default_image

1 year ago

November 12, 2022

दीपेन्द्र सर्वोत्कृष्ट खेलाडी, करण उत्कृष्ट बलर

काठमाडौं (हाम्रो खेलकुद) – नेपाल पुलिस क्लबका कप्तान दीपेन्द्रसिंह ऐरी प्रधानमन्त्री कप एकदिवसीय राष्ट्रिय प्रतियोगिता सर्वोत्कृष्ट खेलाडी चुनिएका छन् । पुलिसलाई सेमिफाइनल सम्म पुर्याउन सानदार प्रदर्शन गरेका दीपेन्द्र प्रतियोगिता सर्वोत्कृष्ट खेलाडी र ब्याटर चुनिएका हुन् । दीपेन्द्रले प्रतियोगिताभर ५ खेलमा दुई शतक, एक अर्धशतकसहित ३ सय ५६ रन बनाए । दीपेन्द्रले पहिलो खेलमा बागमती प्रदेशविरुद्ध […]

131 views

0 Bookmark

काठमाडौं (हाम्रो खेलकुद) – नेपाल पुलिस क्लबका कप्तान दीपेन्द्रसिंह ऐरी प्रधानमन्त्री कप एकदिवसीय राष्ट्रिय प्रतियोगिता सर्वोत्कृष्ट खेलाडी चुनिएका छन् । पुलिसलाई सेमिफाइनल सम्म पुर्याउन सानदार प्रदर्शन गरेका दीपेन्द्र प्रतियोगिता सर्वोत्कृष्ट खेलाडी र ब्याटर चुनिएका हुन् ।

दीपेन्द्रले प्रतियोगिताभर ५ खेलमा दुई शतक, एक अर्धशतकसहित ३ सय ५६ रन बनाए । दीपेन्द्रले पहिलो खेलमा बागमती प्रदेशविरुद्ध १ सय ८ रनको शतकीय इनिङ खेल्नुको साथै तीन विकेट लिएका थिए ।

प्रदेश १ विरुद्ध १४ रन बनाउँदा दुई विकेट लिएका थिए । लुम्बिनी प्रदेशविरुद्ध ४३ रन बनाउनुको साथै चार विकेट लिएका थिए ।

मधेश प्रदेशविरुद्ध ५१ रनमा आउट भएका थिए । दीपेन्द्रले सेमिफाइनल खेलमा आर्मीविरुद्ध १ सय २५ बलमा ११ चौका र ५ छक्कासहित १ सय ४० रनको शतकीय इनिङ खेले ।

दीपेन्द्रले सर्वोत्कृष्ट खेलाडी वापत ५० हजार रुपैयाँ प्राप्त गर्नेछन् । उत्कृष्ट ब्याटर वापत २० हजार प्राप्त गर्नेछन् । पुलिसकै करण केसी प्रतियोगिता उत्कृष्ट बलर चुनिए । करणले २० हजार रुपैयाँ प्राप्त गर्नेछन् ।

करणले ५ खेलमा ३४ ओभर बलिङ गर्दै १ सय २२ रन खर्चेर १३ विकेट लिए । करणले सेमिफाइनल खेलमा ६ विकेटले लिएका थिए । मधेशसँग तीन, लुम्बिनी र बागमतीविरुद्ध दुई दुई विकेट लिए ।


त्यस्तै प्रतियोगिता उदीयमान बलर एपिएफका मौसम ढकाल चुनिए । एपिएफलाई च्याम्पियन बनाउन मौसमले ६ खेलमा १५ विकेट लिँदै शीर्ष स्थानमा रहे । मौसमले कर्णाली र गण्डकीविरुद्ध चार चार विकेट लिएका थिए । सुदूरपश्चिम र मधेश प्रदेशविरुद्ध दुई दुई विकेट लिए । फाइनलमा आर्मीविरुद्ध तीन विकेट लिएका थिए ।

एपिएफले आर्मीलाई ४ विकेटले हराउँदै उपाधि जितेको छ । एपिएफले दोस्रो पटक उपाधि जितेको हो । च्याम्पियन एपिएफले १० लाख र उपविजेता आर्मीले पाँच लाख रुपैयाँ प्राप्त गरे । सेमिफाइनलमा पुगेका मधेश र पुलिसले ५०-५० हजार रुपैयाँ प्राप्त गर्नेछन् ।

जितको लागि १ सय ८० रनको विजयी लक्ष्य पछ्याएको एपिएफले ३८.३ ओभरमा ६ विकेट गुमाउँदै पूरा गर्यो । एपिएफको जितमा भुवन कार्कीले ८८ बलमा ४ चौका र १ छक्कासहित सर्वाधिक ५५ रन बनाए ।

त्यसअघि टियु क्रिकेट मैदानमा टस हारेर पहिला ब्याटिङको निम्तो पाएको आर्मी ३९ ओभरमा १ सय ७९ रनमा अल आउट भयो । आर्मीका युवा ब्याटर रोहित पौडेलले ५६ बलमा ३ चौकासहित सर्वाधिक ४९ रन बनाए । कुशल मल्ल १४ बलमा १ चौका र १ छक्कासहित १६ रनमा आउट भए । राजेश पुलामी मगर ३१ बलमा १ चौकासहित १८ रनमा आउट भए ।

April 18, 2024

गण्डकीलाई पहिलो सफलता

काठमाडौं (हाम्रो खेलकुद) – विपिन खत्रीको उत्कृष्ट बलिङमा मधेश प्रदेशलाई ८ विकेटले हराउँदै गण्डकी प्रदेशले वीर गणेशमान सिंह राष्ट्रिय टी-ट्वान्टी च्याम्पिनसिपमापहिलो जित दर्ता गरेको छ। लगातार २ हारपछि पहिलो जित निकाल्ने क्रममा गण्डकीका अर्जुन कुमालले नटआउट ४९ रन बनाए।माथिल्लो मुलपानी मैदानमा जितको लागि १ सय ३ रनको लक्ष्य गण्डकीले १६.३ ओभरमा २ विकेटको नोक्सानीमा पुरा […]

April 18, 2024

कर्णालीमाथि लुम्बीनीको सहज जित

काठमाडौं (हाम्रो खेलकुद) – वीर गणेशमान सिंह राष्ट्रिय टी-ट्वान्टी च्याम्पिनसिप बिहीबार भएको कम योगफलको खेलमा लुम्बिनी प्रदेशले कर्णाली प्रदेशलाई ७ विकेटले सहजै हराएको छ। लुम्बिनीको जितमा कप्तान देव खनालले अर्धशतक बनाए। लुम्बीनीको यो दोस्रो जित हो। ८२ रनको सहज लक्ष्य लुम्बिनीले १२.२ ओभरमा मात्र ३ विकेटको नोक्सानीमा पुरा गर्यो। कप्तान देवले उत्कृष्ट ब्याटिङ गरे। उनले […]

April 17, 2024

आइपिएलमा दिल्लीसँग गुजरातको हार

एजेन्सी – दिल्ली क्यापिटल्सले इन्डियन प्रिमियर लिग (आइपिएल) मा तेस्रो जित हासिल गरेको छ । दिल्लीले बुधबार गुजरात टाइटेन्सलाई ६ विकेटले हराएको छ । टस जितेर फिल्डिङ रोज्ने दिल्लीको निर्णय सहि साबित भएको थियो । ९० रनको सामान्य लक्ष्य पछ्याएको दिल्लीले ६७ बल बाँकी रहँदा ४ विकेट गुमाएर ९२ रन बनाएको थियो । दिल्लीका लागि […]

Success

Thank you for your time.