default_image

1 year ago

November 9, 2022

न्युजिल्यान्डले पाकिस्तानसँग हार्नुको प्रमुख पाँच कारण

एजेन्सी – आइसिसी टि२० विश्वकप २०२२ को पहिलो सेमिफाइनल खेलमा न्युजिल्यान्ड पाकिस्तानसँग ७ विकेटले पराजित हुँदै बाहिरियो । गत वर्षको उपविजेता टोली न्युजिल्यान्डको प्रभाव सेमिफाइनलमै अन्त्य हुन पुग्यो । केन विलियम्सनको कप्तानीमा रहेको न्युजिल्यान्डले विश्वकप र ठूला उपाधिमा लगातार सानदार प्रदर्शन गर्दै आएको छ। जितको लागि १ सय ५३ रनको विजयी लक्ष्य पछ्याएको पाकिस्तानले १९.१ […]

117 views

0 Bookmark

एजेन्सी – आइसिसी टि२० विश्वकप २०२२ को पहिलो सेमिफाइनल खेलमा न्युजिल्यान्ड पाकिस्तानसँग ७ विकेटले पराजित हुँदै बाहिरियो । गत वर्षको उपविजेता टोली न्युजिल्यान्डको प्रभाव सेमिफाइनलमै अन्त्य हुन पुग्यो । केन विलियम्सनको कप्तानीमा रहेको न्युजिल्यान्डले विश्वकप र ठूला उपाधिमा लगातार सानदार प्रदर्शन गर्दै आएको छ।

जितको लागि १ सय ५३ रनको विजयी लक्ष्य पछ्याएको पाकिस्तानले १९.१ ओभरमा ३ विकेट गुमाउँदै पूरा गर्यो । पाकिस्तानका विकेटकिपर मोहम्मद रिजवान ४३ बलमा ५ चौकासहित सर्वाधिक ५७ रनमा आउट भए । बाबर आजम ४२ बलमा ७ चौकासहित ५३ रनमा आउट भए ।

त्यसअघि सिड्नी क्रिकेट मैदानमा टस जितेर पहिला ब्याटिङ रोजेको न्युजिल्यान्डले निर्धारित २० ओभरमा ४ विकेट गुमाउँदै १ सय ५२ रन बनायो । न्युजिल्यान्डका डर्याल मिचेल ३५ बलमा ३ चौका र १ छक्कासहित सर्वाधिक ५३ रनमा अविजित रहे । कप्तान केन विलियम्सनले ४२ बलमा १ चौका र १ छक्कासहित ४६ रन बनाए ।

सिड्नी क्रिकेट मैदानमा निर्णायक मानिएको टस न्युजिल्यान्डले जितेको थियो । यस विश्वकपमा यसअघि सिड्नीमा भएका ६ खेलमा पहिला ब्याटिङ रोज्ने टोली पाँच पटक विजयी भएका थिए । न्युजिल्यान्डले पनि ब्याटिङनै रोज्यो । यदि पाकिस्तानले टस जितेको भएपनि रोज्ने ब्याटिङ नै थियो ।

सुपर १२ को समूह ए को विजेता न्युजिल्यान्ड शीर्ष स्थानमा रहँदै सेमिफाइनल खेलेको थियो । महत्वपूर्ण टस जितेपनि पाकिस्तानसँग हार्नुको प्रमुख पाँच कारण यस प्रकार छन् ।

५.ब्याटिङमा राम्रो अन्त्य गर्न नसक्नु

सिड्नीको मैदानमा विशाल योगफल बनाउन कठिन पर्छ । राम्रो बलिङ आक्रामण भएको टोलीलाई १ सय ७० रन भन्दा माथिको योगफल सुरक्षित मानिन्छ । पिच स्वलो हुँदा रन बनाउन कठिन पर्छ । त्यसैले हरेक टोली पहिला ब्याटिङ गर्ने निर्णय लिन बढी रुचाउँछन् । सिड्नीमा त्यो निर्णय सहि सावित पनि हुँदै आएको छ । अन्य मैदानमा पहिला बलिङ बढी रोज्ने गर्दछन् ।

एक समय न्युजिल्यान्ड १५ ओभरमा १०६–३ को बलियो अवस्थामा थियो । क्रिजमा केन विलियम्सन र डर्याल मिचेल सेट भई सकेका थिए । यी दुई ब्याटरलाई पिच र विपक्षी बलर बारे राम्रोसँग थाहा थियो । जेम्श निसम र मिचेल सान्टनर जस्ता हिटर आउन बाँकी हुँदा प्रतिओभर १२ को दरले रन जोड्दा न्युजिल्यान्डले ६० रन बनाउन सक्थ्यो । जुन योगफल जितको लागि पर्याप्त बन्न सक्थ्यो ।

स्कोर बोर्डको दबाब बढी हुन थियो । तर न्युजिल्यान्डले बाँकी ३० बलमा ४६ रन जोड्यो । खेलको पुरै मोमेन्ट पाकिस्तानमा लगेर पेभेलिएन पर्कियो । न्युजिल्यान्डले अन्तिम पाँच ओभरमा बाउन्ड्रीको रुपमा दुई चौका मात्रै गरेको थियो । अन्तिम पाँच ओभरमा आक्रामक ब्याटिङ गर्दै राम्रो अन्त्य गर्न नसक्नु न्युजिल्यान्डको हारको कारणमा पर्दछ ।

४.पावर प्लेमा राम्रो सुरुवात गर्न नसक्नु

कुनैपनि टोलीलाई राम्रो योगफलमा पुग्न सुरुवात दमदार गर्नुपर्छ । सिड्नीमा यस विश्वकपमा भएका सात मध्य पाँच खेल पहिला ब्याटिङ गर्ने टोलीले जितेका छन् ।

टस जितेर ब्याटिङ रोजेको न्युजिल्यान्डले पावर प्लेमा २ विकेट गुमाउँदै ३८ रन बनाएको थियो । अर्थात सुरुवाती ३६ बलमा न्युजिल्यान्डले ३८ रन जोडेको थियो । पावर प्लेको फाइदा न्युजिल्यान्डले उठाउन सकेन । त्यहिँ नै ठूलो योगफलको सम्भावना टाढिएको थियो । त्यसपछि विलियम्सन र मिचेलले खुलेर खेल्न सकेनन् ।

प्रमुख दुई ब्याटर फिन एलेन र डेभन कन्वे आउट भएपछि पाकिस्तान खेलमा हाबी बनेको थियो । सुरुवात राम्रो गरेको भए पाकिस्तानी बलर दबाबमा पर्न सक्थ्यो । दबाबमा नै बलरले खराब प्रदर्शन गर्ने सम्भावना बढी हुन्छ । यस खेलमा हेर्ने हो भने अफ्रिदीले दुई र मोहम्मद नवाजले एक विकेट लिएका छन् ।

पाकिस्तानका तीन तीव्र गतिका बलर मोहम्मद वासिम जुनियर, नसिम शाह र हरिस रौफ विकेट विहीन थिए । शादब खानले पनि विकेट लिन सकेनन् । तरपनि पाकिस्तानले न्युजिल्यान्डलाई मध्यम योगफलमै रोकेको थियो । कमजोर सुरुवात हारको कारण बन्यो ।

यसै मैदानमा अष्ट्रेलियालाई ८९ रनले हराउन न्युजिल्यान्डले पहिला ब्याटिङ गर्दै पावर प्लेमा ६५ रन जोडेको थियो । राम्रो सुरुवातले मध्यक्रम र तल्लोक्रमका ब्याटर खुलेर खेल्न पाउने हुँदा थप विशाल योगफलको सम्भावना रहन्छ ।

३.बाबरको क्याच ड्रप

पाकिस्तानका कप्तान बाबर आजम यस प्रतियोगितामा लयमा थिएनन् । यसअघि पुरै प्रतियोगिता भर बाबरले पाँच खेलमा (०, ४, ४, ६ र २५) कुल ३९ रन बनाएका थिए । मध्यम योगफलमा जित निहाल्न कुनैपनि टोलीले उत्कृष्ट सुरुवात गनुपर्छ । पहिलो पावर प्लेमा तीन चार विकेट लिएमा सानो योगफलमा पनि जित हात पार्न सकिन्छ ।

न्युजिल्यान्डलाई त्यो अवसर पहिलो ओभरमै आएको थियो । तीव्र गतिका बलर ट्रेन्ट बोल्टको पहिलो ओभरको चौथो बलमा बाबरले खेलेको पहिलो बलमै विकेटकिपर डेभन कन्वेले क्याच छोड्दै जीवनदान दिएका थिए । जुन जीवनदानको भरपूर्ण फाइदा उठाउँदै बाबरले ५३ रनको अर्धशतकीय विजयी इनिङ खेले ।

रिजवानसँग १ सय ५ रनको शतकीय साझेदारी गर्दै सहज जितको आधार तय गरे । बाबर आउट भएको भए नयाँ ब्याटरलाई स्वलो पिचमा न्युजिल्यान्डको विश्वस्तरिय बलिङ आक्रामण सामु रन बनाउन कठिन पर्ने थियो । पहिलो ओभरमै विकेट गुमाउँदा पाकिस्तान दबाबमा पर्ने हुँदा थप विकेट आउन सक्थ्यो ।

रिजवानले अर्को एन्डबाट साथ नपाउन सक्थें र न्युजिल्यान्ड खेलमा हाबी हुन सक्थ्यो । जिम्बावेले प्रस्तुत गरेको १ सय ३१ रनको लक्ष्य पछ्याउनेक्रममा एक रनले पराजित हुँदा पाकिस्तानको सुरुवात कमजोर थियो । मध्यक्रम पाकिस्तानको सबैभन्दा ठूलो कमजोरी रहँदै आएको थियो ।

२.कन्वेको रन आउट

ओपनर डेभन कन्वेको रन आउट खेलको एक टर्निङ प्वाइन्ट मानिन्छ। कन्वेले यसै मैदानमा अष्ट्रेलियालाई हराउन ९२ रनको उत्कृष्ट इनिङ खेलेका थिए । कन्वे न्युजिल्यान्डका भरपर्दा ब्याटर हुन् । विलियम्सनले बाउन्ड्रीमा संघर्ष गर्दा कन्वे अर्कोतर्फबाट दबाबमा राख्न खोजेका थिए ।

कन्वेले २० बलमा ३ चौका प्रहार गरेका थिए । कन्वे टिकेको भए ठूलो इनिङ खेल्दै विशाल योगफल बनाउन सक्थे । अन्य ब्याटरलाई अर्को एन्डबाट बिना दबाब खेल्न सहज पनि हुन्थ्यो । पहिलो विकेट गुमी सकेको हुँदा ठूलो रनको साझेदारी आवश्यक पर्दथ्यो ।

त्यसैले पावर प्लेको अन्तिम बलमा एक रनमा जोखिम लिन कुनै आवश्यक थिएन । हरिस रौफको बलमा मिड अफमा जोखिम पूर्ण रन दौडिन कुदेका कन्वे रन आउटको शिकार भए । शादब खानले मिडअफबाट नन स्ट्राइकमा प्रहार गरेको थ्रो सिधैं स्टम्पमा लागेपछि कन्वे पेभेलिएन फर्किनु परेको थियो ।

१.बाउन्ड्रीमा जोखिम नलिनु

टि२० खेल नै चौका र छक्कोको खेल हो । तर न्युजिल्यान्डले आज डबल सिंगलमा रन बढी ध्यान दियो । अन्तिम ३० बलमा मात्रै दुई चौका प्रहार गरेको थियो । जवकी हातमा ६ विकेट थियो । अन्तिम ३० बलमा कम्तिमा ७–८ बाउन्ड्री प्रहार गर्न सकेको भए नतिजा फरक आउन सक्थ्यो ।

सुरुवाती ३० बलमा ४ चौका मात्रै प्रहार गरेको थियो । तेस्रो, चौथो र पाँचौं ओभरमा एक पनि बाउन्ड्री प्रहार गर्न सकेन । यी तीन ओभर अर्थात १८ बलमा १६ रन मात्रै जोडेको थियो । ६ देखि १५ ओभर सम्म ४ चौका र २ छक्का मात्रै प्रहार गरेको थियो । आठौं, नवौं र दशौं ओभरमा बाउन्ड्री विहीन हुँदै मात्रै १५ रन जोडेको थियो । अर्कोतर्फ विकेट पनि गुमेको थिएन । न्युजिल्यान्डले खेलमा बाउन्ड्रीको जोखिम लिएन ।

न्युजिल्यान्डले खेलमा १० चौका र २ छक्का मात्रै प्रहार गर्यो । अर्थात १ सय ५२ मध्य बाउन्ड्रीबाट ५२, डबल सिंगलबाट ९४ र अतिरिक्त ६ रन पाएको थियो । डबल सिंगल र बाउन्ड्री उल्टो हुनुपर्ने थियो । प्रमुख ब्याटर तथा कप्तान केन विलियम्सनले नै ४२ बलमा १ चौका र १ छक्कासहित ४६ रन जोडेका थिए ।

अनि मात्रै विशाल योगफल बन्न सक्थ्यो । बाउन्ड्री विना टि२० क्रिकेटमा विशाल योगफल हुँदैन । बाउन्ड्रीको जोखिम नलिनु हारको कारण हो । पाकिस्तानले लक्ष्य पूरा गर्दा १४ चौका र १ छक्का प्रहार गरेको थियो ।

April 14, 2024

हङकङ साउदी अरबविरुद्ध स्तब्ध

मस्कट (हाम्रो खेलकुद) – ओमानमा जारी एसिसि प्रिमियर कपमा हङकङ साउदी अरेबिया विरुद्ध स्तब्ध भएको छ । समूह ए अन्तर्गत अल अमेरातमा भएको खेलमा हंगकंगलाई साउदीले ५५ रनको हार चखाएको हो । साउदीले दिएको २ सय ३ रनको विशाल लक्ष्य पछ्याएको हङकङ १८.५ ओभरमा १ सय ४७ रनमा समेटियो । हङकङका लागि कप्तान निजाकत खानले […]

April 14, 2024

अकिबको ह्याट्रिकमा ओमानले कम्बोडियालाई हरायो

मस्कट (हाम्रो खेलकुद) – अलराउन्डर अकिब इल्यासले ह्याट्रिक लिएपछि एसीसी मेन्स प्रिमियर कप २०२४ अन्तर्गत समूह बी को खेलमा आयोजक ओमानले कम्बोडियालाई ६३ रनले पराजित गरेको छ । अल अमेरत मैदानमा आइतबार वर्षाले खेलको सुरुवात प्रभावित भएपछि ११ ओभरमा घटाइएको थियो । कम्बोडियाले टस जितेर ओमानलाई पहिलो ब्याटिङको निम्तो दिने निर्णय सफल भने भएन । […]

April 14, 2024

राजस्थानसँग पन्जाबको हार

एजेन्सी – सामूहिक प्रदर्शन गर्दै राजस्थान रोयल्सले इन्डियन प्रिमियर लिग (आइपिएल) मा शनिबार जित निकालेको छ । राजस्थानले पन्जाब किङ्सलाई ३ विकेटले हराएको छ । एक सय ४८ रनको लक्ष्य पछएको राजस्थानले १९.५ ओभरमा ७ विकेटको क्षेतिमा १ सय ५२ रन जोड्दै जित दर्ता गरेको हो ।टोलीका लागि यसस्वी जैसवालले २८ बलमा सर्वाधिक ३९ रन, […]

Success

Thank you for your time.