एजेन्सी – आइसिसी टि२० विश्वकप २०२२ को पहिलो सेमिफाइनलमा न्युजिल्यान्डले टस जितेर पाकिस्तानविरुद्ध पहिला ब्याटिङ गर्ने भएको छ । सिड्नी क्रिकेट मैदानमा न्युजिल्यान्डका कप्तान केन विलियम्सनले टस जितेर पहिला ब्याटिङ गर्ने निर्णय लिएका हुन् ।

न्युजिल्यान्ड र पाकिस्तान दुबैले टोलीमा कुनै परिवर्तन गरेका छैनन् । पाकिस्तान तेस्रो र न्युजिल्यान्ड लगातार दोस्रो पटक फाइनलमा पुग्ने सोचमा हुनेछन् । न्युजिल्यान्ड सुपर १२ को समूह ए को विजेता र पाकिस्तान सुपर १२ को समूह बी को उपविजेताको रुपमा सेमिफाइनल खेलेका हुन् । दोस्रो सेमिफाइनलमा शुक्रबार भारत र इंग्ल्यान्डबीच प्रतिस्पर्धा हुनेछ । फाइनल आइतबार मेलबर्न क्रिकेट ग्राउन्डमा हुनेछ ।

न्युजिल्यान्डले सुपर १२ मा अष्ट्रेलियालाई ८९ रन, श्रीलंकालाई ६५ रन र आयरल्यान्डलाई ३५ रनले हराएको थियो । इंग्ल्यान्डसँग २० रनले पराजित हुँदा अफगानिस्तानसँग वर्षाको कारण अंक बाँडेको थियो ।

पाकिस्तान पहिलो खेलमा भारतसँग चार विकेटले पराजित भएको थियो । जिम्बावेसँग एक रनले स्तब्ध भएको पाकिस्तानले नेदरल्यान्ड्सलाई ६ विकेट, दक्षिण अफ्रिकालाई डकवर्थ लेविस पद्धतिको आधारमा ३३ रन र बंगलादेशलाई पाँच विकेटले हराउँदै सेमिफाइनलमा स्थान बनाएको थियो ।

पाकिस्तान २००९ को टि२० विश्वकप च्याम्पियन टोली हो । सन् २००७ को फाइनलमा भारतसँग पराजित भएको थियो । न्युजिल्यान्ड गत वर्ष पहिलो पटक फाइनलमा पुग्दै अष्ट्रेलियासँग ८ विकेटले पराजित भएको थियो ।

हेड टु हेड :

यी दुई देशबीच कुल २८ खेल हुँदा पाकिस्तान १७ र न्युजिल्यान्ड ११ खेलमा विजयी भएका छन् । पछिल्ला पाँच खेलमा पाकिस्तान चार खेलमा विजयी भएको छ । आइसिसीको प्रतियोगिता सेमिफाइनलमा यी दुई टोलीबीच पाँच खेल भएका छन् । जसमा पाकिस्तान तीन र न्युजिल्यान्ड दुई खेलमा विजयी भएका छन् ।

पाकिस्तानको प्लेइङ ११ :

मोहम्मद रिजवान (विकेटकिपर), बाबर आजम (कप्तान), मोहम्मद हरिस, शन मसुद, इफ्तिखार अहमद, शादब खान, मोहम्मद नवाज, मोहम्मद वासिम जुनियर, नसिम शाह, हरिस रौफ र शाहिन शाह अफ्रिदी ।

न्युजिल्यान्डको प्लेइङ ११ :

फिन एलेन, डेभन कन्वे (विकेटकिरि), केन विलियम्सन (कप्तान), ग्लेन फिलिप्स, डर्याल मिचेल, जेम्श निसम, मिचेल सान्टनार, टिम साउथी, ईश सोधी, लोकी फर्गुसन र ट्रेन्ट बोल्ट ।