default_image

1 year ago

November 8, 2022

भाग्यमानी पाकिस्तान १३ वर्षपछि फाइनल पुग्ने सोचमा

एजेन्सी – आइसिसी टि२० विश्वकपको पहिलो सेमिफाइनलमा बुधबार पाकिस्तान र न्युजिल्यान्डबीच प्रतिस्पर्धा हुँँदैछ । खेल नेपाली समय अनुसार दिउँसो १:४५ मा सिड्नी क्रिकेट मैदानमा सुरु हुनेछ । पाकिस्तान १३ वर्षपछि टि२० विश्वकपको फाइनलमा पुग्ने सोचका साथ मैदान उत्रनेछ । पाकिस्तान जारी विश्वकपको सबैभन्दा भाग्यशाली टोली बन्यो । सुरुवाती दुई खेलमा भारतसँग चार विकेट र जिम्बावेसँग […]

93 views

0 Bookmark

एजेन्सी – आइसिसी टि२० विश्वकपको पहिलो सेमिफाइनलमा बुधबार पाकिस्तान र न्युजिल्यान्डबीच प्रतिस्पर्धा हुँँदैछ । खेल नेपाली समय अनुसार दिउँसो १:४५ मा सिड्नी क्रिकेट मैदानमा सुरु हुनेछ ।

पाकिस्तान १३ वर्षपछि टि२० विश्वकपको फाइनलमा पुग्ने सोचका साथ मैदान उत्रनेछ । पाकिस्तान जारी विश्वकपको सबैभन्दा भाग्यशाली टोली बन्यो । सुरुवाती दुई खेलमा भारतसँग चार विकेट र जिम्बावेसँग एक रनले पराजित भएपछि पाकिस्तानको सेमिफाइनल सम्भावना लगभग सकिएको थियो । तर अन्तिम खेलमा दक्षिण अफ्रिका नेदरल्यान्ड्ससँग १३ रनले स्तब्ध भएपछि पाकिस्तान नाटकीय रुपमा सेमिफाइनलमा पुगेको हो ।

निकै भाग्यमानी मानिएको पाकिस्तान सन् २००९ को विश्वकपपछि पहिलो पटक फाइनल खेल्ने सोचमा हुनेछ । पाकिस्तानले २००९ को विश्वकपमा श्रीलंकालाई ८ विकेटले हराउँदै विश्वकप जितेको थियो । त्यसपछि पाकिस्तान फाइनलमा पुग्न सकेको छैन ।

पहिलो संस्करण २००७ को विश्वकपमा पाकिस्तान फाइनलमा भारतसँग पाँच रनले पराजित भएको थियो । पाकिस्तानले १९९२ को एकदिवसिय विश्वकप उपाधि जित्दा सेमिफाइनलमा न्युजिल्यान्डलाई नै ४ विकेटले हराउँदै फाइनलमा स्थान बनाएको थियो ।

२०१० को टि२० विश्वकपको सेमिफाइनलमा पाकिस्तान अष्ट्रेलियासँग तीन विकेटले पराजित भएको थियो । गतवर्ष विश्वकपमा पाकिस्तान सेमिफाइनलमा अष्ट्रेलियासँग ५ विकेटले पराजित हुँदै बाहिरिएको थियो ।

पाकिस्तान महत्त्वपूर्ण खेलमा कप्तान बाबर आजम र मोहम्मद रिजवानबाट उत्कृष्ट प्रदर्शन चाहन्छ । यी दुई ब्याटर पाकिस्तानका प्रमुख हतियार हुन् । यस विश्वकपमा भने दुवैले सोचेजस्तो प्रदर्शन गर्न सकेका छैनन् । पाकिस्तानले पाएको यो अवसर बाबर र रिजवानका लागि पनि फलदायी सावित हुन सक्छ ।

मध्यक्रमका तीन ब्याटर मोहम्मद हरिस, इफ्तिखार अहमद र शान मसुदको प्रदर्शन महत्वपूर्ण हुनेछ । भारतविरुद्ध अर्धशतक हानेका इफ्तिखार र मसुदबाट मध्यक्रममा भरपर्दो ब्याटिङ चाहन्छ । इफ्तिखारले भारत र दक्षिण अफ्रिकाविरुद्ध सानदार ब्याटिङ गरेका थिए । उनी न्युजिल्यान्डलाई घातक बन्नसक्छन् ।

यता शादब खानले दक्षिण अफ्रिकाविरुद्ध २० बलमै अर्धशतक हानेका थिए । पाकिस्तान शादब र मोहम्मद नवाजबाट राम्रो अन्त्य चाहन्छ । पाकिस्तानको मध्यक्रम प्रमुख समस्या हो । तर यस विश्वकपमा मध्यक्रम भन्दा ओपनरको प्रदर्शन ठूलो चिन्ताको विषय बनेको छ ।

पाकिस्तानको तीव्र गतिको बलिङ आक्रामण उत्कृष्ट छ । शाहिन शाह अफ्रिदी, हरिस रौफ, नसिम शाह र मोहम्मद वासिम जुनियर छन् । अफ्रिदीले बंगलादेशविरुद्ध चार विकेट लिँदै लयमा फर्किएको संकेत दिएका छन् । उनबाट पाकिस्तान उत्कृष्ट प्रदर्शन चाहन्छ ।

रौफले डेथ ओभरमा लगातार उच्च प्रदर्शन गर्दै आएका छन् । नसिम शाह र जुनियरले पनि लगातार उच्च प्रदर्शन गर्दै आएका छन् । स्पिनरमा शादब खान र नवाज रहनेछन् । शादबले बलिङमा पनि सानदार प्रदर्शन गर्दै आएका छन् ।

पाकिस्तान अप्रत्याशित टोली हो । कुन बेला कस्तो नतिजा निकाल्न अनुमान गर्न कठिन पर्छ । सुरुवाती दुई खेलमा हारपछि पाकिस्तानले नेदरल्यान्ड्सलाई ६ विकेट, दक्षिण अफ्रिकालाई ३३ रन र बंगलादेशलाई ५ विकेटले हराउँदै सेमिफाइनलमा स्थान बनाएको थियो ।

दक्षिण अफ्रिका सेमिफाइनलमा पुग्न जित्नै पर्ने खेलमा नेदरल्यान्ड्सँग पराजित भएपछि सेमिफाइनलमा स्थान बनाएको हो । अन्यथा पाकिस्तान अन्तिम खेलमा जितका साथ बाहिरिनु पर्ने समीकरण थियो । अथवा भारतले जिम्बावेसँग हार्नै पर्ने हुन्थ्यो । पाकिस्तानले सेमिफाइनलमा कुनै खेलाडी परिवर्तन गर्ने सम्भावना निकै कम देखिन्छ ।

पाकिस्तान र न्युजिल्यान्डबीच हालसम्म २८ टि२० आई खेल भएका छन् । पाकिस्तान १७ र न्युजिल्यान्ड ११ खेलमा विजयी भएका छन् । यी दुई देशबीच भएका पछिल्ला पाँच खेला पाकिस्तान चार खेलमा विजयी भएको छ ।

April 23, 2024

स्टोइन्सको शतकमा चेन्नईमाथि लखनउको जित

एजेन्सी – मार्कुस स्टोइन्सको सानदार शतकसहित लखनउ सुपर जाइन्ट्ले इन्डियन प्रिमियर लिग (आइपिएल) मा मंगलबार चेन्नई सुपर किंग्सलाई ६ विकेटले हराएको छ । २ सय ११ रनको लक्ष्य पछ्याएको लखनउले ३ बल बाँकी रहँदै २ सय १३ जोडेर जित निकालेको हो । स्टोइन्सले ६३ बल खेल्दै १३ चौका र ६ छक्काको मद्दतमा नटआउट १ सय […]

April 23, 2024

मधेशको जित, कोशीको लगातार चौथो हार

काठमाडौं (हाम्रो खेलकुद) – कम योगफलको खेलमा मधेश प्रदेशले कोशी प्रदेशलाई २ विकेटले हराउँदै वीर गणेशमान सिंह राष्ट्रिय टी-ट्वान्टी च्याम्पिनसीपमा तेस्रो जित हासिल गरेको छ। ९१ रनको सहज लक्ष्य मधेशले १७ .१ ओभरमा ८ विकेटको नोक्सानीमा पूरा गर्यो। लक्ष्य सहज थियो। तर मधेशले यो सामान्य लक्ष्य पुरा गर्न ८ विकेट गुमायो। ओपनर साहिल पटेल ११ […]

April 23, 2024

लगातार चौथो जितपछि बागमती शीर्षस्थानमा

काठमाडौं (हाम्रो खेलकुद) – गौतम केसीले सानदार बलिङ गर्दै ५ विकेट लिंदा बागमती प्रदेशले कर्णाली प्रदेशमाथि वीर गणेशमान सिंह राष्ट्रिय टी-ट्वान्टी च्याम्पिनसिपमा ७ विकेटको सहज जित निकालेको छ। बागमतीको जितमा गौतमको बलिङ नै प्रमुख बन्यो। बागमतीको यो लगातार चौथो जित हो र ८ अंक सहित शीषस्थानमा उक्लिएको छ। जितको लागि १ सय २१ रनको सहज […]

Success

Thank you for your time.