एजेन्सी – अष्ट्रेलियाले तेस्रो तथा अन्तिम ओडिआई खेलमा इंग्ल्यान्डमाथि डकवर्थ लेविस पद्धतिको आधारमा २ सय २१ रनको सानदार जितका साथ क्लिनस्वीप गरेको छ । तीन ओडिआई खेलको सिरिजमा अष्ट्रेलियाले सानदार क्लिनस्वीप गर्यो ।

जितको लागि ३ सय ६४ रनको विशाल विजयी लक्ष्य पछ्याएको इंग्ल्यान्ड ३१.४ ओभरमा १ सय ४२ रनमा अल आउट भयो । इंग्ल्यान्डका ओपनर जेसन रोयले ४८ बलमा ६ चौकासहित सर्वाधिक ३३ रन बनाए । इंग्ल्यान्डका कुनैपनि ब्याटरले राम्रो प्रदर्शन गर्न सकेनन् ।

डेविड मलान २, जेम्श भिन्स २२, साम बिलिंग्स ७, मोईन अली १८, जस बटलर १ र साम करन १२ रनमा आउट भए । लियाम डावसन १८ र डेविड विल्ली १२ रनमा आउट भए ।

अष्ट्रेलियाका स्पिनर एडम जाम्पाले ५.४ ओभरमा १ मेडनसहित ३१ रन खर्चेर ४ विकेट लिए । प्याट कमिन्स र शेन एबोटले दुई दुई विकेट लिए । जोश हेजलवुड र मिचेल मार्शको नाममा एक एक विकेट रह्यो ।

त्यसअघि मेलबर्न क्रिकेट ग्राउन्डमा टस हारेर पहिला ब्याटिङको निम्तो पाएको अष्ट्रेलियाले निर्धारित ४८ ओभरमा ५ विकेट गुमाउँदै ३ सय ५५ रन बनाएको थियो । वर्षाको कारण खेल २ ओभर घटाइएको थियो । डकवर्थ लेविस पद्धतिको आधारमा इंग्ल्यान्डले उक्त लक्ष्य पाएको हो ।

अष्ट्रेलिया ओपनर ट्रविस हेडले १ सय ३० बलमा १६ चौका र ४ छक्कासहित १ सय ५२ रनको सानदार शतकीय इनिङ खेले । हेडको यो ओडिआई करिअरको तेस्रो र सर्वोत्कृष्ट प्रदर्शन हो । त्यस्तै डेविड वार्नरले १ सय २ बलमा ८ चौका र २ छक्कासहित १ सय ६ रनको शतकीय इनिङ खेले । वार्नरको यो १९ औं ओडिआई शतक हो ।

पहिलो विकेटका लागि वार्नर र हेडले ३८।१ ओभरमा २ सय ६९ रनको सानदार दोहोरो शतकीय साझेदारी गर्दै विशाल योगफलको आधार तय गरेका थिए । तीव्र गतिका बलर ओली स्टोनले डेविड वार्नरलाई डेविड विल्लीबाट क्याच गराउँदै साझेदारी तोडेका थिए । वार्नर आउट भएको तीन बलपछि हेड पनि बोल्ड हुन पुगे ।

मिचेल मार्श १६ बलमा १ चौका र २ छक्कासहित ३० रनमा आउट भए । स्टिभ स्मिथ २१, मार्कस स्टोइनिस र एलेक्स केरीले १२(१२ रन बनाए । मार्नस लाबुसेनले ८ रन जोडे ।

इंग्ल्यान्डका ओली स्टोनले १० ओभरमा ८५ रन खर्चेर ४ विकेट लिए । अष्ट्रेलिया पहिलो खेलमा ६ विकेट र दोस्रो खेलमा ७२ रनले विजयी भएको थियो ।