काठमाडौं (हाम्रो खेलकुद) – नेपाली क्रिकेट नेपाली क्रिकेट टोलीका ओपनर कुशल भुर्तेलले लुम्बिनी अल स्टार्सबाट नेपला टि२० लिगमा पोखरा एभेन्जर्सविरुद्ध विकेटकिपरको भूमिका निर्वाह गर्ने भएका छन् ।

टियु क्रिकेट मैदानमा भएको टसमा लुम्बिनीका कप्तान दीपेन्द्रसिंह ऐरीले जितेर पहिला ब्याटिङ गर्ने निर्णय लिएका छन् । लुम्बिनीले आजको खेलमा कुशल भुर्तेललाई विकेटकिपरको भूमिका दिएको छ । ओपनर कुशल भुर्तेलले पछिल्लो समय लेग स्पिन बलिङ गर्दै आएका छन् । कुशलले विकेटकिपरको भूमिका पाएका छन् ।

लुम्बिनीले किकेटकिपर अनिल शाह र लाहिरु मिलान्था दुबैलाई बेन्चमा छन् । मिलान्था लुम्बिनीको पाँच मध्य तीन खेलमा प्लेयर अफ द म्याच चुनिदै आएका थिए । लुम्बिनीको सबै खेलमा विकेटकिपर मिलान्था थिए । तर मिलान्था घाइते भएका छन् ।

त्यसैको कारण उनको स्थानमा प्याट ब्राउन खेलेका छन् । अनिल शाह भने हजुरबुबाको निधनपछि शुक्रबार रातीनै उनी घर कलैया फर्किएका छन् । त्यसैको कारण कुशल भुर्तेललाई विकेटकिपर खेलाएको छ ।

अनिलको स्थानमा योगेन्द्रसिंह कार्की खेलेका छन् । त्यसैको कारण कुशलले विकेटकिपरको भूमिका निर्वाह गर्नु पर्ने भएको छ । कुशलले यू-१९ मा मध्यगतिमा बलिङ गर्दा तल्लोक्रममा ब्याटिङ गर्थे । कुशलले पहिलो पटक विकेटकिपरको भूमिका निर्वाह गरेका हुन् ।

पोखराले कुशल मल्ललाई बेन्चमा राख्दा प्रतिश जि.सीलाई मौका दिएको छ । कुशलले यस प्रतियोगितामा उच्च प्रदर्शन गर्दै आएका छन् । शुक्रबार मात्रै फार वेस्ट युनाइटेडविरुद्ध २२ बलमा ५ छक्कासहित ४० रन जोडेका थिए । पोखराको लगातार खेल हुँदा विश्राम दिएको अनुमान गरिएको छ ।

त्यस्तै लुम्बिनी अल स्टार्सले आजको खेलमा दुई परिवर्तन गरेको छ । योगेन्द्रसिंह कार्की र प्याट ब्राउनलाई आजको खेलमा मौका दिएको छ । अनिल कुमार शाह र लाहिरु मिलान्थालाई विश्राम दिएको छ । लुम्बिनी ५ खेलमा १० अंकका साथ शीर्षस्थानमा छ । पोखरा ६ खेलमा ५ मा हार र १ मा जितसहित पुछारमा छ ।

पोखरा एभेन्जर्सको प्लेइङ ११ : आसिफ शेख, प्रतिश जि.सी, आरिफ शेख, तुलबहादुर थापा, विपिन खत्री, सुमित महर्जन, सिद्धान्त लोहनी, उपुल थरंगा, जाहिर खान, आमिर हाम्जा र अभिमन्यु मिथुन ।

लुम्बिनीको प्लेइङ ११ : दीपेन्द्रसिंह ऐरी, योगेन्द्रसिंह कार्की, कुशल भुर्तेल, प्याट ब्राउन, गुलशन झा, तिलकराज भण्डारी, किशोर महतो, सुनिल धमला, शड्ली भान सेक्किक, ह्यारी टेक्टर र हरम्रीत सिंह ।