default_image

1 year ago

November 8, 2022

कुशल भुर्तेलको घातक पाँच विकेटमा पुलिसको विशाल जित

काठमाडौं( हाम्रो खेलकुद) – लेग स्पिनर कुशल भुर्तेलले घातक बलिङ गर्दै पाँच विकेट लिएपछि नेपाल पुलिस क्लबले प्रधानमन्त्री कप एकदिवसीय राष्ट्रिय प्रतियोगितामा मधेश प्रदेशलाई १ सय ९१ रनको फराकिलो अन्तरले पराजित गरेको छ । योसँगै पुलिस समूह बी बाट विजेता र मधेश उपविजेता हुँदै सेमिफाइनलमा पुगेका छन् । जितको लागि २ सय ७४ रनको बलियो […]

95 views

0 Bookmark

काठमाडौं( हाम्रो खेलकुद) – लेग स्पिनर कुशल भुर्तेलले घातक बलिङ गर्दै पाँच विकेट लिएपछि नेपाल पुलिस क्लबले प्रधानमन्त्री कप एकदिवसीय राष्ट्रिय प्रतियोगितामा मधेश प्रदेशलाई १ सय ९१ रनको फराकिलो अन्तरले पराजित गरेको छ । योसँगै पुलिस समूह बी बाट विजेता र मधेश उपविजेता हुँदै सेमिफाइनलमा पुगेका छन् ।

जितको लागि २ सय ७४ रनको बलियो लक्ष्य पछ्याएको मधेश २९.३ ओभरमा ८२ रनमा अल आउट भयो । मधेशका लागि आदिल आलम अन्सारीले ७६ बलमा ३ चौका र ३ छक्कासहित सर्वाधिक ४२ रन बनाए । सुरुवाती ५९ बलमा ९ रन मात्रै जोडेका आदिलले बाँकी १७ बलमा ३३ रन जोडेका थिए । आदिललाई बोल्ड गर्दै कुशलले पहिलो पटक आफ्नो करिअरमा पाँच विकेट लिन सफल भए ।

रतन रौनकले ३० बलमा १ चौकासहित ११ रन बनाए । कप्तान हरिशंकर शाह १८ बलमा १ चौकासहित १० रनमा आउट भए । तीव्र गतिका बलर राशिद खानले सन्तोष कार्कीलाई ३ रनमा ललितनारायण राजवंशीबाट क्याच भए । त्यसपछि मधेशले लगातार विकेट गुमायो ।

राशिद खानले कप्तान हरिशंकर शाहलाई एलबीडब्लू आउट गरे । करण केसीले अनिल शाहलाई ५ रनमा एलबीडब्लू आउट गरे । रोहन विक करण कै बलमा शून्यमा क्याच भए । करणले विवेक यादवलाई एक रनमा बोल्ड गरेपछि मधेश २३–५ को दयनीय अवस्थामा पुगेको थियो ।

त्यसपछि चोभार एण्डबाट आएका पार्टटाइम लेग स्पिनर कुशल भुर्तेलले मधेशको ब्याटिङ धरासयी बनाए । बाँकी पाँच विकेट कुशलले लिए । कुशलले रतन रौनकलाई एलबीडब्लू आउट गर्दै पहिलो विकेट लिए । रतन आउट हुँदा मधेश ४०–६ को अवस्थामा थियो । राजेश यादवलाई मिड अनमा क्याच गराउँदै ह्याट्रिक नजिक पुगेका थिए । तर ह्याट्रिक बल उनले अफ स्टम्प बाहिर फ्याँलेका थिए ।

रुपेश सिंहलाई शून्यमा कुशलले बोल्ड गरे । प्रदीप पासवानलाई एलबीडब्लू आउट गदै ब्यक्तिगत चार विकेट पूरा गरेका थिए । आदिल खानले ६० बलमा पहिलो बाउन्ड्री प्रहार गरेका थिए । आदिलले एक समय ५९ बलमा ९ रन बनाएका थिए । दीपेन्द्रसिंह ऐरीलाई लङमा सानदार छक्का हानेका थिए । त्यसपछि लगातार दुई चौका हाने ।

नेपाल पुलिस क्लबका कुशल भुर्तेलले ८.३ ओभरमा २ मेडनसहित २२ रन खर्चेर ५ विकेट लिए । करण केसीले ७ ओभरमा १ मेडनसहित १९ रन खर्चेर ३ विकेट लिए । राशिद खानले ६ ओभरमा १५ रन खर्चेर २ विकेट लिए ।

त्यसअघि टियु क्रिकेट मैदानमा टस जितेर पहिला ब्याटिङ थालेको पुलिस ४९.१ ओभरमा २ सय ७३ रनमा अल आउट भयो । पुलिसका उपकप्तान आरिफ शेखले ८६ बलमा ८ चौका र १ छक्कासहित सर्वाधिक ७३ रनको योगदान दिए ।

कप्तान दीपेन्द्रसिंह ऐरी ४३ बलमा ३ चौका र १ छक्कासहित ५१ रन बनाउँदै आउट भए । तेस्रो नम्बरका ब्याटर अमित श्रेष्ठले ९६ बलमा ९ चौकासहित ६५ रन बनाए ।

पुलिसको सुरुवात राम्रो हुन सकेन । तीव्र गतिका बलर राजेश यादवले दोस्रो ओभरको चौथो बलमा ओपनर सुनिल धमलालाई ११ रनमा क्याच गराए । अर्का तीव्र गतिका बलर रुपेश सिंहले कुशल भुर्तेललाई विकेटकिपर अनिल शाहबाट पाँच रनमा क्याच गराए ।

विशाल पटेलको बलमा योगेन्द्रसिंह कार्की फष्ट स्लिपमा शून्यमा क्याच भएपछि पुलिस ४५–३ को अवस्थामा पुगेको थियो । तर चौथो विकेटका लागि आरिफ शेख र अमित श्रेष्ठले ९० रनको साझेदारी गर्दै खेलमा फर्काएका थिए ।

अमित स्पिनर हरिशंकर शाहको बलमा बोल्ड हुन पुगे । अफ साइडको अपेक्षा गरेपनि इन स्विंग हुँदै बोल्ड भएका थिए । तल्लोक्रमका दीलिप नाथ ३१ बलमा १ चौका र ३ छक्कासहित ४०, राशिद खान ४, करण केसी र सागर ढकाल १–१ रनमा आउट भए ।

मधेशका राजेश यादवले ७.१ ओभरमा ४७ रन खर्चेर ३ विकेट लिए । रुपेश सिंहले ९ ओभरमा १ मेडनसहित ४९ रन खर्चेर ३ विकेट लिए । मोहम्मद आदिल आलमले १० ओभरमा २ मेडनसहित ६९ रन खर्चेर २ विकेट लिए । हरिशंकर शाहले १० ओभरमा ६० रन खर्चेर १ विकेट लिए ।

पुलिसले पहिलो खेलमा बागमती प्रदेशलाई १ सय ९२ रनले पराजित गरेको थियो । दोस्रो खेलमा प्रदेश एकलाई ७ विकेट र लुम्बिनी प्रदेशलाई ६ विकेटले हराएको थियो । पुलिस ४ खेलमा ८ अंकका साथ समूह बी मा शीर्ष स्थानमा रह्यो । मधेश ४ खेलमा २ मा जित, एक टाई र एक हारसहित ५ अंकका साथ दोस्रो स्थानमा रह्यो ।

पुलिसले समूह ए को उपविजेतासँग खेल्नेछ । समूह ए को सेमिफाइनल कर्णाली र आर्मीको खेलले निर्धारण गर्नेछ । एपिएफ ४ खेलमा ७ अंकका साथ शीर्ष स्थानमा छ । यदि आर्मी विजयी भएमा उपविजेता बन्नेछ । आर्मी पराजित भएमा गण्डकी उपविजेता बन्दै सेमिफाइनलमा पुग्नेछ ।

मधेशले एपिएफसँग सेमिफाइनल खेल्नेछ । पहिलो सेमिफाइनलमा बिहीबार मधेश र एपिएफबीच टियुमा खेल हुनेछ । दोस्रो सेमिफाइनलमा पुलिस र समूह बी को उपविजेतासँग खेल्नेछ । फाइनल शनिबार हुनेछ ।

April 20, 2024

नेपाललाई हराउँदै हङकङ इमर्जिङ एसिया कपमा छनोट

मस्कट (हाम्रो खेलकुद) – हङकङ ओमनमा जारी एसीसी प्रिमियर कपमा तेस्रो स्थान हासिल गर्दै इमर्जिङ टिम्स एसिया कपमा छनोट भएको छ । तेस्रो स्थानको लागि शनिबार भएको खेलमा नेपाल माथि ४ विकेटको जित निकाल्दै इमर्जीङ टिम्स एसिया कपमा छनोट भएको हो । नेपालले दिएको १ सय ४० रनको लक्ष्य पछ्याएको हङकङले लक्ष्य १९.३ ओभरमा ६ […]

April 20, 2024

दीपेन्द्रको ब्याटिङमा नेपालको प्रतिस्पर्धात्मक योगफल

मस्कट (हाम्रो खेलकुद) – एसिसि प्रिमियर कप अन्तर्गत हङकङ विरुद्ध तेस्रो स्थानको खेलमा नेपालले प्रतिस्पर्धात्मक योगफल खडा गरेको छ । पछिल्लो खेलमा खराब ब्याटिङ प्रदर्शन गरेको नेपालले आज निर्धारित २० ओभरमा ८ विकेट गुमाउँदै १३९ रन बनाएको हो ।  टस जितेर पहिला ब्याटिङ रोजेको नेपालका लागि दीपेन्द्र सिंह ऐरीले २९ बलमा ४ चौका र ३ […]

April 20, 2024

लुम्बिनी तेस्रो जितसहित शीर्षस्थानमा कायम

काठमाडौं (हाम्रो खेलकुद) – वीर गणेशमान सिंह राष्ट्रिय टी-ट्वान्टी च्याम्पिनसिपमा शनिबार लुम्बिनी प्रदेशले कोशी प्रदेशलाई ५० रनले हराएको छ। लुम्बिनीको यो तेस्रो जित हो र ६ अंक सहित अंक तालिकाको शीर्षस्थानमा रहेको छ। लुम्बिनीको जितमा कप्तान देव खनालले ४५ रन बनाए। जितको लागि १ सय ३९ रनको मध्यम लक्ष्य पछाएको कोशी प्रदेश १९.४ ओभरमा मात्र […]

Success

Thank you for your time.