनपिएल) को दाबेदारका रूपमा हेरिएको थिएन। लिग चरणका ४ खेल सकिँदा मात्र २ अंक जोड्न सकेको लुम्बिनीमाथि प्रश्नचिन्ह खडा भइसकेको थियो। तर पाँचौँ खेलबाट जितको लय समातेपछि लुम्बिनीले पछाडि फर्केर हेर्नु परेन। शनिवार क्रिकेट मैदानबाट टियु रंगशालामा रूपान्तरण गरिएको फ्लडलाइटमा […]
December 15, 2025
काठमाडौं (हाम्रो खेलकुद)- लगातार दोस्रो हारसँगै नेपाली युवा टोली युएईमा जारी एसिसी यु १९ एसिया कपबाट बाहिरिएको छ । समूह चरणको आफ्नो दोस्रो खेलमा नेपालले बंगलादेशसँग ७ विकेटले हार बेहोरेको थियो। समूह लगातार दुई खेल हारेको अफगानिस्तान पनि प्रतियोगिताबाट बाहिरिएको छ। बंगलादेशले र श्रीलंका दुवै टोलीले नेपाल र अफगानिस्तानलाई हराएका छन्। आज नेपालले दिएको १ […]
