दिपेन्द्र पोखरेल – बिराटनगर – सातौं राष्ट्रिय खेलकुद अन्तर्गतको क्रीकेटमा आज समुह चरणका खेलहरु सकिएका छन । कम स्कोर भएको पहिलो खेलमा नेपाल पुलिस क्लबले मध्यमाञ्चलसँङ ९ रनले पराजयको सामना गर्‍यो भने दोस्रो खेलमा दुइ बिभागिय टोलिबिचको प्रतिस्पर्धमा एपिएफले आर्मिलाई २८ रनले पराजित गर्‍यो ।

पहिले ब्याटिङ गरेको मध्यमाञ्चलले २० ओभरमा सबै विकेट गुमाउदै १२० रन जोड्न सफल भयो । मध्यमाञ्चलकलागी प्रकास भुझेलले सर्वाधिक २५ रनको योगदान दिए । १२१ रनको सानो लक्ष्य बोकेको नेपाल प्रहरिले ११ रनमा आफ्नु सम्पुर्ण विकेट गुमायो । ओपनर सुनिल धमलले ४४ रन बनाए र योगेन्द्र कार्कीले २० बाहेक कसैले महत्वपूर्ण योगदान दिना सकेनन । नेपाल प्रहरी क्लबका ५ खेलाडी रन आउट भएका थिए ।

दोस्रो खेलमा करण केसिको अल राउण्ड प्रदर्शनमा नेपाल सशस्त्र प्रहरी बल(एपिएफ)ले त्रिभुवन आर्मिलाई २८ रनले पराजित गर्दै समुह बिजेता भयो । पराजय भोगेको नेपाली शेना भने समुह उपबिजेता हुँदै सेमिफाइनल प्रवेश गर्‍यो ।

पहिले ब्याटिङ गरेको एपिएफले निर्धारित २० ओभरमा ४ विकेट गुमाउदै १६५ रन बनायो । ४ रन हुँदा सुबास खकुरेललाई गुमाएको एपिएफले आसिफ शेख(३९) र प्रदिप ऐरी (४७) बिचको ६६ रनको साझेदारिमा स्थिती सम्हाल्यो ।  त्यस्तै करण केसिले २५ बलमा ४ चौका र २ छक्काको मद्धेतले ४६ रन जोडे भने कप्तान पारले ८ बलको सामना गर्दै २० रन बनाएर अभिजित रहे । जबाफमा आर्मी १८औ ओभरमा सबै विकेट गुमाउदै १३७ रनमा समेटियो । १२ ओभर सम्म ९९-२को बलियो अवस्थामा रहेको आर्मिले अन्तिम ७ रन जोढ्दा आफ्नो ७ विकेट गुमायो ।

एपिएफका लागी भुवन कार्किले ३ विकेट लिए भने करण केसी र बसन्त रेग्मिले २-२ विकेट लिए ।

समुह बिजेता एपिएफले पहिलो सेमिफाइनलमा मध्यमाञ्चलको सामना गर्नेछ भने दोस्रो सेमिफाइनलमा आर्मिले नेपाल पुलिस क्लबको सामना गर्ने छ ।