2 years ago
November 22, 2022
काठमाडौं (हाम्रो खेलकुद) – बुधबारदेखि काठमाडौंमा सुरु हुने वाई वाई यू१९ राष्ट्रिय प्रतियोगिता सम्पूर्ण तयारी पूरा भएको छ । प्रतियोगितामा ७ प्रदेशका टोलीले सिंगल राउन्ड रोविनका आधारमा खेल्नेछन् । टियु र मुलपानी क्रिकेट मैदानमा हुने प्रतियोगिता शीर्ष दुई टोली फाइनल मंसिर १९ मा फाइनलमा प्रतिस्पर्धा गर्नेछन् ।
नेपाल क्रिकेट संघ (क्यान) ले मंगलबार एक कार्यक्रम गरि सम्पूर्ण तयारी पूरा भएको जनाएको छ । यसै प्रतियोगिता प्रदर्शनको आधारमा नेपालले यू-१९ टोली निर्माण गर्नेछ । जुन टोलीले २०२४ मा श्रीलंकामा हुने यू१९ विश्वकपको लागि एसिया क्षेत्र डिभिजन १ छनोट २०२३ खेल्ने छ । डिभिजन १ छनोटमा नेपाल, युएई, हङकङ, कुवेत, मलेसिया र सिंगापुरबीच प्रतिस्पर्धा हुनेछ । युएईमा हुने डिभिजन १ छनोटको विजेता टोली विश्वकप खेल्न पाउनेछ ।
आयोजक श्रीलंकासँगै, अफगानिस्तान, अष्ट्रेलिया, बंगलादेश, इंग्ल्यान्ड, भारत, आयरल्यान्ड, पाकिस्तान, दक्षिण अफ्रिका, वेस्टइन्डिज र जिम्बावे स्वत छनोट भएका छन् । बाँकी पाँच टोली विभिन्न क्षेत्र छनोटका विजेता हुनेछन् । नेपाल विश्वकप जित्न डिभिजन १ को विजेता हुनुपर्ने हुन्छ । हङकङ र सिंगापुर डिभिजन २ बाट एकमा आएका हुन् । नेपालको लागि यो विश्वकप छनोटको पहिलो सुरुवात हुनेछ । नेपालले २०१६ पछि यू१९ विश्वकप खेल्न सकेको छैन ।
कार्यक्रममा क्याका कार्यवाहक सचिव प्रशान्त विक्रम मल्ल, कोषाध्यक्ष रोशन सिंह, केन्द्रिय सदस्य दुर्गाराज पाठक र चौधरी ग्रुपमा उपमहाप्रन्धक लाल बाबु प्रताप लगायतको उपस्थीति थियो । यस प्रतियोगिताको लागि क्यानलाई चौधरी ग्रुपले वार्षिक ७० लाख प्रायोजन गर्ने गर्दछ ।
प्रतियोगिता विजेता टोलीले २ लाख र उपविजेता टोलीले एक लाख पाउनेछन् । प्रतियोगिता सर्वोत्कृष्ट खेलाडीले १५ हजार, उत्कृष्ट ब्याटर र बलरले १०–१० हजार पाउनेछन् । खेलको प्लेयर अफ द म्याचले दुई हजार र म्याच फि एक हजार हुनेछ ।
‘हामी चाहन्छौं यो प्रतियोगिताबाट देशभर छरिएर रहेका प्रतिभा देशले पाउनेछ’, प्रशान्तले भने । प्रतियोगिता १९ गते सम्म चल्नेछ । टियु मैदानमा हुने सबै खेलको प्रत्यक्ष प्रसारण काष्ठमण्डप टेलिभिजनले प्रत्यक्ष प्रसारण गर्नेछ । गत वर्ष यस प्रतियोगिता उपाधि लुम्बिनी प्रदेशले जितेको थियो ।
July 26, 2024
एजेन्सी – आयोजक श्रीलंका एसिसी महिला एसिया कपको उपाधि नजिक पुगेको छ । शुक्रबार भएको दोस्रो सेमिफाइनलमा पाकिस्तानलाई ३ विकेटले पराजित गर्दै घरेलु टोली फाइनलमा पुगेको हो । पाकिस्तानले दिएको १ सय ४१ रनको लक्ष्य श्रीलंकाले ७ विकेट गुमाइ १९.५ ओभरमा पूरा गर्यो । कप्तान चमारी अथापथ्थुले ४८ बलमा ९ चौका र २ छक्काको सहयोगमा […]
July 26, 2024
एजेन्सी – भारत एसिसी महिला एसिया कपको उपाधि नजिक पुगेको छ। श्रीलंकामा जारी एसिया कपको शुक्रबार भएको पहिलो सेमिफाइनलमा बंगालदेशलाई १० विकेटले पराजित गर्दै भारत फाइनलमा पुगेको हो। ८१ रनको लक्ष्य भारतले कुनै विकेट नगुमाइ ११ ओभरमा पूरा गर्यो। स्मृति मन्धनाले नटआउट ५५ रन र शफली बर्माले नटआउट २६ रन बनाइन् । स्मृतिले ३९ बलमा […]
July 26, 2024
एजेन्सी – नेपाली लेग स्पिनर सन्दीप लामिछाने सम्मिलित भ्यानकुभर नाइट्स टि ट्वान्टी क्यान्डा क्रिकेट लिगमा पराजित भएको छ । टोरन्टो नेसनल्ससँग भ्यानकुभर नाइट्स ८ विकेटले पराजित भएको हो। भ्यानकुभरले दिएको १ सय ११ रनको लक्ष्य टोरन्टोले १४.४ ओभरमा २ विकेट गुमाउँदै पूरा गर्यो। टोरन्टोका कप्तान कोलिन मुनरोले ३९ बलमा ३ छक्का र त्यत्तिनै चौकाको मद्दतमा सर्वाधिक […]