2 years ago
November 12, 2022
भूपेन्द्र जिसी, काठमाडौं
त्रिभुवन आर्मी क्लबका तीव्र गतिका बलर सोमपाल कामीलाई खेलाउने वा नखेलाउने विवादका कारण प्रधानमन्त्री कप एकदिवसीय राष्ट्रिय प्रतियोगिताको फाइनल खेल सुरु हुन सकेको छैन ।
आर्मी र एपिएफबीचको खेल बिहान ९ बजे टियु क्रिकेट मैदानमा सुरु हुनुपर्ने हो । नियम अनुसार टस विहान ८:३० मा हुनुपर्ने थियो । तर आर्मीले प्लेइङ ११ मा सोमपालको नाम समावेश गरेपछि एपिएफका कप्तान शरद भेषावकरले टस गर्न मानेनन् । म्याच रेफ्री बुद्धि बहादुर प्रधानसमक्ष उनले आर्मीले सोमपाललाई प्लेइङ ११ मा समावेश गर्न नपाउने तर्क राखेका थिए ।
आर्मीले १४ सदस्यीय टोलीमा अनिल मण्डलको स्थानमा सोमपाल कामीलाई प्रतिस्थापन गर्दै प्लेइङ ११ मै राखेको थियो । तर उनै सोमपालको स्थानमा प्रतियोगिता चल्दा अनिल समावेश भएका थिए । प्रतियोगिताको सुरुवातमा सोमपालको नाम आर्मीको टोलीमा थियो । डेंगु संक्रमणका कारण उनले खेल्नेमा शंका बढेपछि आर्मीले सोमपालको स्थानमा अनिललाई टोलीमा राख्यो । तर फाइनलका लागि भने आर्मीले सोमपाललाई टोलीमा समेट्यो ।
आर्मीले खेलाडी परिवर्तनका लागि २४ घण्टाअघि नै निवेदन दिएकोमा प्रतियोगिताको प्राविधिक समितिले स्वीकृति दिएको थियो । प्राविधिक समितिको त्रुटीकै कारण खेल सुरु हुन नसकेको हो ।
एपिएफका कप्तान शरद भेषावकर, आर्मीका कप्तान विनोद भण्डारी र म्याच अफिसियलबीच टियु मैदानमा लगातार छलफल भएपनि निष्कर्ष निस्कन सकेन ।
एपिएफले प्रतियोगितामा नाम समावेश गरेका खेलाडी चोटका कारण बाहिर भएपछि पुन: समावेश गर्न नपाइने अडान राखेको थियो । आर्मीले खेलाडी परिवर्तन गरेकोबारे म्यानेजरलाई कुनै जानकारी नदिइएको एपिएफको भनाइ छ । आर्मीले भने प्राविधिक समितिको स्वीकृति आइसकेको हुँदा खेल्न पाउनुपर्ने अडान राखेको छ ।
आर्मीले सोमपाल कार्मीलाई पहिलो खेलमा एपिएफ क्लबविरुद्ध बुझाएको १४ खेलाडीको लिष्टमा राखेको थियो । सुदूरपश्चिमविरुद्ध पनि सोमपाल अन्तिम १४ मा थिए । मुलपानी क्रिकेट मैदानमा गण्डकीविरुद्ध भने सोमपालको स्थानमा आर्मीले अनिल मण्डललाई खेलाएको थियो । सोमपाललाई १४ सदस्यीय टोलीबाट बाहिर राख्दै आर्मीले ओपनर अनिल मण्डललाई खेलाएको थियो ।
त्यसपछि कर्णालीविरुद्ध खेल्दा भने सोमपाल अन्तिम १५ मा थिएनन् । कर्णालीविरुद्ध सोमपालको स्थानमा अनिल मण्डल थिए । सेमिफाइनल खेलमा पनि पुलिस क्लबविरुद्ध पनि सोमपाल अन्तिम १५ मा थिएनन् । आर्मीले अनिलकै स्थानमा सोमपलको प्रतिस्थापन माग गरेको थियो । माग गरेको २४ घण्टा नपुगेपछि पुलिसविरुद्ध खेल भने उनले गुमाउन पुगेका थिए ।
आर्मीले सेमिफाइनल खेलमा नेपाल पुलिस क्लबलाई दुई विकेटले हराउँदै फाइनलमा स्थान बनाएको थियो । एपिएफले मधेश प्रदेशलाई ७ विकेटले हराउँदै फाइनलमा स्थानएको थियो । एपिएफ दोस्रो संस्करण र आर्मी चौथो संस्करणको च्याम्पियन टोली हुन् । आर्मी पाँच संस्करणमा सबै फाइनल खेल्ने एक्लो टोली हो ।
July 27, 2024
एजेन्सी – श्रीलंकाविरुद्ध ३ खेलको टि-ट्वान्टी सिरिजको पहिलो खेल पाल्लेकेलेमा शनिबार सुरु हुँदा त्यो भारतीय क्रिकेटका लागि नयाँ युगको सुरुवात रुपमा हेरिने अनुमान गरिएको छ। खेल नेपाली समय अनुसार साँझ सबा ७ बजे सुरु हुनेछ।टि ट्वान्टी विश्वकपको उपाधि जितेपछि भारत कप्तान रोहित शर्मा, विराट कोहली र रविन्द्र जडेजाले टि ट्वान्टी आईबाट सन्न्यास लिएका थिए। सूर्यकुमार […]
July 27, 2024
काठमाडौं (हाम्रो खेलकुद) – क्यानडामा जारी ग्लोबल टि ट्वान्टी लिगमा नेपाली क्रिकेट टोलीका अलराउन्डर दीपेन्द्रसिंह ऐरी र लेग स्पिनर सन्दीप लामिछानेआबद्ध टोलीले दोस्रो खेल खेल्नेछ । दीपेन्द्र र सन्दीपआबद्ध भेनकुवर नाईट्सले दोस्रो खेल आज खेल्दैछ । भेनकुवरले दोस्रो खेलमा बंगाल टाईगर्सको सामना गर्दैछ । भेनकुवर र बंगालबीचको खेल क्यानडाको सिएए सेन्टर, ब्राम्पटनमा नेपाली समय अनुसार […]
July 27, 2024
एजेन्सी – स्कटल्यान्डले विश्वकप लिग टु सिरिज अन्तर्गतको खेलमा नामिबियामाथि सहज जित हात पारेको छ । आइसीसी क्रिकेट विश्वकप लिग टु सिरिज अन्तर्गत स्कटल्यान्डमा जारी ओमान, नामिबिया र घरेलु टोलीबीचको त्रिकोणात्मक सिरिजको छैटौं खेलमा स्कटल्यान्डले १ सय ३८ रनको फराकिलो जित हात पारेको हो । स्कटल्यान्डले दिएको ३ सय २ रनको लक्ष्य पछ्याएको नामिबिया ४०.१ […]