default_image

1 year ago

November 20, 2022

आदिल नेपाली टोलीबाट बाहिरिए

काठमाडौं (हाम्रो खेलकुद) – विष्फोटक ब्याटिङ अलराउन्डर मोहम्मद आदिल आलम नेपाली क्रिकेट टोलीबाट बाहिरिएका छन् । नेपालले आइसिसी विश्वकप लिग–२ त्रिकोणात्मक ओडिआई सिरिज अन्तर्गत नामिबिया भ्रमण गर्ने १४ सदस्य टोली घोषणा आदिल टोलीमै छैनन् । नेपालले यसै साता युएईसँग तीन ओडिआई खेलको सिरिज घरेलु मैदान टियुमा खेलेको थियो । नेपालले तीन खेलको सिरिज २–१ ले […]

219 views

0 Bookmark

काठमाडौं (हाम्रो खेलकुद) – विष्फोटक ब्याटिङ अलराउन्डर मोहम्मद आदिल आलम नेपाली क्रिकेट टोलीबाट बाहिरिएका छन् । नेपालले आइसिसी विश्वकप लिग–२ त्रिकोणात्मक ओडिआई सिरिज अन्तर्गत नामिबिया भ्रमण गर्ने १४ सदस्य टोली घोषणा आदिल टोलीमै छैनन् ।

नेपालले यसै साता युएईसँग तीन ओडिआई खेलको सिरिज घरेलु मैदान टियुमा खेलेको थियो । नेपालले तीन खेलको सिरिज २–१ ले जितेको थियो । उक्त तीन खेल मध्य कुनै पनि खेलमा आदिलले टोलीमा मौका पाएका थिएनन् । नेपालले नेपालले गत अगष्ट सेप्टेम्बरमा केन्या भ्रमण गर्दा आदिल सहित केहि खेलाडी र मुख्य प्रशिक्षक मनोज प्रभाकरबीच भनाभन भएको बताइदै आएको छ ।

आदिलले नेपालबाट ६ ओडिआई र ८ टि२० आई खेल खेलेका छन् । गत मार्चमा टियु मैदानमा आदिलले पपुवा न्युगिनीविरुद्ध डेब्यू गर्दै ३१ रनको विष्फोटक इनिङ खेलेका थिए । त्यसपछि उनी पहिलो पटक नेपाली टोलीबाहिर भएका हुन् । आइसिसी विश्वकप लिग–२ मा गत जुनमा अमेरिकाविरुद्ध डेब्यू गर्दै खेल टाई गराएका थिए ।

अमेरिकालाई अन्तिम ओभरमा ६ रन चाहिँदा आदिलले ५ रन खर्चेर २ विकेट लिँदै खेल टाई गराएका थिए । आदिल तीव्र गतिका बलिङका लागि चिनिन्छन् ।

मधेशबाट घरेलु क्रिकेट खेल्ने आदिल डेब्यूपछि पहिलो पटक बाहिरिनु परेको हो । युएईसँगको खेलपछि आदिललाई किन मौका नदिएको भन्ने प्रश्नमा प्रभाकरले उनी टि२० खेलाडी भएको बताएका थिए । ‘मैले देखे अनुसार आदिल टि२० का लागि धेरै राम्रा खेलाडी हुन् । उनी प्रतिभाशाली छन् । बिग हिटर हुन् । तर यहाँ विकेटमा समय बिताउने चाहिन्छ । यो टि२० क्रिकेट होईन । यो ठूलो खेल हो । साढे तीन घण्टाको खेल हो’, युएईसँगको सिरिजपछि प्रभाकरले भनेका थिए ।

युएईसँगको सिरिजमा रहेका तीव्र गतिका बलर कमलसिंह ऐरी र भीम सार्की पनि बाहिरिएका छन् । यी दुबै खेलाडीले एक खेल पनि खेल्न पाएनन् ।

त्यस्तै बायाँ हाते स्पिन अलराउन्डर हरिशंकर शाहलाई भने नेपालले टोलीमा स्थान दिएको छ । युएईसँग दुई खेल खेलेका हरिशंकर दुबै खेलमा विकेट विहीन बन्दा पहिलो खेलमा ८ रनमा आउट भएका थिए ।

तीव्र गतिका बलर नन्दन यादव भने पहिलो पटक टोलीमा परेका छन् । बागमतीबाट घरेलु क्रिकेट खेल्ने नन्दन तीव्र गतिसँगै तल्लोक्रममा राम्रो ब्याटिङका लागि चिनिन्छन् ।

नामिबिया भ्रमण गर्ने नेपाली टोली :

रोहित पौडेल (कप्तान), आसिफ शेख, दीपेन्द्रसिंह ऐरी, कुशल भुर्तेल, ललित राजवंशी, सोमपाल कामी, सागर ढकाल, अर्जुन साउद, ज्ञानेन्द्र मल्ल, आरिफ शेख, गुलशन झा, करण केसी, हरिशंकर शाह र नन्दन यादव ।

April 20, 2024

नेपाललाई हराउँदै हङकङ इमर्जिङ एसिया कपमा छनोट

मस्कट (हाम्रो खेलकुद) – हङकङ ओमनमा जारी एसीसी प्रिमियर कपमा तेस्रो स्थान हासिल गर्दै इमर्जिङ टिम्स एसिया कपमा छनोट भएको छ । तेस्रो स्थानको लागि शनिबार भएको खेलमा नेपाल माथि ४ विकेटको जित निकाल्दै इमर्जीङ टिम्स एसिया कपमा छनोट भएको हो । नेपालले दिएको १ सय ४० रनको लक्ष्य पछ्याएको हङकङले लक्ष्य १९.३ ओभरमा ६ […]

April 20, 2024

दीपेन्द्रको ब्याटिङमा नेपालको प्रतिस्पर्धात्मक योगफल

मस्कट (हाम्रो खेलकुद) – एसिसि प्रिमियर कप अन्तर्गत हङकङ विरुद्ध तेस्रो स्थानको खेलमा नेपालले प्रतिस्पर्धात्मक योगफल खडा गरेको छ । पछिल्लो खेलमा खराब ब्याटिङ प्रदर्शन गरेको नेपालले आज निर्धारित २० ओभरमा ८ विकेट गुमाउँदै १३९ रन बनाएको हो ।  टस जितेर पहिला ब्याटिङ रोजेको नेपालका लागि दीपेन्द्र सिंह ऐरीले २९ बलमा ४ चौका र ३ […]

April 20, 2024

लुम्बिनी तेस्रो जितसहित शीर्षस्थानमा कायम

काठमाडौं (हाम्रो खेलकुद) – वीर गणेशमान सिंह राष्ट्रिय टी-ट्वान्टी च्याम्पिनसिपमा शनिबार लुम्बिनी प्रदेशले कोशी प्रदेशलाई ५० रनले हराएको छ। लुम्बिनीको यो तेस्रो जित हो र ६ अंक सहित अंक तालिकाको शीर्षस्थानमा रहेको छ। लुम्बिनीको जितमा कप्तान देव खनालले ४५ रन बनाए। जितको लागि १ सय ३९ रनको मध्यम लक्ष्य पछाएको कोशी प्रदेश १९.४ ओभरमा मात्र […]

Success

Thank you for your time.