default_image

2 years ago

January 5, 2023

भारतका १० खेलाडी घाइते!

157 views

0 Bookmark

एजेन्सी – विश्व क्रिकेटको पावर हाउस भारतका प्रमुख खेलाडी अहिले घाइते छन् । पछिल्लो समय लगातार खेलाडी घाइते भएपछि भारत समस्यामा पर्दै आएको छ । चोटकै कारण भारतले टि२० विश्वकपमा जस्प्रित बुमराह र रविन्द्र जडेजा विना नै खेल्नु पर्यो ।

बुधबार भारतका मध्यक्रमका ब्याटर सन्जु स्यामसन चोटका कारण बाहिरिएका छन् । श्रीलंकासँग पहिलो टि२० आई खेलमा फिल्डिङ गर्नेक्रममा स्यामसन घाइते भएका थिए ।

उनको स्थानमा भारतले विकेटकिपर जितेश शर्मालाई टोलीमा बोलाएको छ । भारतीय कप्तान रोहित शर्मादेखि विकेटकिपर ऋषभ पन्त सम्मका खेलाडी घाइते छन् । हाल घाइते भएका भारतीय १० खेलाडी यस प्रकार छन् ।

१.रोहित शर्मा– बुढी औंला

भारतीय क्रिकेट टोलीका कप्तान रोहित शर्मा गत डिसेम्बरमा बंगलादेशसँग दोस्रो ओडिआई खेलमा घाइते भएका थिए । रोहितको बायाँ हातको बुढी औंलामा चोट लागेको थियो । रोहित उक्त खेलमा २८ बलमा ३ चौका र ५ छक्कासहित ५१ रनमा मा अविजित थिए । त्यसपछि उनी भारतीय टोलीमा छैनन् ।

२. ऋषभ पन्त– लिगामेन्ट

भारतीय क्रिकेट टोलीका विकेटकिपर ब्याटर ऋषभ पन्त यसै साता कार दुर्घटनामा पनि गम्भीर घाइते भएका छन् । उनको टाउँको, खुट्टा र पछाडीको भागमा चोट लागेको छ । पन्तको लिगामेन्ट टेयरमा चोट लागको छ । बुधबार उनी आइसियुबाट बाहिर भएका थिए । पन्तलाई मैदान फर्किन लामो समय लाग्न सक्ने अनुमान गरिएको छ ।

३. जस्प्रित बुमराह– ब्याक

भारतीय प्रमुख तीव्र गतिका बलर जस्प्रित बुमराह ब्याक इन्जुरीबाट संघर्ष गरेका छन् । लामो समयदेखि ब्याक इन्जुरीको उनले उपचार गराई रहेका छन् ।

अर्को सातादेखि श्रीलंकासँग हुने तीन ओडिआई खेलको लागि उनी टोलीमा छन् । बुमराहले ब्याक इन्जुरीकै कारण टि२० विश्वकप गुमाउनु परेको थियो । बुमराह अझै पूर्ण रुपमा फिट भने भएका छैनन् ।

४.रविन्द्र जडेजा– घुँडा

भारतीय अलराउन्डर रविन्द्र जडेजा पनि टि२० विश्वकप अघि नै भारतीय टोलीबाट बाहिरिएका थिए । जडेजाको घुँडामा चोटका कारण लामोसमय देखि मैदान बाहिर छन् । पछिल्लो एक वर्ष जडेजाले चोटसँग लगातार संघर्ष गर्दै आएका छन् ।

५. प्रसिद्ध कृष्णा – ब्याक

भारतीय तीव्र गतिका बलर प्रसिद्ध कृष्णा ब्याक इन्जुरीको कारण टोलीमा छैनन् ।

६.दीपक चाहर– ह्यामस्ट्रिङ

भारतीय तीव्र गतिका बलर दीपक चाहर गत डिसेम्बरमा बंगलादेशविरुद्ध ओडिआई सिरिजमा घाइते भएका थिए । ह्यामस्ट्रिङ चोटका कारण उनी भारतीय टोली बाहिर छन् ।

७- सन्जु स्यामसन – घुँडा

भारतीय क्रिकेट टोलीका विकेटकिपर सन्जु स्यामसन श्रीलंकासँग पहिलो टि२० आई खेलमा घाइते भएका थिए । १३ औं ओभरमा फिल्डिङ गर्नेक्रमा लड्दा स्यामसन घाइते भएका थिए । घाइते भएलगत्तै उनले मैदान छाडेका थिए । स्यामसनलाई भारतीय क्रिकेटमा अभागी खेलाडीको रुपमा समेत हेरिन्छ ।

८. मोहम्मद शामी – काँध

भारतीय तीव्र गतिका बलर मोहम्मद शामी काँघमा चोटका कारण भारतीय टोलीमा छैनन् । शामी बंगलादेशसँगको ओडिआई सिरिज खेल्नुअघि अभ्यासको क्रममा घाइते भएका थिए ।

९.नवदीप सैनी – माशंपेशी

भारतीय तीव्र गतिका बलर नवदीप सैनी माशंपेशीमा चोटका कारण भारतीय टोली बाहिर छन् । उनी बंगलादेश भ्रमणकोक्रममा घाइते हुन पुगेका थिए ।

१०.कुलदीप सेन-ब्याक

भारतीय तीव्र गतिका बलर कुलदीप सेन पनि घाइते छन् । सेन बंगलादेशसँगको पहिलो ओडिआई खेलमा घाइते भएका छन् ।

आइपिएलमा सानदार प्रदर्शन गरेपछि सेनले बंगलादेशविरुद्ध पहिलो ओडिआई खेलमा डेब्यू गरेका थिए । डेब्यू खेलमा दुई विकेट लिएपनि ब्याक इन्जुरीको कारण टोली बाहिर भएका हुन् ।

July 25, 2024

एसिया कप खेलेर फर्कियो नेपाल

काठमाडौं (हाम्रो खेलकुद) – नेपाली राष्ट्रिय महिला क्रिकेट टोली एसीसी महिला एसिया कप खेलेर विहीबार स्वदेश फर्किएको छ । नेपालले प्रतियोगिताको समूह चरणमा यूएई, पाकिस्तान र भारतसँग प्रतिस्पर्धा गरेको थियो । पहिलो खेलमा यूएईलाई ६ विकेटले हराउँदै नेपालले प्रतियोगिताको इतिहासमा पहिलो जित समेत दर्ता गरेको थियो । त्यसपछि दोस्रो खेलमा पाकिस्तानसँग ९ विकेट र भारतसँग […]

July 24, 2024

दीपेन्द्र र रोहित ग्लोबल टि-२० खेल्न जाँदै

काठमाडौं (हाम्रो खेलकुद) – नेपाल राष्ट्रिय क्रिकेट टोलीका कप्तान रोहित पौडेल र अल-राउन्डर दीपेन्द्र सिंह ऐरी क्यानडियन फ्रेन्चाइज लिग ग्लोबल टि-२० का लागि आज राती प्रस्थान गर्ने भएका छन् । दुवै दिल्लीबाट क्यानडाका लागि प्रस्थान गर्दैछन् । भिसा आउन समय लागेका कारण दीपेन्द्र शुक्रवार देखि सुरु हुने लिगका लागि ढिलो प्रस्थान गर्दैछन् । उनी यसपटक […]

July 23, 2024

भारतविरुद्ध फराकिलो हारसँगै नेपाल एशिया कपबाट बाहिरियो

काठमाडौं (हाम्रो खेलकुद) – भारत विरुद्ध फराकिलो हार बेहोर्दै नेपाल एसिसि एशिया कप २०२४ बाट बाहिरिएको छ । भारत विरुद्ध ८२ रनले पराजित भएसँगै नेपाल एशिया कपबाट औपचारिक रूपमा बाहिरिएको हो । १ सय ७९ रनको विशाल लक्ष्य पछ्याएको नेपालले निर्धारित २० ओभरमा ९ विकेट गुमाउँदै ९६ रन मात्र बनाउन सक्यो । नेपालका लागि सिता […]

Success

Thank you for your time.