default_image

1 year ago

November 12, 2022

एलेक्स हेल्स : प्रतिबन्धपछि प्रेरणादायी पुनरागमन

अष्ट्रेलियामा जारी आइसिसी टि२० विश्वकप २०२२ को दोस्रो सेमिफाइनल खेलमा भारतलाई १० विकेटले हराउन इंग्ल्यान्डका ओपनर एलेक्स हेल्सले सानदार प्रदर्शन गरे । हेल्स र कप्तान जस बटलरले अद्भुत ब्याटिङ गरेपछि इंग्ल्यान्ड उपाधिनजिक पुगेको हो । उपाधिको दाबेदार भारतलाई हराउन एलेक्स हेल्स र बटलरले दमदार प्रदर्शन गरे । इंग्ल्यान्डलाई जिताउन हिरो बनेका हेल्सका लागि पछिल्लो चार […]

114 views

0 Bookmark

अष्ट्रेलियामा जारी आइसिसी टि२० विश्वकप २०२२ को दोस्रो सेमिफाइनल खेलमा भारतलाई १० विकेटले हराउन इंग्ल्यान्डका ओपनर एलेक्स हेल्सले सानदार प्रदर्शन गरे । हेल्स र कप्तान जस बटलरले अद्भुत ब्याटिङ गरेपछि इंग्ल्यान्ड उपाधिनजिक पुगेको हो । उपाधिको दाबेदार भारतलाई हराउन एलेक्स हेल्स र बटलरले दमदार प्रदर्शन गरे ।

इंग्ल्यान्डलाई जिताउन हिरो बनेका हेल्सका लागि पछिल्लो चार वर्ष भने सम्झनलायक रहेन । अझ भन्नुपर्दा विश्वकप अघिसम्म उनी इंग्ल्यान्डले हेला गरेका क्रिकेटर थिए । इंग्ल्यान्ड क्रिकेट टोलीको लागि सन् २०१९ को एकदिवसीय विश्वकप च्याम्पियन सबैभन्दा ठूलो उपलब्धी र क्षण हो । त्यो त इंग्ल्यान्ड मात्र होईन विश्व क्रिकेट इतिहासकै उत्कृष्ट क्षण थियो । घरेलु मैदानमा विश्वकप, दमदार प्रदर्शन, न्युजिल्यान्डसँग फाइनल टाई अनि सुपरओभर नै बराबर भएपछि बाउन्ड्री बढी प्रहारको आधारमा इंग्ल्यान्ड च्याम्पियन बनेको थियो ।

यस्तो प्रदर्शन सायद विश्व क्रिकेटमा अब विरलै देखिएला । इंग्ल्यान्डले सबैभन्दा उत्कृष्ट क्षण मनाई रहँदा हेल्स त्यस विपरित पिडामा थिए । विश्वकपको मुखैमा उनी टोलीबाट बाहिर हुनुपर्यो । प्रतिबन्धित औषधि प्रयोग गरेको कारण इंग्ल्यान्डले उनलाई विश्वकप सुरु हुन भन्दा एक महिना अघि टोलीबाट हटाएको थियो । २०१९ अप्रिल २९ एलेक्स हेल्सको लागि कालो दिन थियो ।

इंग्ल्यान्डले विश्वकप उपाधि जित्दै धुमधाम खुशी मनाइरहँदा हेल्स मनभरी पिडाका साथ रमाउनु परेको थियो । एक खेलाडीको लागी यो भन्दा पिडा कमै भेटिएला । त्यसपछि हेल्स घरेलु र फ्रेन्चाइज लिगमा फर्किए । उनी जहाँ गएर खेल्थे त्यहाँ प्रदर्शन दमदार गर्थे ।

बिग ब्यास लिग देखि पाकिस्तान सुपर लिगसम्म उनले लगातार सानदार प्रदर्शन गरे । तर इंग्ल्यान्डले उनलाई मौका दिएन । कतिसम्म भने कोरोनाको समयमा इंग्ल्यान्डले पुरै दोस्रो रोजाईको टोली बनाउदा सम्म उनी टोलीमा परेनन् । बरु नयाँ खेलाडीलाई निरन्तर मौका दियो ।

इंग्ल्यान्डले मौका नदिएपछि धेरैले हेल्स टोलीमा फर्किने आशा मार्न थाले । तर हेल्समा एकदिन टोलीमा फर्किने विश्वास थियो । उनी मात्रै मैदानमा अझ आक्रामक बन्न थाले । इंग्ल्यान्ड क्रिकेट बोर्डको चौतर्फ आलोचना भओरह्यो । तत्किाल कप्तान ओईन मोर्गन हेल्सलाई कुनैपनि खेलमा मौका दिएनन् ।

उनै हेल्स दोस्रो सेमिफाइनल खेलमा इंग्ल्यान्डको हिरो बने । कप्तान जस बटलरसँग १ सय ७० रनको साझेदारी गर्दै हेल्सले इंग्ल्यान्डलाई उपाधिबाट मात्रै एक कदम टाढा गराए । हेल्सले ४७ बलमा ४ चौका र ७ छक्कासहित ८६ रनको अविजित इनिङ खेल्दै प्लेयर अफ द म्याच चुनिए । उनले आफ्नो करिअरको उत्कृष्ट इनिङ मात्रै खेलेनन् भारतको विश्वकप उपाधि सपना अन्त्य पारे । उनी इंग्ल्यान्डको टोलीमा फर्किन साढे तीन वर्ष लाग्यो । यो यात्रा सहज भने थिएन ।

प्रमुख ओपनर जोनी बेयरस्टो घाइते भएपछि इंग्ल्यान्डले उनलाई मौका दिएको थियो । मोर्गनले सन्न्यास लिएपछि इंग्ल्यान्ड क्रिकेट बोर्डमा नयाँ निर्देशकको रुपमा पूर्व खेलाडी रब कि आए । उनी आउने वितिक्कै हेल्सले मौका पाउन सक्ने संकेत लिएका थिए । जेसन रोय लगातार फ्लप हुँदा हेल्समाथि आशा थियो ।

इंग्ल्यान्डको विश्वकप टोलीमा हेल्स नपरेपछि उनले निर्देशकलाई फोन गरेका थिए । ‘टोलीमा आफ्नो विचार गर्न सल्लाह दिएका थिए । हेल्सले मलाई फोन गरेका थिए । उनले म किन परेन भनेर प्रश्न गरेका थिए । उनको कुरा पनि सहि थियो’, रब कि ले त्यस समय भनेका थिए ।

हेल्सलाई पछि चोटले नै इंग्ल्यान्डको टोलीमा फर्कायो । तर चोट आफ्नो होईन अरुको । जोनी बेयरस्टो गल्फ खेल्ने क्रममा खुट्टामा घाइते पाएपछि हेल्सले टोलीमा फर्किने अवसर पाएका थिए । २०१९ मार्चमा वेस्टइन्डिजविरुद्ध खेलेका हेल्सले गत सेप्टेम्बर २० मा पाकिस्तानसँग पहिलो खेल खेलेका थिए । हेल्सले पूनरागमनको पहिलो खेलमै ५३ रन जोड्दै पूनरागमन गरेका थिए । तर पाकिस्तानसँगको सात टि२० आई खेलको सिरिजमा उनको प्रदर्शन अपेक्षा अनुसार रहेन । तर इंग्ल्यान्डले उनलाई निरन्तर साथ दियो ।

अक्टोबर ९ मा अष्ट्रेलियाविरुद्ध ८४ रनको उत्कृष्ट इनिङ खेल्दै बटलरसँग विश्वकपमा ओपनिङ पक्का गराए । हेल्स राम्रो नखेल्दा फिलिप साल्ट उनको विकल्पमा थिए । तर बटलरले आफ्नो उत्कृष्ट जोडी हेल्सलाई नै माने ।

हेल्स पहिलो खेलमा अफगानिस्तानसँग २० बलमा १९ रन बनाउँदै आउट भए । दोस्रो खेलमा उनी आयरल्यान्डसँग ७ रनमा आउट भए । वर्षाले प्रभावित खेलमा इंग्ल्यान्ड आयरल्यान्डसँग पाँच रनले स्तब्ध हुन पुग्यो । आयरल्यान्डको त्यस हारले इंग्ल्यान्डलाई बाँकी सबै खेल जित्नु पर्ने दबाब थियो । प्रमुख टोली अष्ट्रेलिसँग अंक बाँड्यो ।

न्युजिल्यान्डलाई हराउनै पर्ने खेलमा हेल्सले ५२ रन जोड्दै आउट भएका थिए । श्रीलंकाविरुद्ध ३० बलमा ४७ रन बनाउँदै सेमिफाइनलमा स्थान पक्का गराए । खेलपछि हेल्सले पुन विश्वकप खेल्न पाउनेमा आशा नगरेको बताए ।

‘मैले सोचेको थिइनँ फेरी विश्वकप खेल्न पाउँछु भनेर । फेरी यो अवसर पाएकोमा खुसी थिएँ । अष्ट्रेलियामा आएर उपलब्धि हासिल गरेका छौं । आज जसले (बटलर) ले पनि उत्कृष्ट खेले’, हेल्सले भने ।

कप्तान जस बटलरले खेलपछि हेल्सले आफ्नो लयलाई कायम राख्दै पिचको मज्जाले फाइदा उठाएको बताए । ‘हेल्सले पिचको राम्रो फाइदा उठाउँदै आफ्नो लयलाई देखाए । उनको आज उत्कृष्ट रह्यो । यो मज्जा लिुन महत्वपूर्ण छ । हाम्रो तर्फबाट उत्कृष्ट प्रदर्शन थियो’, बटलरले भने ।

हेल्स इंग्ल्यान्डबाट टि२० आईमा शतक हान्ने पहिलो खेलाडी हुन् । २०१४ को टि२० विश्वकपमा हेल्सले श्रीलंकाविरुद्ध ६४ बलमा १ सय १६ रनको सानदार शतकीय इनिङ खेलेका थिए । यो एकै इनिङमा सर्वाधिक रनको उपलब्धि समेत हो । हेल्सपछि जस बटलर, डेविड मलान र लियाम लिभिङस्टोनले शतक हानेका छन् ।

२०१९ को समयमा हेल्स टि२० का सर्वाधिक सफल ब्याटर मध्यका एक थिए । अग्ला कदका हेल्समाथि प्रतिबन्धित औषधि प्रयोगको विषयमा इंग्ल्यान्डले ठूलो एक्सन लियो । तर हेल्सले आफ्नो खेल्ने शैलीलाई भने फेरेनन् । उनको प्रदर्शनबाट सबै प्रभावित थिए । तर मोर्गन भने उनलाई टोलीमा राख्न चाहेनन् ।

साढे तीन वर्षपछि उनले इंग्ल्याल्डको टोलीमा मौका पाए । घरेलु होस् वा अन्तर्राष्ट्रिय हेल्सको खेल्ने शैली उस्तै छ । त्यसैपनि इंग्ल्यान्ड विष्फोटक ब्याटिङका लागि चिनिन्छ । आइतबार इंग्ल्यान्डले फाइनलमा पाकिस्तानसँग खेल्नेछ । उक्त खेलमा इंग्ल्यान्ड हेल्सबाट उत्कृष्ट प्रदर्शन चाहन्छ । हेल्सलाई आफ्नो उत्कृष्ट प्रदर्शनमा च्याम्पियन बनाउने राम्रो अवसर छ । हेल्स आफै पनि २०१९ को पिडा पूर्ण रुपमा भुल्न विश्वकप जित्न चाहन्छन् ।

एजेन्सीको सहयोगमा भूपेन्द्र जिसी

April 19, 2024

नाटकीय खेलमा मुम्बईको जित

एजेन्सी –आशुतोष शर्माको सानदार ब्याटिङका बाबजुद पञ्जाब किंग्स मुम्बई इण्डियन्ससँग बिहीबार इण्डियन प्रिमियर लिग (आइपिएल) मा नाटकीय शैलीमा ९ रनले पराजित भएको छ । पञ्जाबको लागि आठौं क्रमका ब्याटर आशुतोष शर्माले ६१ रन बनाएपनि जितको लागि प्रयाप्त भएन । मुम्बइको जितमा सूर्य कुमारले अर्धशतकीय पारी खेले । मुम्बईका जसप्रित बुमराह र जेराल्ड कोएट्जेको बलिङ महत्वपुर्ण […]

April 18, 2024

गण्डकीलाई पहिलो सफलता

काठमाडौं (हाम्रो खेलकुद) – विपिन खत्रीको उत्कृष्ट बलिङमा मधेश प्रदेशलाई ८ विकेटले हराउँदै गण्डकी प्रदेशले वीर गणेशमान सिंह राष्ट्रिय टी-ट्वान्टी च्याम्पिनसिपमापहिलो जित दर्ता गरेको छ। लगातार २ हारपछि पहिलो जित निकाल्ने क्रममा गण्डकीका अर्जुन कुमालले नटआउट ४९ रन बनाए।माथिल्लो मुलपानी मैदानमा जितको लागि १ सय ३ रनको लक्ष्य गण्डकीले १६.३ ओभरमा २ विकेटको नोक्सानीमा पुरा […]

April 18, 2024

कर्णालीमाथि लुम्बीनीको सहज जित

काठमाडौं (हाम्रो खेलकुद) – वीर गणेशमान सिंह राष्ट्रिय टी-ट्वान्टी च्याम्पिनसिप बिहीबार भएको कम योगफलको खेलमा लुम्बिनी प्रदेशले कर्णाली प्रदेशलाई ७ विकेटले सहजै हराएको छ। लुम्बिनीको जितमा कप्तान देव खनालले अर्धशतक बनाए। लुम्बीनीको यो दोस्रो जित हो। ८२ रनको सहज लक्ष्य लुम्बिनीले १२.२ ओभरमा मात्र ३ विकेटको नोक्सानीमा पुरा गर्यो। कप्तान देवले उत्कृष्ट ब्याटिङ गरे। उनले […]

Success

Thank you for your time.