2 years ago
November 13, 2022
एजेन्सी – आइसिसी टि२० विश्वकप २०२२ को फाइनलमा आज पाकिस्तान र इंग्ल्यान्डबीच प्रतिस्पर्धा हुँदैछ । खेल नेपाली समय अनुसार दिउँसो १:४५ मा मेलबर्न क्रिकेट ग्राउन्डमा सुरुहुनेछ ।
आइसिसीले प्रदान गर्ने विश्वकपको सबैभन्दा ठूलो ब्यक्तिगत अवार्ड प्लेयर अफ द टुनामेन्ट (सर्वोत्कृष्ट खेलाडी) फाइनलपछि सार्वजनिक हुनेछ । फाइनलमा उपाधि जिताउने खेलाडी सधैं पहिलो प्राथामिकतामा हुनेछन् । तर उपाधि जितेको भन्दा बाहिरका खेलाडीले पनि पाउन सक्छन् ।
यस टि२० विश्वकप २०२२ को सर्वोत्कृष्ट खेलाडी बन्नसक्ने पाँच प्रमुख दाबेदार खेलाडी यस प्रकार छन् ।
५. विराट कोहली (भारत)
भारतीय क्रिकेट टोलीका प्रमुख ब्याटर विराट कोहली सर्वोत्कृष्ट खेलाडीका दाबेदार हुन् । भारतलाई सेमिफाइनल सम्म पुर्याउन कोहलीले उत्कृष्ट प्रदर्शन गरेका थिए ।
कोहलीले ६ खेलमा ४ मा अर्धशतकसहित २ सय ९६ रन बनाएका छन् । कोहलीले पहिलो खेलमा पाकिस्तानलाई ४ विकेटले हराउन ८२ रनको उत्कृष्ट इनिङ खेलेका थिए । नेदरल्यान्ड्ससँग ६२, दक्षिण अफ्रिकासँग १२, बंगलादेशसँग ६४, जिम्बावेसँग २६ र इंग्ल्यान्डसँग ५० रनमा आउट हुन पुगेका थिए ।
४. एलेक्स हेल्स (इंग्ल्यान्ड)
इंग्ल्यान्डका ओपनर एलेक्स हेल्स सर्वोत्कृष्ट खेलाडीका दाबेदार खेलाडी हुन् । इंग्ल्यान्डलाई फाइनल सम्म पुर्याउन हेल्सले महत्वपूर्ण खेलमा सानदार प्रदर्शन गरेका छन् । भारतलाई फाइनलमा १० विकेटले हराउन हेल्सले ८७ रनको इनिङ खेलेका थिए ।
हेल्सले यस प्रतियोगितामा ५ खेलमा २ अर्धशतकसहित कुल २ सय ११ रन बनाएका छन् । हेल्सले न्युजिल्यान्डविरुद्ध ५२ र श्रीलंकाविरुद्ध ४७ रन बनाएका थिए । फाइनलमा पाकिस्तानविरुद्ध सानदार प्रदर्शन गर्दै च्याम्पियन बनाएमा उनी सर्वोत्कृष्ट खेलाडी बन्न सक्छन् ।
३. शाहिन शाह अफ्रिदी (पाकिस्तान)
पाकिस्तानका बायाँ हाते तीव्र गतिका बलर शाहिन शाह अफ्रिदीले यस प्रतियोगितामा सानदार प्रदर्शन गरेका छन् । पहिलो खेलमा भारतविरुद्ध विकेट विहीन बेनेपछि त्यसपछि अफ्रिदीले उत्कृष्ट प्रदर्शन गरेका हुन् । अफ्रिदीले ६ खेलमा १० विकेट लिएका छन् ।
अफ्रिदीले पछिल्ला तीन महत्वपूर्ण खेलमा सानदार प्रदर्शन गरेका छन् । दक्षिण अफ्रिकाविरुद्ध अफ्रिदीले ३ ओभरमा १४ रन खर्चेर तीन विकेट लिएका थिए । बंगलादेशविरुद्ध अफ्रिदीले ४ ओभरमा २२ रन खर्चेर ४ विकेट लिँदै प्लेयर अफ द म्याच चुनिएका थिए ।
सेमिफाइनलमा न्युजिल्यान्डविरुद्ध दुई महत्वपूर्ण विकेट लिएका थिए । फाइनलमा आज राम्रो प्रदर्शन गर्दा उनी थप दाबेदार बन्नेछन् ।
२. साम करन (इंग्ल्यान्ड)
इंग्ल्यान्डलाई फाइनल सम्म पुर्याउन युवा अलराउन्डर साम करनले डेथ ओभरमा सानदार प्रदर्शन गर्दै आएका छन् । यस विश्वकपमा पाँच विकेट लिने एक्लो बलर समेत रहेका साम करन विश्वकप जित्दा सर्वोत्कृष्ट खेलाडीका दाबेदार खेलाडी हुनेछन् ।
साम करनले ५ ओभरमा १८.४ ओभर बलिङ गर्दै ७.२८ को इकोनमीमा रन खर्चेर १० विकेट लिएका छन् । साम करनले पहिलो खेलमै अफगानिस्तानविरुद्ध ३.४ ओभरमा १० रन खर्चेर ५ विकेट लिएका थिए । आयरल्यान्ड र न्युजिल्यान्डसँग समान दुई दुई विकेट लिएका थिए । श्रीलंकासँग एक र भारतविरुद्ध विकेट विहीन बनेका थिए ।
१. शादब खान (पाकिस्तान)
पाकिस्तानका अलराउन्डर शादब खान यस विश्वकपमा सर्वोत्कृष्ट खेलाडीका प्रमुख दाबेदार हुन् । पाकिस्तानलाई फाइनल सम्म पुर्याउन शादब खानले ब्याटिङ, बलिङ र फिल्डिङ तीनै क्षेत्रमा सानदार प्रदर्शन गरेका छन् ।
पाकिस्तानले उपाधि जित्दा उनी सर्वोत्कृष्ट खेलाडी बन्ने उच्च सम्भावना छ । पराजित हुँदा पनि शादब प्रमुख दाबेदारको रुपमा छन् । शादब खानले ६ ओभरमा २२ ओभर बलिङ गर्दै ६.५९ को इकोमनीमा रन खर्चिदै कुल १० विकेट लिएका छन् ।
ब्याटिङतर्फ ७८ रन बनाएका छन् । शादबले भारतविरुद्ध ४ ओभरमा मात्रै २१ रन खर्चेका थिए । जिम्बावेविरुद्ध तीन विकेट लिँदा १७ रन जोडेका थिए । नेदरल्यान्ड्सविरुद्ध पनि तीन विकेट लिएका थिए । दक्षिण अफ्रिकाविरुद्ध ५२ रन बनाउँदा तीन विकेट लिएका थिए । उक्त खेलमा शादब खानले २० बलमै अर्धशतक हानेका थिए । बंगलादेशविरुद्ध दुई विकेट लिएका थिए ।
May 15, 2024
काठमाडौं (हाम्रो खेलकुद)- स्पिनर सन्दीप लामिछाने टि ट्वान्टी विश्वकप खेल्न अमेरिका र वेस्ट इन्डिज जाने बाटो खुलेको छ । नेपाल क्रिकेट संघ (क्यान) ले निलम्बन फुकुवा गरेसँगै सन्दीपलाई राष्ट्रिय क्रिकेट टोलीबाट खेल्ने बाटो खुलेको हो। आईसीसी टी-२० विश्वकप २०२४ खेल्न सन्दीपलाई अमेरिका र वेष्टइण्डिज पठाउने तयारी सुरु गरेको क्यानका कोषाध्यक्ष पदम खड्काले जानकारी दिए।उच्च अदालत […]
May 15, 2024
काठमाडौं (हाम्रो खेलकुद)- क्रिकेटर सन्दीप लामिछानेले बुधबार बलात्कार मुद्दामा सफाइ पाएका छन्। काठमाडौं जिल्ला अदालतबाट बलात्कार मुद्दामा दोषी ठहर भएका क्रिकेटर सन्दीपले ले उच्च अदालत, पाटनबाट सफाइ पाएका हुन्। उच्च अदालत, पाटनका न्यायाधीशद्वय सुदर्शनदेव भट्ट र अञ्जु उप्रेती ढकालको इजलासले यो निर्णय गरेको हो।मंगलबार र बुधबार लगातार भएको सुनुवाइपछि उच्च अदालतको यो निर्णय आएको हो। जिल्ला अदालतको […]
May 15, 2024
काठमाडौँ (हाम्रो खेलकुद) – टियु क्रिकेट मैदानमा जारी ललितपुर मेयर्स कपमा बागमती प्रदेशले पहिलो जित दर्ता गरेको छ । पहिलो जित दर्ता गर्ने क्रममा बागमतीले वर्षाले प्रभावित खेलमा जितविहिन कोशी प्रदेशलाई ८ विकेटले हराएको हो । ढिलो सुरुवात भएका कारण १३ ओभरमा घटाइएको खेलमा बागमतीले कोशीले पस्किएको ६४ रनको लक्ष्य ११.२ ओभरमा २ विकेट गुमाएर […]