default_image

1 year ago

November 6, 2022

भारत समूह विजेता बन्दै सेमिफाइनलमा

एजेन्सी – उपाधि दावेदार भारत समूह २ को विजेता बन्दै आइसिसी टि२० विश्वकपको सेमिफाइनलमा प्रवेश गरेको छ । आइतबार सुपर १२ को अन्तिम खेलमा जिम्बावेमाथि सहज जित दर्ता गर्दै भारत समूहको शीर्षस्थानमा रहेर अन्तिम ४ मा स्थान बनाउन सफल भएको हो । भारतले जिम्बावेलाई ७१ रनले पराजित गर्दै समूह चरणको चौथो जितका साथ सहजै अघि […]

121 views

0 Bookmark

एजेन्सी – उपाधि दावेदार भारत समूह २ को विजेता बन्दै आइसिसी टि२० विश्वकपको सेमिफाइनलमा प्रवेश गरेको छ । आइतबार सुपर १२ को अन्तिम खेलमा जिम्बावेमाथि सहज जित दर्ता गर्दै भारत समूहको शीर्षस्थानमा रहेर अन्तिम ४ मा स्थान बनाउन सफल भएको हो ।

भारतले जिम्बावेलाई ७१ रनले पराजित गर्दै समूह चरणको चौथो जितका साथ सहजै अघि बढ्यो । भारतले समूहमा ४ जितसहित ८ अंक जोड्यो । पाकिस्तान ३ जितका साथ ६ अंक जोड्दै उपविजेताको हैसियतले सेमिफाइनलमा पुग्यो । दक्षिण अफ्रिका ५ अंक जोड्दै समूह चरणबाट बाहिरियो । नेदरल्यान्ड्स र बंगलादेश ४-४ अंकका साथ चौथो र पाँचौ हुँदा जिम्बावे ३ अंकसहित पुछारमा रहयो ।

मेलबर्न क्रिकेट मैदानमा भारतले प्रस्तुत गरेको १ सय ८७ रनको लक्ष्य पछ्याउने क्रममा जिम्बावे १८ औं ओभरमा मात्र १ सय १६ रनमा समेटियो । जिम्बावेका लागि अनुभवी अलराउन्डर सिकन्दर राजाले राम्रो प्रदर्शन गरेपनि टोलीलाई सम्मानजनक स्थानमा पुर्याउन सकेनन् । राजाले मध्यक्रममा २४ बलको सामना गर्दै ३ चौकासहित ३४ रन जोडे ।

रायन बर्लले २२ बलमा ३५ रनको योगदान दिए । उनले ५ चौका र १ छक्का प्रहार गरेका थिए । एक समय ३६-५ को दयनीय स्थितिमा पुगेको जिम्बावेलाई बर्ल र राजाले उकासेका थिए । छैटौं विकेटका लागि यी दुईले ६० रनको साझेदारी गरेका थिए । जिम्बावेका वेस्ली मधेभेर (०), क्रेज अर्भाइन (१३), रेगिस चकभा (११) र टोनी मुन्योङ्गा (५) ले राम्रो सुरुवात दिलाउन सकेनन् ।

तल्लोक्रममा वेलिंगटन मसकजा (१), रिचार्ड नाग्रभा (१) र तेन्दाई चताराले ४ रन जोडे । भारतका रवी आश्विनले ३, मोहमद शामी र हार्दिक पान्ड्याले २-२ तथा भुवनेश्वर कुमार, अर्शदिप सिंह र अक्सर पटेलले १-१ विकेट लिए ।

त्यसअघि ओपनर लोकेश राहुल र सूर्य कुमार यादवको उत्कृष्ट ब्याटिङमा भारतले आइसिसी टि२० विश्वकपमा जिम्बावेलाई १ सय ८७ रनको लक्ष्य दिएको थियो । मेलबर्न क्रिकेट मैदानमा टस जितेर पहिला ब्याटिङ थालेको भारतले निर्धारित २० ओभरमा ५ विकेट गुमाउँदै १ सय ८६ रन बनाएको थियो ।

भारतका लोकेश राहुलले ३५ बलमा ३ चौका र ३ छक्कासहित ५१ रनमा आउट भए । सूर्यकुमार यादवले २५ बलमा ६ चौका र ४ छक्कासहित ६१ रनमा अविजित रहे ।

कप्तान रोहित शर्मा १३ बलमा २ चौकासहित १५ रनमा आउट भए । विराट कोहली २५ बलमा २ चौकासहित २६ रनमा आउट भए । ऋषभ पन्त ३ र हार्दिक पान्ड्या १८ रनमा आउट भए । हार्दिकले १८ बलमा २ चौका हाने ।

जिम्बावेका सेन विलियम्सले २ ओभरमा ९ रन खर्चेर २ विकेट लिए । रिचर्ड न्गारावा, ब्लेसिङ मुर्जाबानी र सिकन्दर राजाले एक एक विकेट लिए ।

April 19, 2024

नेपाललाई हराउँदै यूएई प्रिमियर कपको फाइनलमा

मस्कट (हाम्रो खेलकुद) – साविक विजेता नेपाललाई पराजित गर्दै यूएई एसीसी मेन्स प्रिमियर कप २०२४ को फाइनलमा प्रवेश गरेको छ । अल अमेरतस्थित ओमान क्रिकेट एकेडेमीको मैदानमा नेपाललाई ६ विकेटले पराजित गर्दै यूएईले उपाधि भिडन्तमा स्थान पक्का गरेको हो । नेपालले प्रस्तुत गरेको १ सय २० रनको सामान्य लक्ष्य यूएईले ओभरमा ४ विकेटको क्षतिमा १८ […]

April 19, 2024

बागमती प्रदेशको दोस्रो जित

काठमाडौं (हाम्रो खेलकुद) – वीर गणेशमान सिंह राष्ट्रिय टी-ट्वान्टी च्याम्पिनसिपमा बागमती प्रदेशले दोस्रो जित निकालेको छ। आज भएको खेलमा कोशी प्रदेशलाई ७ रनको झिनो अन्तरमा हराउँदै बागमतीले ४ अंक बनाएको छ। माथिल्लो मुलपानी मैदानमा जितको लागि १ सय ३९ रनको सामान्य लक्ष्य पछ्याएको कोशी प्रदेश २० ओभरमा अल आउट हुँदै १ सय ३१ रनमा समेटियो। […]

April 19, 2024

फाइनल पुग्न यूएईलाई नेपालको सामान्य लक्ष्य

मस्कट (हाम्रो खेलकुद) – एसीसी मेन्स प्रिमियर कप २०२४ अन्तर्गत नेपालले पहिलो सेमिफाइनलमा यूएईलाई १ सय २० रनको सामान्य लक्ष्य दिएको छ । अल अमेरतस्थित ओमान क्रिकेट एकेडेमीको मैदानमा नेपालले टस हारेपछि ब्याटिङको निम्तो पाएको थियो । शीर्षक्रमले संघर्ष गर्दा नेपालले तल्लोक्रमका ब्याटरको सहयोगमा २० ओभरमा ९ विकेट गुमाएर १ सय १९ रन जोड्यो । […]

Success

Thank you for your time.