एजेन्सी – पन्जाब किंग्सले इन्डियन प्रिमियर लिग (आइपिएल) २०२३ को लागि कप्तान मयंक अग्रवाललाई टोलीबाट फुकुवा (रिलिज) गरेको छ । गतवर्ष कप्तानमा नियुक्त गरेको ओपनर मयंक अग्रवाललाई टोलीबाट फुकुवा गर्ने निर्णय लिएको हो ।

अग्रवाललाई पन्जाबले फुकुवा गरेपछि ओपनर शिखर धवनलाई कप्तान बनाएको छ । पन्जाबले मयंक अग्रवाललाई १२ करोड भारुमा गतवर्ष टोलीमा राखेको थियो । ९ करोड भारुमा किनेको युवा अलराउन्डर शाहरुख खानलाई टोलीमै राख्ने (रिटेन) भएको छ । पन्जाबले जोनी बेयरस्टो, लियाम लिभिङस्टोन र कागिसो रबाडालाई भने टोलीमै राख्ने भएको छ ।

सनराइजर्स हैदराबादले कप्तान केन विलियम्सनलाई फुकुवा गरेको छ । हैदराबादले केन विलियम्सनलाई १४ करोड भारुमा किनेको थियो । गतवर्ष हैदराबादले विलियम्सनलाई पहिलो रोजाईमा टोलीमा राखेको थियो । अफगानिस्तानका लेगस्पिनर राशिद खानलाई फुकुवा गर्दै गुजरात पठाएको थियो । तर पछिल्लो समय विलियम्सनको टि२० प्रदर्शनमा प्रश्न उठ्दै आएको छ । विश्वका वर्तमान समयका उत्कृष्ट कप्तान केन विलियम्सनलाई हैदराबादले फुकुवा गर्ने निर्णय लिएको हो ।

वेस्टइन्डिजका कप्तान निकोलस पुरनलाई पनि टोलीबाट फुकुवा गरेको छ । पुरनलाई हैदराबादले १० करोड ७५ लाख भारुमा किनेको थियो । पुरनको भने प्रदर्शन राम्रो छैन । विकेटकिपर ब्याटर पुरनले पछिल्लो समय लगातार खराब प्रदर्शन गर्दै आएका छन् ।

आज खेलाडी रिटेन र लिलिजको अन्तिम दिन हो । मिनि अक्सन आगमी २३ डिसेम्बरमा हुनेछ ।

पन्जावले फुकुवा गरेको खेलाडी : मयंक अग्रवाल, ओडेन स्मिथ, विभव आरोरा, बेनी होवेल, ईशान पोरेल, अन्श पटेल, प्रेरक मंन्काड, सन्दीप शर्मा र व्रिटिक चटर्जी ।

पन्जावले टोलीमा राख्ने खेलाडी :

शिखर धवन (कप्तान), शाहरुख खान, जोनी बेयरस्टो, प्रभसिमरन सिंह, भानुका राजपक्षे, जितेश शर्मा, राज वावा, शिषी धवन, लियाम लिभिङस्टोन, अर्थव टैड, अर्शदीपसिंह, बालजित सिंह, नाथन एलिस, कागिसो रबाडा, राहुल चाहर र हरप्रीत ब्रार ।