काठमाडौं (हाम्रो खेलकुद) – नेपालले युएईसँग दोस्रो ओडिआई खेलमा टस हारेर पहिला फिल्डिङ गर्ने निर्णय लिएको छ । टियु क्रिकेट मैदानमा भएको टसमा युएईका कप्तान सिपी रिजवानले टस जितेर पहिला ब्याटिङ गर्ने निर्णय लिएका छन् ।

नेपालका कप्तान रोहित पौडेलले सिक्का उचालेपनि निर्णय युएईका कप्तानमा गएको हो । नेपालले आजको खेलमा एक परिवर्तन गरेको छ ।

हरिशंकर शाहलाई बेन्चमा राख्दै आरिफ शेखलाई आजको खेलमा मौका दिएको छ । टोलीमा अन्य भने परिवर्तन छैन । नेपाल पहिलो खेलमा युएईसँग ८४ रनले पराजित भएको थियो । तीन ओाडिआई खेलको सिरिजमा युएईले १-० को अग्रता लिएको छ ।

नेपालले आजको खेलमा कमलसिंह ऐरी, भीम सार्की, हरिशंकर शाह, सागर ढकाल र मोहम्मद आदिल आलमलाई बेन्चमा राखेको छ । युएईले आजको खेलमा दुई परिवर्तन गरेको छ । सबिर अली र विष्णु सुकरमानलाई आज मौका दिएको छ । तीव्र गतिका बलर जुनैद्द सिद्दिक र स्पिनर अहमद राजालाई बेन्चमा राखेको छ ।

नेपालको प्लेइङ ११ :

आसिफ शेख, अर्जुन साउद, कुशल भुर्तेल, ज्ञानेन्द्र मल्ल, दीपेन्द्रसिंह ऐरी, रोहित पौडेल (कप्तान), आरिफ शेख, करण केसी, सोमपाल कामी, गुलशन झा र ललित राजवंशी ।

हेड टु हेड :

नेपाल र युएईबीच हाल सम्म ७ ओडिआई खेल भएको छ । जसमा युएई पाँच र नेपाल दुई खेलमा विजयी भएको छन् । पछिल्ला पाँच खेलमा युएई चार खेलमा विजयी भएको छ ।

प्रत्यक्ष प्रसारण तथा टिकट

यस खेलको प्रत्यक्ष प्रसारण कान्तिपुर सिनेप्लस एचडीले गर्नेछन् । टिकटको मूल्य २ सय रुपैयाँ तोकिएको छ ।