default_image

1 year ago

November 18, 2022

नेपालविरुद्ध युएईको अविश्वसनीय पूनरागमन

काठमाडौं (हाम्रो खेलकुद) – अन्तिम विकेटका लागि आयन खान र हजरत बिलालले कीर्तिमानी साझेदारी गरेपछि युएईले तेस्रो ओडिआई खेलमा अविश्वसनीय पूनरागमन गर्दै नेपाललाई १ सय ७७ रनको प्रतिस्पर्धात्मक लक्ष्य दिएको छ । टियु क्रिकेट मैदानमा टस हारेर पहिला ब्याटिङको निम्तो पाएको युएई निर्धारित ५० ओभरमा ९ विकेट गुमाउँदै १ सय ७६ रन बनायो । एक […]

151 views

0 Bookmark

काठमाडौं (हाम्रो खेलकुद) – अन्तिम विकेटका लागि आयन खान र हजरत बिलालले कीर्तिमानी साझेदारी गरेपछि युएईले तेस्रो ओडिआई खेलमा अविश्वसनीय पूनरागमन गर्दै नेपाललाई १ सय ७७ रनको प्रतिस्पर्धात्मक लक्ष्य दिएको छ ।

टियु क्रिकेट मैदानमा टस हारेर पहिला ब्याटिङको निम्तो पाएको युएई निर्धारित ५० ओभरमा ९ विकेट गुमाउँदै १ सय ७६ रन बनायो । एक समय ३१.१ ओभरमा ९३-९ को अवस्थामा पुगेपनि दशौं विकेटका लागि आयन र हजरतले पुरै ओभर खेल्दै अविश्वसनीय पूनरागमन गराए ।

आयन खान ६३ बलमा ७ चौका र १ छक्कासहित ५४ रनमा अविजित रहे । नवौं विकेट जादा आयन एक रनमा क्रिजमा थिए । उनले आफ्नो अन्तर्राष्ट्रिय करिअरको पहिलो अर्धशतक हाने । बिलाल ५४ बलमा १ छक्कासहित २० रनमा अविजित रहे ।
यो ओडिआई इतिहासको अन्तिम विकेटका लागि भएको चौथो ठूलो साझेदारी हो ।

युएईको तर्फबाट अन्तिम विकेटका लागि भएको उच्च साझेदारी हो । ओडिआईमा अन्तिम विकेटका लागि वेस्टइन्डिजका भिभियन रिचर्ड्स र माइकल होल्डिङले १९८४ मा इंग्ल्यान्डविरुद्ध १ सय ६ रनको शतकीय साझेदारी गरेका थिए ।

युएईका एलिशान शराफुले ६९ बलमा ४ चौकासहित ३३ रन बनाए । एक समय युएई २३.१ ओभरमा ७९–३ को अवस्थामा थियो । त्यसपछि नेपाली स्पिन सामू निरिह बन्दै १४ रन जोड्न ६ विकेट गुमाएपछि युएई ३१.१ ओभरमा ९३–९ को दयनीय अवस्थामा पुगेको थियो ।


नेपाललाई तीव्र गतिका बलरले सानदार सुरुवात दिलाए । तीव्र गतिका बलर गुलशन झाले दोस्रो ओभरको दोस्रो बलमा ओपनर मोहम्मद वासिमलाई ११ रनमा विकेटकिपर आसिफ शेखबाट क्याच गराए । चोभार एण्डबाट आएका गुलशनको बलमा एज लागेर आउट हुनुअघि उनले ८ बलमा १ चौका र १ छक्का हाने । त्यसअघिको बलमा वासिमले गुलशनलाई छक्का हानेका थिए ।

टियु एण्डबाट आएका सोमपाल कामीले युवा ओपनर वृत्य अरविन्दलाई शून्यमा बोल्ड गरे । सोमपालको इन स्वींग बल वृत्यले रिड गर्न सकेनन् । गुलशन झाले चौथो ओभरको पहिलो बलमै कप्तान सिपी रिजवानलाई ४ रनमा आसिफ शेखबाट क्याच गराउँदै १६–३ को सानदार सुरुवात दिलाए ।

त्यसपछि चौथो विकेटका लागि अलिशान शराफु र रोहन मुस्तफाले ६३ रनको साझेदारी गर्दै इनिङ उकासेका थिए । मुस्तफा दीपेन्द्रसिंह ऐरी बलमा २४ रनमा कुशल भुर्तेलबाट क्याच आउट भए । मुस्तफाले ५६ बलमा २ चौका प्रहार गरे । मुस्तफाको विकेटपछि युएईका ब्याटर क्रिजमा टिक्न सकेनन् । लगातार खराब सट खेल्दै आउट भए ।

लेग स्पिनर कुशल भुर्तेलले शराफुलाई बोल्ड गरे । विष्णुु सुकुमारन एज लागेर दीपेन्द्रको बलमा आसिफ शेखबाट २ रनमा क्याच आउट भए । स्पिनर ललित नारायण राजवंशीले प्रमुख हिटर बासिल हामीदलाई ८ रनमा क्याच गराए । कुशलले नै अहमद राजालाई शून्यमा क्याच गराएपछि युएई ९३–८ को दयनीय अवस्थामा पुगेको थियो ।

नेपालका दीपेन्द्रसिंह ऐरीले १० ओभरमा ३ मेडनसहित २२ रन खर्चेर २ विकेट लिए । कुशल भुर्तेलले ७ ओभरमा १ मेडनसहित ३२ रन खर्चेर २ विकेट लिए । गुलशन झाले ७ ओभरमा ४२ रन खर्चेर २ विकेट लिए । सोमपाल कामी र ललित राजवंशीले एक एक विकेट लिए ।

नेपाल पहिलो खेलमा ८४ रनले पराजित हुँदा दोस्रो खेलमा तीन विकेटले विजयी भएको थियो । तीन ओडिआई खेलको सिरिज १–१ को बराबरी अवस्थामा छ ।

April 15, 2024

आफ्नै कीर्तिमान सुधार्दै हैदराबाद विजयी

एजेन्सी – इन्डियन प्रिमियर लिग (आईपीएल) जारी संस्करणमा नै इतिहासको सर्वाधिक योगफल बनाएर सनराइजर्स हैदराबादले कीर्तिमान सुधारेको छ । मार्च २७ मा मुम्बई इन्डियन्स विरुद्ध २ सय ७७ रन बनाएको हैदराबादले आज रोयल च्यालेन्जर्स बेंगलुरु विरुद्ध २ सय ८७ रन बनाउन सफल भयो । यो संस्करण अघि रोयल च्यालेन्जर्स बंगलुरुले सन् २०१३ मा बनाएको २ […]

April 15, 2024

कुवेतको दोस्रो जित 

मस्कट (हाम्रो खेलकुद) – ओमानमा जारी एसीसी प्रिमियर कपमा कुवेतले दोस्रो जित दर्ता गरेको छ । पहिलो खेलमा युएई विरुद्ध हार बेहोरेको कुवेतले लगातार दोस्रो जित दर्ता गर्ने क्रममा बहराइन माथि २६ रनको जित निकालेको हो । वर्षाका कारण १५ ओभरमा घटाइएको खेलमा १६२ रनको विशाल लक्ष्य पछ्याएको बहराइनले ६ विकेट गुमाउँदै १३५ रन मात्र […]

April 15, 2024

ओमानको युएईविरुद्ध सहज जित

मस्कट (हाम्रो खेलकुद) – ओमनमा जारी एसिसि प्रिमियर कपमा घरेलु टोलीमा ओमानले लगातार तेस्रो जित दर्ता गरेको छ । लगातार तेस्रो जित हासिल गर्ने क्रममा ओमानले युएई माथि ९ विकेटको सानदार जित निकालेको हो । वर्षाका कारण १५ ओभर प्रति टोलीमा घटाइएको खेलमा युएईले दिएको १४३ रनको लक्ष्य ओमानले १२.४ ओभरमै १ विकेट मात्र गुमाएर […]

Success

Thank you for your time.