default_image

1 year ago

November 9, 2022

न्युजिल्यान्डविरुद्ध पाकिस्तान : सेमिफाइनल हेड टु हेड

एजेन्सी– आइसिसी टि२० विश्वकप २०२२ को पहिलो सेमिफाइनल खेलमा आज न्युजिल्यान्ड र पाकिस्तानबीच प्रतिस्पर्धा हुँदैछ । खेल नेपाली समय अनुसार दिउँसो १ : ४५ मा सिड्नी क्रिकेट मैदानमा सुरु हुनेछ । पाकिस्तान तेस्रो र न्युजिल्यान्ड लगातार दोस्रो पटक फाइनलमा पुग्ने सोचमा हुनेछन् । न्युजिल्यान्ड सुपर १२ को समूह ए को विजेता र पाकिस्तान सुपर १२ […]

131 views

0 Bookmark

एजेन्सी– आइसिसी टि२० विश्वकप २०२२ को पहिलो सेमिफाइनल खेलमा आज न्युजिल्यान्ड र पाकिस्तानबीच प्रतिस्पर्धा हुँदैछ । खेल नेपाली समय अनुसार दिउँसो १ : ४५ मा सिड्नी क्रिकेट मैदानमा सुरु हुनेछ ।

पाकिस्तान तेस्रो र न्युजिल्यान्ड लगातार दोस्रो पटक फाइनलमा पुग्ने सोचमा हुनेछन् । न्युजिल्यान्ड सुपर १२ को समूह ए को विजेता र पाकिस्तान सुपर १२ को समूह बी को उपविजेताको रुपमा सेमिफाइनल खेलेका हुन् । दोस्रो सेमिफाइनलमा शुक्रबार भारत र इंग्ल्यान्डबीच प्रतिस्पर्धा हुनेछ ।

न्युजिल्यान्डले सुपर १२ मा अष्ट्रेलियालाई ८९ रन, श्रीलंकालाई ६५ रन र आयरल्यान्डलाई ३५ रनले हराएको थियो । इंग्ल्यान्डसँग २० रनले पराजित हुँदा अफगानिस्तानसँग वर्षाको कारण अंक बाँडेको थियो ।

पाकिस्तान पहिलो खेलमा भारतसँग चार विकेटले पराजित भएको थियो । जिम्बावेसँग एक रनले स्तब्ध भएको पाकिस्तानले नेदरल्यान्ड्सलाई ६ विकेट, दक्षिण अफ्रिकालाई डकवर्थ लेविस पद्धतिको आधारमा ३३ रन र बंगलादेशलाई पाँच विकेटले हराउँदै सेमिफाइनलमा स्थान बनाएको थियो ।

हेड टु हेड :

पाकिस्तान र न्युजिल्यान्डबीच कुल २८ टि२० आई खेल भएका छन् । पाकिस्तान १७ र न्युजिल्यान्ड ११ खेलमा विजयी भएका छन् । पछिल्ला पाँच टि२० आईमा पाकिस्तान चार खेलमा विजयी भएको छ । गतवर्ष टि२० विश्वकपका पाकिस्तानले न्युजिल्यान्डलाई पाँच विकेटले हराउँदै समूह विजेता बनेको थियो ।

उक्त खेलमा हरिस रौफले चार विकेट लिएपछि न्युजिल्यान्ड १ सय ३४ रनमा अल आउट भएको थियो । अघिल्लो महिना त्रिकोणात्मक टि२० सिरिजमा पाकिस्तानले फाइनलमा घरेलु न्युजिल्यान्डलाई पाँच विकेटले हराउँदै उपाधि जितेको थियो ।

सेमिफाइनल पाँच पटक प्रतिस्पर्धा

आइसिसीको प्रतियोगितामा पाकिस्तान र न्युजिल्यान्डबीच हालसम्म सेमिफाइनलमा पाँच पटक प्रतिस्पर्धा गरेका छन् । जसमा पाकिस्तान तीन र न्युजिल्यान्ड दुई पटक विजयी भएका छन् । १३ वर्षपछि यी दुई टोली सेमिफाइनला भिड्न लागेका हुन् ।

यस सेमिफाइनललाई पाकिस्तानले सन् १९९२ को एकदिवसिय विश्वकप जित्दासँग तुलना गरिएको छ । उक्त सेमिफाइनलमा पाकिस्तानले न्युजिल्यान्डलाई चार विकेटले हराउँदै फाइनलमा स्थान बनाएको थियो । त्यो समय न्युजिल्यान्डले अष्ट्रेलियालाई हराउँदै शीर्ष स्थानमा रहेर सेमिफाइनल खेलेको थियो । पाकिस्तान अन्तिम चारमै थियो ।

सन् १९९९ को एकदिवसिय विश्वकपको सेमिफाइनलमा पाकिस्तानले न्युजिल्यान्डलाई ९ विकेटले हराउँदै फाइनलमा स्थान बनाएको थियो । सन् २००० च्याम्पियन्स ट्रफीमा मा पाकिस्तानलाई ४ विकेटले हराउँदै न्युजिल्यान्डले फाइनलमा स्थान बनाएको थियो । न्युजिल्यान्डले फाइनलमा भारतलाई ४ विकेटले हराउँदै उपाधि जितेको थियो ।

सन् २००७ को टि२० विश्वकपको सेमिफाइनलमा पाकिस्तानले न्युजिल्यान्डलाई ६ विकेटले हराउँदै फाइनलमा स्थान बनाएको थियो । सन् २००९ को च्याम्पियन्स ट्रर्फीमा पाकिस्तानलाई पाँच विकेटले हराउँदै फाइनलमा स्थान बनाएको थियो । त्यसपछि यी दुई टोलीले पहिलो पटक सेमिफाइनलमा भिड्न लागेका छन् ।

टस कतिको महत्वपूर्ण होला ?

सिड्नीमा पिचमा पछिल्ला ६ खेलमा टस जितेर पहिला ब्याटिङ रोज्दा पाँच पटक विजयी र एक पटक हार भएको छ । न्युजिल्यान्डले सिड्नी मै अष्ट्रेलियालाई पहिला ब्याटिङ गर्दै ८९ रनले हराएको थियो ।

इंग्ल्यान्डसँग लक्ष्य पछ्याउँदा २० रनले पराजित हुन पुगेको थियो । पाकिस्तानले पनि सिड्नीमा दक्षिण अफ्रिकाविरुद्ध टस जितेर ब्याटिङ गर्दै ३३ रनले हराएको थियो । त्यसैले आजको खेलमा टस जित्ने टोलीले पहिला ब्याटिङ गर्ने निर्णय लिने सम्भावना उच्च छ ।

April 15, 2024

मुम्बईमाथि चेन्नईको जित

एजेन्सी – चेन्नई सुपर किंग्सले इन्डियन प्रिमियर लिग (आइपिएल) मा आइतबार मुम्बई इन्डियन्समाथि सानदार जित निकालेको छ । चेन्नईले मुम्बईलाई २० रनले हराएको हो । २ सय ७ रनको लक्ष्यको पछ्याएको मुम्बईले नटआउट रोहित शर्माको शतकका बावजुद २० ओभरमा ६ विकेटको क्षतिमा १ सय ८६ रन मात्र बनाउन सक्यो । रोहित र इशान शर्माले पहिलो […]

April 14, 2024

हङकङ साउदी अरबविरुद्ध स्तब्ध

मस्कट (हाम्रो खेलकुद) – ओमानमा जारी एसिसि प्रिमियर कपमा हङकङ साउदी अरेबिया विरुद्ध स्तब्ध भएको छ । समूह ए अन्तर्गत अल अमेरातमा भएको खेलमा हंगकंगलाई साउदीले ५५ रनको हार चखाएको हो । साउदीले दिएको २ सय ३ रनको विशाल लक्ष्य पछ्याएको हङकङ १८.५ ओभरमा १ सय ४७ रनमा समेटियो । हङकङका लागि कप्तान निजाकत खानले […]

April 14, 2024

अकिबको ह्याट्रिकमा ओमानले कम्बोडियालाई हरायो

मस्कट (हाम्रो खेलकुद) – अलराउन्डर अकिब इल्यासले ह्याट्रिक लिएपछि एसीसी मेन्स प्रिमियर कप २०२४ अन्तर्गत समूह बी को खेलमा आयोजक ओमानले कम्बोडियालाई ६३ रनले पराजित गरेको छ । अल अमेरत मैदानमा आइतबार वर्षाले खेलको सुरुवात प्रभावित भएपछि ११ ओभरमा घटाइएको थियो । कम्बोडियाले टस जितेर ओमानलाई पहिलो ब्याटिङको निम्तो दिने निर्णय सफल भने भएन । […]

Success

Thank you for your time.