काठमाठौं (हाम्रो खेलकुद) – नेपाल पुलिस क्लबका ओपनर कुशल भुर्तेलले प्रधानमन्त्री कप राष्ट्रिय प्रतियोगितामा मधेश प्रदेशविरुद्ध पाँच विकेट लिएपछि आफूले कप्तान दीपेन्द्रसिंह ऐरीसँग सधैं बलिङ माग्ने गरेको बताएका छन् ।

मधेशलाई १ सय ९१ रनले हराउन लेग स्पिन गर्दै कुशल भुर्तेलले ८.३ ओभरमा २ मेडनसहित २२ रन खर्चेर ५ विकेट लिए । २ सय ७४ रनको विजयी लक्ष्य पछ्याएको मधेश ८२ रनमै अल आउट भयो । कुशलले पहिलो पटक पाँच विकेट लिएका हुन् ।

चोभार एन्डबाट आएका कुशलले १८ औं ओभरको पहिलो बलमा रतन रौनक र दोस्रो बलमा राजेश यादवलाई आउट गर्दै ह्याट्रिक नजिक पुगेका थिए । तर तेस्रो बल उनले अफ साइड फ्ँयालेपछि ह्याट्रिक गर्न भनेका थिए । मधेश २३–५ को अवस्थामा पुगेपछि दीपेन्द्रले कुशललाई दिने निर्णय लिएका थिए ।

चोभार एण्डबाट लेग स्पिन गर्दै कुशलले बाँकी पाँच विकेट लिए । ‘पहिलो पटक पाँच विकेट लिँदा राम्रो लागेको छ । यस्तो होला सोचेको थिएन । राम्रो गर्छु भन्ने थियो । कप्तानले भरोसा गरेर दिएपछि ब्याटिङ, बलिङ र फिल्डिङ जे हुन्छ हरेक खेलमा राम्रो गर्छु भन्ने हुन्थ्यो’, कुशलले खेलपछि भने ।

एक समय आदिल आलम अन्सारी ५९ बलमा ९ रन बनाएर खेलेका थिए । टियु एण्डबाट आएका दीपेन्द्रलाई आदिलले २७ औं ओभरको दोस्रो बलमा लङअनमा सानदार छक्का हाने । त्यसपछिका दुई बलमा लगातार चौका हान्दै आफ्नो शैलीको खेल खेल्न लागे । त्यो समय कुशल आदिललाई नै बलिङ गर्न मन लागेको बताए ।

‘मलाई आदिललाई नै बलिङ गर्न मन लागेको थियो । चुनौती मलाई पनि थियो । टेलेन्डरलाई बलिङ गर्नु भन्दा एउटा राम्रो ब्याटरलाई बलिङ गर्दा राम्रो आत्माविश्वास आउँछ । आदिललाई बलिङ गर्दा खुशी थिए’, उनले भने । आदिललाई बोल्ड गर्दै कुशलले आफ्नो पाँच विकेट पूरा गरेका थिए ।

‘मैले जहिले कप्तान दीपेन्द्रसँग मलाई एक दुई ओभर बलिङ दे भनेर मागि राखेको हुन्थें । आज त अगाडिनै दियो । उसलाई प्रमाणित गर्न पाउँदा र राष्ट्रिय प्रशिक्षक मनोज प्रभाकरले पनि हेरि राखेका थिए । त्यसको लागि राम्रै छ’, कुशलले भने ।

यो प्रतियोगितामा कुशलको प्रदर्शन खासै सोचे जस्तो छैन । कुशल हाँस्दै खै बलिङतर्फ बढी ध्यान दिएको होर कि भनेर जवाफ दिन्छन् ।

नेपालले २०१६ मा यू–१९ विश्वकप खेल्दा कुशल र दीपेन्द्र दुबै प्रमुख खेलाडी थिए । कुशल त्यो समय मध्य गतिमा बलिङ गर्ने गर्दथे । सिनियर टोलीमा आएपछि उनले बलिङ गर्न छाडेका थिए ।

‘बलिङमा करिअर छ जस्तो लागेन । बलिङमा पेश पनि थिएन । ब्याकको पनि समस्या थियो । बलिङ छाडेपछि नेटमा स्पिन गर्न थाले । अरु खेल्दा म बलिङ गर्ने र म खेल्दा अरु बलिङ गर्ने गर्दा लेग स्पिनर गर्न थाले’, कुशलले भने ।

कुशलले आफ्ले नेटमा गरे जस्तो पूरै भने नगरेको बताए । प्रधानमन्त्री कप सकिएको एकदिनपछि घरेलु मैदानमा नेपालले युएईसँग तीन ओडिआई खेलको सिरिज खेल्नेछ । बाँकी दुई खेल कुशलले महत्वपूर्ण हुने बताउँछन् ।

‘हामीले आज राम्रो सुरुवात गर्यौ । त्यसमा कुशलले पनि नेटमा बलिङ गरि राखेको हुनुन्थ्यो । राम्रो पनि हुन्थ्यो । आज खेलमा बलिङ गराए र राम्रो पनि गर्यो । बधाई दिन चाहन्छु’, दीपेन्द्रले भने ।

ललित र सागर हुँदा हुँदै कुशललाई बलिङ दिनुमा दीपेन्द्रले सेमिफाइन र फाइनललाई तयारीको रुपमा दिएको बताए ।
तर यो किसिमको प्रदर्शन भने अनुमान नगरेको बताए । तर नेटमा भने राम्रो गर्ने गरेको दीपेन्द्रले बताए । पुलिसले फाइनल प्रवेशको लागि दोस्रो सेमिफाइनल खेलमा शुक्रबार टियु क्रिकेट मैदानमा त्रिभुवन आर्मी क्लबसँग खेल्नेछ ।