2 years ago
November 10, 2022
काठमाडौं (हाम्रो खेलकुद) – तीव्र गतिका बलर कमलसिंह ऐरीको उत्कृष्ट बलिङमा मधेश प्रदेशले प्रधानमन्त्री कप एकदिवसीय राष्ट्रिय प्रतियोगिता पहिलो सेमिफाइनल खेलमा नेपाल एपिएफ क्लबलाई १ सय २३ रनको सामान्य लक्ष्य दिएको छ ।
टियु क्रिकेट मैदानमा टस हारेर पहिला ब्याटिङको निम्तो पाएको मधेश ३१ ओभरमा १ सय २२ रनमा अल आउट भयो । मधेशका लागि रुपेश सिंहले २३ बलमा ४ चौका र २ छक्कासहित सर्वाधिक ३६ रनमा आउट भए । नवौं नम्बरका ब्याटर रुपेश बाहेक अन्य कुनैपनि ब्याटरले राम्रो प्रदर्शन गर्न सकेनन् ।
अन्तिम विकेटका लागि रुपेश र प्रदीप पासवानले २८ रनको साझेदारी गर्दै एक सय रनको आकडा पार गराएका थिए । अन्तिम विकेटका रुपमा प्रदीपलाई कमलसिंह ऐरीले बोल्ड गर्दै अल आउट गरेका थिए ।
चोभार एण्डबाट आएका तीव्र गतिका बलर कमलसिंह ऐरीले सातौं ओभरको तेस्रो बलमा कप्तान हरिशंकर शाहलाई ६ रनमा बोल्ड गर्दै पहिलो सफलता दिलाए । लगत्तै अर्को बलमा कमलले युवा ब्याटर रोहन विकलाई शून्यमा एलबीडब्लू आउट गरे ।
प्रमुख ब्याटर अनिल कुमार शाहलाई कमलले मौसम ढकालबाट १३ रनमा क्याच गराएपछि मधेश ३०–३ को अवस्थामा पुगेको थियो । स्पिनर भुवन कार्कीले ओपनर सन्तोष कार्कीलाई एलबीडब्लू धरापमा पारे ।
१६ औं ओभरको चौथो बलमा विशाल शुश्लिङ सट लेगमा सुमित महर्जनबाट एक रनमा क्याच आउट भए । सुमित महर्जनले नै डाइरेक्ट थ्रोमा ईमरान शेखलाई १६ रनमा रन आउट गरे ।
विवेक यादव किशोर महतोको बलमा बोल्ड हुँदै गोल्डेन डक आउट हुन पुगेका थिए । पूर्ण रुपमा फिट नभएका विवेक यस प्रतियोगितामा राम्रो खेल्न सकेका छैनन् ।
आदिल आलम ३० बलमा १ चौकासहित ११ क्याच आउट भए । राजेश यादवलाई मौसमले १० रनमा बोल्ड गर्दै ८१–८ को दयनीय अवस्थामा पुगेको थियो ।
एपिएफका कमलसिंह ऐरीले ९ ओभरमा १ मेडनसहित २७ रन खर्चेर ४ विकेट लिए । अमरसिंह राउटेलाले ६ ओभरमा १ मेडनसहित १३ रन खर्चेर २ विकेट लिए । मौसम ढकालले ७ ओभरमा ४० रन खर्चेर २ विकेट लिए ।
किशोर महतोले एक विकेट लिए । दोस्रो सेमिफाइनल खेलमा शुक्रबार नेपाल पुलिस क्लब र त्रिभुवन आर्मी क्लबबीच प्रतिस्पर्धा हुनेछ । फाइनल शनिबार हुनेछ ।
May 13, 2024
एजेन्सी – इन्डियन प्रिमियर लिग (आईपीएल) अन्तर्गत गुजरात टाइटन्स र कोलकाता नाइट राइडर्सबीचको खेल एक बल पनि नभईकन रद्द भएको छ । लगातारको वर्षाका कारण टसका साथै खेल सुरु हुन नसकेपछि खेल रद्द भएको हो । गुजरात र कोलकत्ताले खेल रद्द भएका कारण १-१ अंक बाँडेका छन् । यस नतिजा पछि भने गुजरात प्रतियोगिताबाट बाहिरिएको […]
May 13, 2024
काठमाडौँ (हाम्रो खेलकुद) – सुदुरपश्चिम प्रदेशले तेस्रो संस्करणको ललितपुर मेयर्स कप २०८१ महिला क्रिकेट प्रतियोगितामा लगातार दोस्रो जित दर्ता गरेको छ । कोशीलाई लगातार दोस्रो हार चखाउने क्रममा सुदुरले १९ रनको जित दर्ता गर्यो । टस जितेर पहिला ब्याटिङ गरेको सुदुरपश्चिम प्रदेशले सम्झना खड्काको अर्धशतकीय इनिङको मद्दतमा निर्धारित २० ओभरमा ८ विकेटको क्षतिमा ११२ रन […]
May 13, 2024
काठमाडौँ (हाम्रो खेलकुद) – नेपाल एपिएफ क्लबले तेस्रो संस्करणको ललितपुर मेयर्स कप २०८१ महिला क्रिकेट प्रतियोगितामा लगातार दोस्रो जित दर्ता गरेको छ । लगातार दोस्रो जित दर्ता गर्ने क्रममा बागमती प्रदेशलाई ८ विकेटले पराजित गरेको हो । बागमतीले दिएको ७४ रनको सामान्य लक्ष्य एपिएफले ११ ओभरमा २ विकेट गुमाएर पुरा गर्यो । एपिएफका लागि ओपनर […]
