2 years ago
November 11, 2022
काठमाडौं (हाम्रो खेलकुद) – युवा ब्याटर रोहित पौडेल नेपाली क्रिकेट टोलीको नयाँ कप्तानमा नियुक्त भएका छन् । नेपाल क्रिकेट संघ (क्यान) ले रोहितलाई कप्तानमा नियुक्त गरेको हो ।
पूर्व कप्तान सन्दीप लामिछानेलाई १७ वर्षीय बालिका बलात्कारको आरोप लागेपछि क्यानले भदौ २३ मा नै बर्खास्त गरेको हो ।
२० वर्षीय रोहितले नेपाली क्रिकेट टोलीबाट दुई महिना अघि केन्या भ्रमणमा कप्तानी गरेका थिए । केन्यासँगको तीन एकदिवसिय अभ्यास खेलमा रोहित कप्तानी गर्दै क्लिनस्विप दिलाएका थिए । रोहितले नेपाली यू१९ टोलीको कप्तानी पनि सम्हालि सकेका छन् ।
रोहितले नेपालबाट २५ खेलमा ओडिआई खेलमा १ शतक र ५ अर्धशतकसहित कुल ८ सय ८ रन बनाएका छन् । त्यस्तै रोहितले २१ टि२० आई र ४० लिष्ट ए खेल खेलेका छन् । सन् २०१८ मा डिभिजन २ मा नामिबियासँग डेब्यू गरेका रोहितले त्यसपछि लगातार उच्च प्रदर्शन गर्दै आएका छन् ।
गत कार्तिकमा नेपालले रोहित पौडेललाई उपकप्तानमा नियुक्त गरेको थियो । क्यानले गत भदौ २३ मा सन्दीपलाई बर्खास्त गरेको थियो । त्यसपछि कप्तान नियुक्त गरेको थिएन । रोहितले सोमबार देखि घरेलु मैदान टियुमा युएईसँग हुने तीन ओडिआई खेलबाट कप्तानी सुरुवात गर्नेछन् ।
क्यानको कप्तानी दौडमा रोहित, दीपेन्द्रसिंह ऐरी र ज्ञानेन्द्र मल्ल थिए । क्यानको शुक्रबार बसेको बैठकले रोहितलाई कप्तानको जिम्मेवारी दिएको जनाएको छ । रोहित युवा खेलाडीका भरपर्दा ब्याटर हुन् । उनी मध्यक्रममा राम्रो ब्याटिङ गर्ने गर्दछन् ।
गत मार्चमा रोहितले टियुमा पपुवा न्युगिनीविरुद्ध १ सय २६ रनको शतकीय इनिङ खेलेका थिए । जुन कुनैपनि एक ब्याटरले एक अन्तर्राष्ट्रिय इनिङमा खेलेको सर्वाधिक उच्च प्रदर्शन हो ।
December 3, 2024
काठमाडौं(हाम्रो खेलकुद) – सिद्धार्थ बैंक नेपाल प्रिमियर लिग(एनपिएल) को आजको दोस्रो खेलमा पोखरा एभेन्जर्स ७४ रनमा अल आउट भएको छ । चितवन राइनोजले पोखरा एभेन्जर्सलाई ८७ रनमा पराजित गरेको हो । मंगलवारको दोस्रो खेलमा चितवनले दिएको १ सय ६२ रनको प्रतिस्पर्धात्मक लक्ष्य पछ्याएको पोखरा ७४ रन बनाउँदै १३.२ ओभरमा अल आउट भएको हो । पोखराका […]
December 3, 2024
काठमाडौं(हाम्रो खेलकुद) – नेपाल प्रिमियर लिग(एनपिएल) को सुरुवात टिमले चाहे अनुसारको हुन नसकेको विराटनगरका कप्तान सन्दीप लामिछानेले बताएका छन् । सिद्धार्थ बैंक एनपिएलमा सुरुवाती दुई खेलमा लगातार पराजित पछि कुराकानी गर्दै आफु लगायतको प्रदर्शन सोचेको जस्तो आउन नसकेको कप्तान सन्दीपले बताए । ‘टोलीमा म लगायतबाट जुन आशा रहेको थियो । त्यस अनुसारको प्रदर्शन देखाउन सकेका […]
December 3, 2024
काठमाडौं(हाम्रो खेलकुद)- सिद्धार्थ बैंक नेपाल प्रिमियर लिग(एनपिएल)को आजको दोस्रो खेलमा चितवन राइनोजले पोखरा एभेन्जर्सलाई प्रतिस्पर्धात्मक लक्ष्य दिएको छ । मंगलवारको दोस्रो खेलमा चितवनले पोखरालाई १ सय ६२ रनको प्रतिस्पर्धात्मक लक्ष्य दिएको हो । टियु क्रिकेट मैदानमा टस हारेर ब्याटिङको निम्तो पाएको चितवनले निर्धारित २० ओभरमा ७ विकेट गुमाएर १ सय ६१ रनको प्रतिस्पर्धात्मक योगफल तयार […]
