default_image

1 year ago

November 8, 2022

तीन अर्धशतकमा मधेशलाई पुलिसको बलियो लक्ष्य

काठमाडौं (हाम्रो खेलकुद) – सुरुवात कमजोर रहेपनि तीन खेलाडीले अर्धशतक प्रहार गरेपछि नेपाल पुलिस क्लबले प्रधानमन्त्री कप एकदिवसीय राष्ट्रिय प्रतियोगितामा मधेश प्रदेशलाई २ सय ७४ रनको बलियो लक्ष्य दिएको छ । टियु क्रिकेट मैदानमा टस जितेर पहिला ब्याटिङ थालेको पुलिस ४९.१ ओभरमा २ सय ७३ रनमा अल आउट भयो । पुलिसका उपकप्तान आरिफ शेखले ८६ […]

73 views

0 Bookmark

काठमाडौं (हाम्रो खेलकुद) – सुरुवात कमजोर रहेपनि तीन खेलाडीले अर्धशतक प्रहार गरेपछि नेपाल पुलिस क्लबले प्रधानमन्त्री कप एकदिवसीय राष्ट्रिय प्रतियोगितामा मधेश प्रदेशलाई २ सय ७४ रनको बलियो लक्ष्य दिएको छ ।

टियु क्रिकेट मैदानमा टस जितेर पहिला ब्याटिङ थालेको पुलिस ४९.१ ओभरमा २ सय ७३ रनमा अल आउट भयो । पुलिसका उपकप्तान आरिफ शेखले ८६ बलमा ८ चौका र १ छक्कासहित सर्वाधिक ७३ रनको योगदान दिए ।

कप्तान दीपेन्द्रसिंह ऐरी ४३ बलमा ३ चौका र १ छक्कासहित ५१ रन बनाउँदै आउट भए । तेस्रो नम्बरका ब्याटर अमित श्रेष्ठले ९६ बलमा ९ चौकासहित ६५ रन बनाए ।

पुलिसको सुरुवात राम्रो हुन सकेन । तीव्र गतिका बलर राजेश यादवले दोस्रो ओभरको चौथो बलमा ओपनर सुनिल धमलालाई ११ रनमा क्याच गराए । अर्का तीव्र गतिका बलर रुपेश सिंहले कुशल भुर्तेललाई विकेटकिपर अनिल शाहबाट पाँच रनमा क्याच गराए ।

विशाल पटेलको बलमा योगेन्द्रसिंह कार्की फष्ट स्लिपमा शून्यमा क्याच भएपछि पुलिस ४५–३ को अवस्थामा पुगेको थियो । तर चौथो विकेटका लागि आरिफ शेख र अमित श्रेष्ठले ९० रनको साझेदारी गर्दै खेलमा फर्काएका थिए ।

अमित स्पिनर हरिशंकर शाहको बलमा बोल्ड हुन पुगे । अफ साइडको अपेक्षा गरेपनि इन स्विंग हुँदै बोल्ड भएका थिए । तल्लोक्रमका दीलिप नाथ ३१ बलमा १ चौका र ३ छक्कासहित ४०, राशिद खान ४, करण केसी र सागर ढकाल १–१ रनमा आउट भए ।

मधेशका राजेश यादवले ७.१ ओभरमा ४७ रन खर्चेर ३ विकेट लिए । रुपेश सिंहले ९ ओभरमा १ मेडनसहित ४९ रन खर्चेर ३ विकेट लिए । मोहम्मद आदिल आलमले १० ओभरमा २ मेडनसहित ६९ रन खर्चेर २ विकेट लिए । हरिशंकर शाहले १० ओभरमा ६० रन खर्चेर १ विकेट लिए ।

पुलिस र मधेश दुबै सेमिफाइनलमा पुगेका छन् । यस खेलको नतिजाले समूह विजेता र उपविजेता निर्धारण गर्नेछ । उता मुलपानीमा आर्मी र कर्णालीबीचको खेल जारी छ । आर्मी विजयी हुँदा सेमिफाइनलमा पुग्नेछ । कर्णाली विजयी हुँदा गण्डकी सेमिफाइनलमा पुग्ने समिकरण छ ।

April 19, 2024

नेपाललाई हराउँदै यूएई प्रिमियर कपको फाइनलमा

मस्कट (हाम्रो खेलकुद) – साविक विजेता नेपाललाई पराजित गर्दै यूएई एसीसी मेन्स प्रिमियर कप २०२४ को फाइनलमा प्रवेश गरेको छ । अल अमेरतस्थित ओमान क्रिकेट एकेडेमीको मैदानमा नेपाललाई ६ विकेटले पराजित गर्दै यूएईले उपाधि भिडन्तमा स्थान पक्का गरेको हो । नेपालले प्रस्तुत गरेको १ सय २० रनको सामान्य लक्ष्य यूएईले ओभरमा ४ विकेटको क्षतिमा १८ […]

April 19, 2024

बागमती प्रदेशको दोस्रो जित

काठमाडौं (हाम्रो खेलकुद) – वीर गणेशमान सिंह राष्ट्रिय टी-ट्वान्टी च्याम्पिनसिपमा बागमती प्रदेशले दोस्रो जित निकालेको छ। आज भएको खेलमा कोशी प्रदेशलाई ७ रनको झिनो अन्तरमा हराउँदै बागमतीले ४ अंक बनाएको छ। माथिल्लो मुलपानी मैदानमा जितको लागि १ सय ३९ रनको सामान्य लक्ष्य पछ्याएको कोशी प्रदेश २० ओभरमा अल आउट हुँदै १ सय ३१ रनमा समेटियो। […]

April 19, 2024

फाइनल पुग्न यूएईलाई नेपालको सामान्य लक्ष्य

मस्कट (हाम्रो खेलकुद) – एसीसी मेन्स प्रिमियर कप २०२४ अन्तर्गत नेपालले पहिलो सेमिफाइनलमा यूएईलाई १ सय २० रनको सामान्य लक्ष्य दिएको छ । अल अमेरतस्थित ओमान क्रिकेट एकेडेमीको मैदानमा नेपालले टस हारेपछि ब्याटिङको निम्तो पाएको थियो । शीर्षक्रमले संघर्ष गर्दा नेपालले तल्लोक्रमका ब्याटरको सहयोगमा २० ओभरमा ९ विकेट गुमाएर १ सय १९ रन जोड्यो । […]

Success

Thank you for your time.