default_image

1 year ago

November 4, 2022

एपिएफ र गण्डकीको खेल ‘टाई’

काठमाडौं (हाम्रो खेलकुद) – गण्डकी प्रदेश र नेपाल एपिएफ क्लबबीच मुलपानी क्रिकेट मैदानमा भएको प्रधानमन्त्री कप राष्ट्रिय क्रिकेट प्रतियोगिता २०७९ अन्तर्गत समूह ए को खेल टाई भएको छ । एपिएफका स्पिनर मौसम ढकालले गण्डकीलाई जितका लागि १ रन आवश्यक परेको अवस्थामा अन्तिम विकेटका रुपमा कमल परियारलाई बोल्ड गरेपछि खेल टाई भएको हो । कमजोर लक्ष्य […]

77 views

0 Bookmark

काठमाडौं (हाम्रो खेलकुद) – गण्डकी प्रदेश र नेपाल एपिएफ क्लबबीच मुलपानी क्रिकेट मैदानमा भएको प्रधानमन्त्री कप राष्ट्रिय क्रिकेट प्रतियोगिता २०७९ अन्तर्गत समूह ए को खेल टाई भएको छ ।

एपिएफका स्पिनर मौसम ढकालले गण्डकीलाई जितका लागि १ रन आवश्यक परेको अवस्थामा अन्तिम विकेटका रुपमा कमल परियारलाई बोल्ड गरेपछि खेल टाई भएको हो । कमजोर लक्ष्य दिएको एपिएफका लागि बलरहरुले उत्कृष्ट प्रदर्शन गर्दै हार टारेका हुन् ।

एपिएफले प्रस्तुत गरेको १ सय १६ रनको लक्ष्य पछ्याउने क्रममा गण्डकीले पनि ३१ ओभरमा १ सय १५ रन मात्र जोड्न सक्यो । एक समय ४२-२ को स्थितिमा रहेको गण्डकीले नियमित विकेट गुमाउँदा सामान्य लक्ष्य पनि पूरा गर्न सकेन ।

गण्डकीका लागि अभिषेक बस्नेतले २४ तथा अर्जुन कुमालले १८ रनको योगदान दिए । अन्तिम विकेटको रुपमा बोल्ड भएका कमलले २५ बलमा १ चौकासहित ११ रनको योगदान दिए । गण्डकीले ओपनर समिर कँडेललाई ३ र बिधान श्रेष्ठलाई खाता नखोल्दै गुमाएको थियो । अभिषेक र अर्जुनले तेस्रो विकेटका लागि ३३ रनको साझेदारी गरेपनि त्यसपछि गण्डकी सम्हालिन सकेन ।

करण पंगेनी ४, अमृत गुरुङ ९ र सुवास भण्डारी ६ रनमा आउट भए । कप्तान विपिन खत्रीले नवौं विकेटको रुपमा आउट हुनुअघि २० बलमा ३ चौकासहित १७ रन जोडे । उनी आउट हुँदा गण्डकीलाई जित्न १४ रन आवश्यक थियो । कमलले त्यसपछि इनिङ सम्हालेपनि अन्तिम रन जोड्ने प्रयासमा बोल्ड हुन पुगे ।

एपिएफलाई खेलमा फर्काउन स्पिनर मौसम ढकाल र तीव्र गतिका बलर किशोर महतोले ४-४ विकेट लिएका थिए । स्पिनर भुवन कार्कीले पनि २ विकेट हात पारे ।

त्यसअघि टस हारेर पहिला ब्याटिङ थालेको एपिएफ ३५.१ ओभरमा १ सय १५ रनमा अलआउट भएको थियो । खेल ढिलो सुरु हुँदा ४३ ओभरमा घटाइएको थियो । एपिएफको लागि भुवन कार्कीले ५३ बलमा १ चौका र १ छक्कासहित सर्वाधिक २४ रनमा अविजित रहे ।

ओपनर प्रदीप ऐरी शून्य, आसिफ शेख एक, लोकेश बम २२, पुरन विक २३ र सन्दीप जोरा २२ रनमा आउट भए । सुमित महर्जन एक, शरद भेषवाकर ३ र अमरसिंह राउटेला १३ रनमा आउट भए ।

गण्डकीको लागि अर्जुन कुमालले ६ ओभरमा १ मेडनसहित १६ रन खर्चेर ३ विकेट लिए । अमृत गुरुङले ४.१ ओभरमा २ मेडनसहित ८ रन खर्चेर ३ विकेट लिए । सुवास भण्डारीले ९ ओभरमा ४ मेडनसहित १६ रन खर्चेर २ विकेट लिए । विपिन खत्री र चन्द्रकान्त पौडेलले एक एक विकेट लिएका थिए ।

यस नतिजासँगै प्रधानमन्त्री कपको सेमिफाइनल समीकरणमा पनि ठूलो प्रभाव पर्ने देखिन्छ । एपिएफ र गण्डकी दुवैले ३ खेलमा २ जित र १ टाइसहित ५-५ अंक जोडेका छन् । आर्मीले २ खेलमा १ जित र १ हारसँगै २ अंक जोडेको छ । आर्मीले आज नै सुदूरपश्चिमलाई १ सय ६९ रनको फराकिलो अन्तरले हराएको थियो । लगातार तेस्रो हार बेहोरेको सुदूरपश्चिम समूह चरणबाट नै बाहिरिएको छ । कर्णालीले पनि १ खेलमा जित हासिल गर्न सकेको छैन ।

April 14, 2024

अकिबको ह्याट्रिकमा ओमानले कम्बोडियालाई हरायो

मस्कट (हाम्रो खेलकुद) – अलराउन्डर अकिब इल्यासले ह्याट्रिक लिएपछि एसीसी मेन्स प्रिमियर कप २०२४ अन्तर्गत समूह बी को खेलमा आयोजक ओमानले कम्बोडियालाई ६३ रनले पराजित गरेको छ । अल अमेरत मैदानमा आइतबार वर्षाले खेलको सुरुवात प्रभावित भएपछि ११ ओभरमा घटाइएको थियो । कम्बोडियाले टस जितेर ओमानलाई पहिलो ब्याटिङको निम्तो दिने निर्णय सफल भने भएन । […]

April 14, 2024

राजस्थानसँग पन्जाबको हार

एजेन्सी – सामूहिक प्रदर्शन गर्दै राजस्थान रोयल्सले इन्डियन प्रिमियर लिग (आइपिएल) मा शनिबार जित निकालेको छ । राजस्थानले पन्जाब किङ्सलाई ३ विकेटले हराएको छ । एक सय ४८ रनको लक्ष्य पछएको राजस्थानले १९.५ ओभरमा ७ विकेटको क्षेतिमा १ सय ५२ रन जोड्दै जित दर्ता गरेको हो ।टोलीका लागि यसस्वी जैसवालले २८ बलमा सर्वाधिक ३९ रन, […]

April 14, 2024

टि ट्वान्टी विश्वकप– अमेरिकामा जर्सी प्रि अर्डर गर्न सकिने

टेक्सस (हाम्रो खेलकुद) – अमेरिका र वेष्ट इन्डिजमा संयुक्त रुपमा हुने आइसीसी टि ट्वान्टी विश्वकपका लागि नेपाल क्रिकेट संघ (क्यान) ले केहि दिन गत साता काठमाडौंमा नेपाली टोलीले लगाउने जर्सी सार्वजनिक गरेको थियो । जुनको १ देखि २९ सम्म हुने टि ट्वान्टीमा नेपाली टोलीले लगाउने जर्सीको अमेरिकी विक्रि अधिकार केल्मी नेपालले एक्जोबी यूएसएलाई दिएको छ […]

Success

Thank you for your time.