2 years ago
November 4, 2022
एजेन्सी – घरेलु टोली अष्ट्रेलियाले आइसिसी टि२० विश्वकपमा अफगानिस्तानमाथि चार रनको जित हात पारेको छ । अष्ट्रेलिया यो जितसँगै सेमिफाइनल खेल्ने सम्भावना कायमै राखेको छ । न्युजिल्यान्ड सुपर १२ बाट सेमिफाइनलमा पुगेको छ ।
जितको लागि १ सय ६९ रनको विजयी लक्ष्य पछ्याएको अफगानिस्तानले निर्धारित २० ओभरमा ७ विकेट गुमाउँदै १ सय ६४ रन बनायो । अफगानिस्तानका राशिद खानले २३ बलमा ३ चौका र ४ छक्कासहित सर्वाधिक ४८ रनमा अविजित रहे ।
गुलबदीन नाइबले २३ बलमा ३ चौका र २ छक्कासहित सर्वाधिक ३९ रन बनाए ।
ओपनर रहमानउल्लाह गुरबाज १७ बलमा २ चौका र २ छक्का हान्दै ३० रनमा आउट भए । उस्मान घानी र इब्राहिम जद्रान ३३ बलमा २ चौकासहित २६ रनमा आउट भए ।
अष्ट्रेलियाका जोश हेजलवुडले ४ ओभरमा ३३ रन खर्चेर २ विकेट लिए । एडम जाम्पा ४ ओभरमा २२ रन खर्चेर २ विकेट लिए ।
त्यसअघि पहिलो ब्याटिङको निम्तो पाएको अष्ट्रेलियाले निर्धारित २० ओभरमा ८ विकेटको क्षतिमा १ सय ६८ रन जोड्यो । अष्ट्रेलियाका लागि ग्लेन म्याक्सवेलले सर्वाधिक ५४ रनको योगदान दिए । उनले नटआउट रहँदै ३२ बलमा ६ चौका र २ छक्का प्रहार गरे ।
अष्ट्रेलियाले चोटका कारण नियमित कप्तान आरोन फिन्चलाई विश्राम दिएको थियो । उनको स्थानमा आएका ओपनर क्यामरन ग्रीन २ बलमा ३ रन जोड्दै क्याचआउट भए । डेविड वार्नरले आक्रामक ब्याटिङ गरेपनि उनी २५ रनमा पेभेलियन फर्किए । १८ बलमा ५ चौका प्रहार गरेका वार्नर स्विच हिट प्रहार गर्ने धुनमा नविन उल हकबाट बोल्ड भएका थिए ।
नविनले फ्याँकेको छैटौं ओभरकै अन्तिम बलमा स्टिभ स्मिथ पनि ४ रन जोड्दै एल्बिडब्लु धरापमा परे । अष्ट्रेलियाले पावरप्लेमा ५२ रन जोड्दै ३ विकेट गुमाएको थियो ।
मिचेल मार्श ३० बलमा ३ चौका र २ छक्कसहित ४५ रन जोड्दै मुजिब उर रहमानको बलमा कट बिहाइन्ड भए । मार्श ११ औं ओभरमा आउट हुँदा अष्ट्रेलियाले ८६ रन जोडेको थियो । मार्कस स्टोइनिस र ग्लेन म्याक्सवेलले पाँचौ विकेटका लागि ५३ रनको साझेदारी गर्दै इनिङ अघि बढाए । स्टोइनिस १६ औं ओभरमा रशिद खानको बलमा आउट भए । उनले २१ बलमा २ छक्कासहित २५ रन जोडे ।
कार्यवाहक कप्तान म्याथ्यु वेड ८ बलमा ६ रन जोड्दै फारुकीको बलमा बोल्ड भए । प्याट कमिन्सले खाता खोल्न नसक्दा केन रिचर्डसन १ रनमा रनआउट भए । एडम जाम्पा १ रनमा नटआउट रहे ।
सुपर १२ को समूह ए बाट न्युजिल्यान्ड सेमिफाइनलमा पुगेको छ । न्युजिल्यान्ड ५ खेलमा ७ अंकका साथ सेमिफाइनलमा पुग्ने पहिलो टोली बनेको हो । अव शनिबार इंग्ल्यान्डले श्रीलंकासँग खेल्नेछ । उक्त खेलमा इंग्ल्यान्ड विजयी हुँदा अष्ट्रेलिया स्वत बाहिरिने छ ।
इंग्ल्यान्ड पराजित भएमा भने अष्ट्रेलिया सेमिफाइनल खेल्नेछ । अष्ट्रेलिया ५ खेलमा ७ अंकका साथ दोस्रो स्थानमा छ । तर अष्ट्रेलियाको नेटरनरेट माइनस ०.१७३ छ । इंग्ल्यान्डको ४ खेलमा ५ अंक छ । इंग्ल्यान्डको नेटरनरेट प्लस ०.४५७ छ । यो अवस्थामा इंग्ल्यान्डलाई जित सेमिफाइनलमा पुग्न पर्याप्त बन्नेछ ।
July 26, 2024
एजेन्सी – आयोजक श्रीलंका एसिसी महिला एसिया कपको उपाधि नजिक पुगेको छ । शुक्रबार भएको दोस्रो सेमिफाइनलमा पाकिस्तानलाई ३ विकेटले पराजित गर्दै घरेलु टोली फाइनलमा पुगेको हो । पाकिस्तानले दिएको १ सय ४१ रनको लक्ष्य श्रीलंकाले ७ विकेट गुमाइ १९.५ ओभरमा पूरा गर्यो । कप्तान चमारी अथापथ्थुले ४८ बलमा ९ चौका र २ छक्काको सहयोगमा […]
July 26, 2024
एजेन्सी – भारत एसिसी महिला एसिया कपको उपाधि नजिक पुगेको छ। श्रीलंकामा जारी एसिया कपको शुक्रबार भएको पहिलो सेमिफाइनलमा बंगालदेशलाई १० विकेटले पराजित गर्दै भारत फाइनलमा पुगेको हो। ८१ रनको लक्ष्य भारतले कुनै विकेट नगुमाइ ११ ओभरमा पूरा गर्यो। स्मृति मन्धनाले नटआउट ५५ रन र शफली बर्माले नटआउट २६ रन बनाइन् । स्मृतिले ३९ बलमा […]
July 26, 2024
एजेन्सी – नेपाली लेग स्पिनर सन्दीप लामिछाने सम्मिलित भ्यानकुभर नाइट्स टि ट्वान्टी क्यान्डा क्रिकेट लिगमा पराजित भएको छ । टोरन्टो नेसनल्ससँग भ्यानकुभर नाइट्स ८ विकेटले पराजित भएको हो। भ्यानकुभरले दिएको १ सय ११ रनको लक्ष्य टोरन्टोले १४.४ ओभरमा २ विकेट गुमाउँदै पूरा गर्यो। टोरन्टोका कप्तान कोलिन मुनरोले ३९ बलमा ३ छक्का र त्यत्तिनै चौकाको मद्दतमा सर्वाधिक […]