default_image

2 years ago

December 4, 2022

पाकिस्तानले भारत विना नै एसिया कप गर्ने!

169 views

0 Bookmark

एजेन्सी – पाकिस्तानले यदि भारत आफ्नो देश नआएपनि एसिया कप २०२३ आयोजना गर्ने दाबी गरेको छ । भारतले दुई महिनाअघि एसिया कप खेल्न पाकिस्तान नजाने बताएको थियो । पाकिस्तानले त्यसको जवाफ दिँदै भारत विना नै एसिया कप गर्न तयार रहेको जनाएको छ ।

पाकिस्तानका पूर्व कप्तान तथा क्रिकेट बोर्डका अध्यक्ष रमिज राजाले एसियन क्रिकेट काउन्सिल (एसिसी) ले एसिया कप २०२३ एकदिवसीय प्रतियोगिता आयोजना गर्न आफूहरुलाई अधिकार दिएको हुँदा जसरी पनि हुने बताएका छन् ।

‘एसिसीले हामीलाई एसिया कप आयोजना गर्ने अधिकार दिएको छ । त्यसपछि भारतले हामी आउँदैन भनेको छ । म मान्छु भारतमा राजनीतिक कुरा हुन्छ । तर एसिया कप पाकिस्तानबाट तटस्थ भुमीमा जान यो हुने वाला छैन’, पाकिस्तान क्रिकेट बोर्डका अध्यक्ष रमिज राजाले भने ।

भारतले पाकिस्तानलाई एसिया कप तटस्थ भूमिका आयोजना गर्न सुझाव दिएको थियो । तर राजाले पाकिस्तानमै हुने बताए ।
‘भारत पाकिस्तान आउँदैन भने हामी किन गर्न सक्दैनौं । हामी त उपलब्ध छौं । यो हाम्रो अधिकार हो । भारत नआउँदा बंगलादेश र श्रीलंका आउदैनन् भने नआउन् । एसिया कप पाकिस्तानमै हुन्छ’, राजाले भने ।

दुई महिना अघि भारतले २०२३ मा पाकिस्तानमा हुने एकदिवसीय एसिया कप खेल्न आफू नजनो बताएको थियो । मुम्बईमा भएको भारतीय क्रिकेट बोर्ड बिसिसिआईको ९१ औं वार्षिक साधरण सभामा सचिव तथा एसियन क्रिकेट काउन्सिलका अध्यक्ष जय शाहले एसिया कप फरक ठाउँमा खेल्नुपर्ने सुझाव दिएका थिए ।

‘एसिया कप २०२३ तटस्थ स्थानमा हुनेछ । म एसिसीको अध्यक्षको हैसियतले भन्दै छु । भारत पाकिस्तान जान सक्दैन । तिहीहरु यहाँ आउन सक्दैनन् । विगतमा पनि एसिया कप तटस्थ भूमिमा खेलिएको छ’, जय शाहले त्यस समय भनेका थिए ।

पाकिस्तानका केहि पूर्व खेलाडीहरुले आफूहरुपनि भारत जान नहुने बताएका छन् । २०१६ को टि२० विश्वकपमा भने पाकिस्तान भारतमा आएको थियो । यी दुई देश आन्तरिक राजनीतिको कारण होम अवे कुनैपनि सिरिज खेल्दैनन् । विश्वकप र एसिया कपमा मात्रै प्रतिस्पर्धा गर्ने गर्दछन् । त्यसैले विश्व क्रिकेटमा सबैभन्दा बढी महत्वपूर्ण खेलको रुपमा भारत र पाकिस्तानको खेललाई मान्ने गरिन्छ ।

पछिल्लो समय बाबर आजमको कप्तानीमा पाकिस्तान धेरै फेरिएको छ। गत वर्ष टि२० विश्वकपमा पाकिस्तानले भारतमाथि १० विकेटको सानदार जित हात पारेको थियो । गत एसिया कपको सुपर फोरमा भारत पाकिस्तानसँग ५ विकेटले पराजित हुँदै बाहिरिनु परेको थियो ।

एसिया कपको समूह चरणमा भने भारत पाँच विकेटले विजयी भएको थियो । यस पटकको विश्वकपमा भने भारतले पाकिस्तानलाई ४ विकेटले पराजित गरेको थियो । २०१७ को च्याम्पियन्स ट्रफीको फाइनलमा पाकिस्तानले भारतलाई १ सय ८० रनको फराकिलो अन्तरले हराउँदै उपाधि जितेको थियो ।

पाकिस्तानले २०२५ मा च्याम्पियन्स च्याम्पियन्स ट्रफी आयोजना गर्नेछ । २०१७ पछि भने च्याम्पियन्स ट्रफी भएको छैन । च्याम्पियन्स ट्रफीमा विश्वका आठ शीर्ष टोलीबीच प्रतिस्पर्धा हुनेछ ।

दुई देशबीचको सम्बन्ध राम्रो नभएपनि खेलाडीहरुमा भने मित्रता देखिन्छ । पाकिस्तान र भारतबीचका खेलाडीबीच मैदानमा भने राम्रो सम्बन्ध देखिदै आएको छ । केहि महिना अघि विराट कोहली खराब लयमा रहँदा पाकिस्तानका बाबर आजमले उनलाई साथ दिँदै हौसला दिएका थिए । त्यसपछि विराटले अन्तर्राष्ट्रिय क्रिकेटमा सानदार प्रदर्शन गर्दै आएका छन् ।

तर दुई देशबीचको खराब राजनीतिक सम्बन्धले त्यसको मारमा क्रिकेट खेलाडीहरु पनि पर्दै आएका छन् । विश्वको सबैभन्दा लोकप्रिय फ्रेन्चाइज लिग इन्डियन प्रिमियर लिग (आइपिएल) मा त्यसैको कारण पाकिस्तानी खेलाडीलाई खेल्न प्रतिबन्ध लगाइएको छ

June 21, 2024

अष्ट्रेलियाको बंगलादेशविरुद्ध जित

एजेन्सी – आइसिसी टि-२० विश्वकप अन्तर्गत सुपर एट को आफ्नो पहिलो खेलमा अष्ट्रेलियाले बंगलादेश माथि जित हात पारेको छ । एन्टिग्वामा वर्षाले प्रभावित खेलमा अष्ट्रेलियाले डकवर्थ-लुइस पद्धति अनुसार २८ रनको जित हार पारेको थियो । बंगलादेशले दिएको १४० रनको लक्ष्य पछ्याउने क्रममा अष्ट्रेलिया ११.२ ओभरमा २ विकेटको क्षतिमा १०० रनको अवस्थामा हुँदा खेल वर्षाका कारण […]

June 21, 2024

भारतद्वारा अफगानिस्तान सहजै पराजित

एजेन्सी – आइसिसी टि-२० विश्वकप २०२४ अन्तर्गत सुपर एट चरणको आफ्नो पहिलो खेलमा भारतले अफगानिस्तान विरुद्ध सहज जित दर्ता गरेको छ । बार्बाडोसमा भएको खेलमा भारतले ४७ रनको फराकिलो अन्तरले जित हात पारेको हो । भारतले दिएको १ सय ८२ रनको लक्ष्य पछ्याउने क्रममा अफगानिस्तान अन्तिम ओभरमा अलआउट हुदै १ सय ३० रनमै रोकियो । […]

June 20, 2024

इङ्ल्यान्डको सुपर एटमा सानदार सुरुवात

एजेन्सी – इङ्ल्यान्डले आइसिसी टि-२० विश्वकपको सुपर एट चरणमा सानदार सुरुवात गरेको छ । इङ्ल्यान्डले बिहीबार बिहान भएको खेलमा घरेलु टोली वेस्ट इन्डिज माथि ८ विकेटको फराकिलो जित दर्ता गरेको हो । एक समय समूह चरणबाट बाहिरिने अवस्थामा रहेको इङ्ल्यान्डले वेस्ट इन्डिजले दिएको १८१ रनको विशाल लक्ष्य १५ बल बाँकी छँदै २ विकेट मात्र गुमाएर […]

Success

Thank you for your time.