default_image

1 year ago

November 8, 2022

लगातार दोस्रो पटक फाइनल खेल्ने सोचमा न्युजिल्यान्ड

एजेन्सी – आइसिसी टि२० विश्वकपको पहिलो सेमिफाइनल खेलमा बुधबार न्युजिल्यान्डले पाकिस्तानसँग प्रतिस्पर्धा गर्नेछ । खेल नेपाली समय अनुसार दिउँसो १:४५ मा सिड्नी क्रिकेट मैदानमा सुरु हुनेछ । केन विलियम्सनको कप्तानीमा रहेको न्युजिल्यान्ड लगातार दोस्रो पटक विश्वकप फाइनल खेल्ने सोचका साथ मैदान उत्रनेछ । गतवर्ष युएईमा भएको टि२० विश्वकपको फाइनलमा न्युजिल्यान्ड अष्ट्रेलियासँग ८ विकेटले पराजित भएको […]

159 views

0 Bookmark

एजेन्सी – आइसिसी टि२० विश्वकपको पहिलो सेमिफाइनल खेलमा बुधबार न्युजिल्यान्डले पाकिस्तानसँग प्रतिस्पर्धा गर्नेछ । खेल नेपाली समय अनुसार दिउँसो १:४५ मा सिड्नी क्रिकेट मैदानमा सुरु हुनेछ ।

केन विलियम्सनको कप्तानीमा रहेको न्युजिल्यान्ड लगातार दोस्रो पटक विश्वकप फाइनल खेल्ने सोचका साथ मैदान उत्रनेछ । गतवर्ष युएईमा भएको टि२० विश्वकपको फाइनलमा न्युजिल्यान्ड अष्ट्रेलियासँग ८ विकेटले पराजित भएको थियो । त्यो नै न्युजिल्यान्डले खेलेको पहिलो टि२० विश्वकप फाइनल हो ।

पाकिस्तान भने सन् २००९ को टि२० विश्वकप च्याम्पियन टोली हो । २००७ को फाइनलमा भारतसँग पाँच रनले पराजित भएको थियो । पाकिस्तान तेस्रो र न्युजिल्यान्ड दोस्रो पटक फाइनल खेल्ने सोचमा हुनेछन् ।

न्युजिल्यान्ड सुपर १२ को समूह ए को विजेताको रुपमा सेमिफाइनल खेल्न लागेको हो । पाकिस्तान सुपर १२ को समूह बी को उपविजेताको रुपमा सेमिफाइनल खेल्न लागेको हो । न्युजिल्यान्डले पहिलो खेलमै अष्ट्रेलियालाई ८९ रनले पराजित गर्दै सानदार सुरुवात गरेको थियो । त्यो सुरुवात मात्रै नभएर सेमिफाइनलमा पुग्ने बलियो आधार बन्यो । समान ७ अंक भएपनि न्युजिल्यान्ड र इंग्ल्यान्ड सेमिफाइनलमा पुगे । अष्ट्रेलिया नेटरनरेटको कारण बाहिरिएको थियो ।

अष्ट्रेलियालाई हराउन डेभन कन्वेले ५८ बलमा ९२ रन फिन एलेनले १६ बलमा ४२ रन जोडेका थिए । दोस्रो खेल वर्षाको कारण अफगानिस्तानसँग अंक बाँड्नु परेको थियो । श्रीलंकालाई ६५ रनले हराएको थियो ।

श्रीलंकाविरुद्ध जितमा ग्लेन फिलिप्सले ६४ बलमा १ सय ४ रनको शतकीय इनिङ खेलेका थिए । न्युजिल्यान्ड इंग्ल्यान्डसँग २० रनले पराजित भएको थियो । फिलिप्सले उक्त खेलमा ६२ रन जोडेका थिए । न्युजिल्यान्डले आयरल्यान्डलाई ३५ रनले हराएको थियो । उक्त खेलमा केन विलियम्सनले ३५ बलमा ६१ रन जोडेका थिए ।

विलियम्सन, फिलिप्स, कन्वे र एलेन प्रमुख ब्याटर हुन् । यी चार ब्याटरको प्रदर्शनले न्युजिल्यान्डको ब्याटिङ योगफल निर्धारण हुने देखिन्छ । न्युजिल्यान्डको तल्लोक्रम कमजोरीको रुपमा छ । जेम्श निसम, डर्याल मिचेल र मिचेल सान्टनार रहनेछन् ।

गतवर्ष इंग्ल्यान्डलाई पाँच विकेटले हराउँदै फाइनलमा पुर्याउन डर्याल मिचेल हिरो बन्दै ४७ बलमा ७२ रनको अविजित इनिङ खेलेका थिए । न्युजिल्यान्ड मैदानमा सधैं उच्च प्रदर्शन गर्ने टोली हो । कागजी रुपमा खासै स्टार खेलाडी नभएपनि मैदानमा दमदार प्रदर्शन गर्ने गर्दछन् ।

न्युजिल्यान्डको बलिङ आक्रमण मजबुत छ । तीव्र गतिका बलर ट्रेन्ट बोल्ट, टिम साउथी र लोकी फर्गुसन हुनेछन् । यी तीन तीव्र गतिका बलरले लगातार उच्च प्रदर्शन गर्दै आएका छन् । स्पिनर मिचेल सान्टनार र ईश सोधी हुनेछन् ।

पाकिस्तानले १९९२ को एकदिवसिय विश्वकप उपाधि जित्दा सेमिफाइनलमा न्युजिल्यान्डलाई नै ४ विकेटले हराउँदै फाइनलमा स्थान बनाएको थियो ।

न्युजिल्यान्डले टोलीमा परिवर्तन गर्ने सम्भावना निकै कम देखिन्छ । ओपनरमा फिन एलेन र कन्वेलाई निरन्तरता दिनेछ । जसको कारण मार्टिन गुप्टिल बेन्चमै बस्नेछन् । मार्क च्यापम्यान, एडम मिल्ने र माइकल ब्रेसवेल पनि बेन्चमै बस्ने देखिन्छ ।

पाकिस्तान र न्युजिल्यान्डबीच हालसम्म २८ टि२० आई खेल भएका छन् । पाकिस्तान १७ र न्युजिल्यान्ड ११ खेलमा विजयी भएका छन् । यी दुई देशबीच भएका पछिल्ला पाँच खेला पाकिस्तान चार खेलमा विजयी भएको छ ।

April 23, 2024

स्टोइन्सको शतकमा चेन्नईमाथि लखनउको जित

एजेन्सी – मार्कुस स्टोइन्सको सानदार शतकसहित लखनउ सुपर जाइन्ट्ले इन्डियन प्रिमियर लिग (आइपिएल) मा मंगलबार चेन्नई सुपर किंग्सलाई ६ विकेटले हराएको छ । २ सय ११ रनको लक्ष्य पछ्याएको लखनउले ३ बल बाँकी रहँदै २ सय १३ जोडेर जित निकालेको हो । स्टोइन्सले ६३ बल खेल्दै १३ चौका र ६ छक्काको मद्दतमा नटआउट १ सय […]

April 23, 2024

मधेशको जित, कोशीको लगातार चौथो हार

काठमाडौं (हाम्रो खेलकुद) – कम योगफलको खेलमा मधेश प्रदेशले कोशी प्रदेशलाई २ विकेटले हराउँदै वीर गणेशमान सिंह राष्ट्रिय टी-ट्वान्टी च्याम्पिनसीपमा तेस्रो जित हासिल गरेको छ। ९१ रनको सहज लक्ष्य मधेशले १७ .१ ओभरमा ८ विकेटको नोक्सानीमा पूरा गर्यो। लक्ष्य सहज थियो। तर मधेशले यो सामान्य लक्ष्य पुरा गर्न ८ विकेट गुमायो। ओपनर साहिल पटेल ११ […]

April 23, 2024

लगातार चौथो जितपछि बागमती शीर्षस्थानमा

काठमाडौं (हाम्रो खेलकुद) – गौतम केसीले सानदार बलिङ गर्दै ५ विकेट लिंदा बागमती प्रदेशले कर्णाली प्रदेशमाथि वीर गणेशमान सिंह राष्ट्रिय टी-ट्वान्टी च्याम्पिनसिपमा ७ विकेटको सहज जित निकालेको छ। बागमतीको जितमा गौतमको बलिङ नै प्रमुख बन्यो। बागमतीको यो लगातार चौथो जित हो र ८ अंक सहित शीषस्थानमा उक्लिएको छ। जितको लागि १ सय २१ रनको सहज […]

Success

Thank you for your time.